Tíminn - 24.07.1976, Blaðsíða 6
6
TÍMINN
Laugardagur 24. júli 1976.
RITSAFN GUNNARS
GUNNARSSONAR
Nýlega eru komin út hjá Al-
menna bókafélaginu sjö ný bindi i
ritsafni Gunnars Gunnarssonar.
Aður voru komin út i ritsafninu
sjö bindi, svo að safnið er alls orð-
ið 14 bindi. Þær bækur, sem áður
voru komnar út i ritsafninu eru
þessar:
Saga Borgarættarinnar,
Svartfugl,
Fjallkirkjan (3 bindi)
Vikivaki,
Heiöaharmur.
Nú bætast viö þessar bækur:
Vargur i véum,
Sælir eru einfaldir,
Jón Arason,
Sálumessa,
Fimm fræknisögur,
Dimmufjöll,
Fjandvinir.
Vargur i véum (1916) og Sæiir
eru cinfaldir (1920) tilheyra báð-
ar æskuskeiðinu i ritferli Gunnars
Gunnarssonar. Þær eru báðar
Reykjavikursögur, sú fyrri
baráttusaga Úlfs Ljótssonar bæöi
við sjálfan sig og stjórnmála-
spillinguna i kringum hann. Sið-
ari sagan er um lækninn Grim
Elliðagrim hvernig lifsgrundvöll-
ur hans brestur, þegar mjög
reynir á, þótt hann virtist á yfir-
Ný oddviti
í Vatnsdal
Mó Sveinstöðum — Hreppsnefnd
Ashrepps kaus sér nýjan oddvita
á fundi nýlega og varö Jón B.
Bjarnason Asi, fyrir valinu. Gisli
Pálsson, bóndi á Hofi var oddviti
Asahrepps síðastliöið kjörtimabil
Qg aö loknum. siðustu sveitar-
stjórakosningum, var hann
endurkjörinn oddviti til tveggja
ára. Siðan eins og áöur segir, fór
fram kjör oddvita i hreppsnefnd
Ashrepps s.l. miövikudag, og var
Jón Bjarnason kjörinn.
borðinu óvenjulega traustur. Sæl-
ir eru einfaldir er hátindurinn I
æskuskáldskap Gunnars Gunn-
arssonar.
Jón Arason (1930) fjallar um
það, hvernig islenzkt réttarriki og
þjóðfrelsi glatast. Biskupinn á
Hólum er leíddur af sjálfsöryggi
og snilldargáfum og vinnur mikia
sigra, en eigi að siður endar hann
sigurbraut sina á höggstokknúm.
Sálumcssa (1952) er framhald
Heiðahanms — um fólkið i heiöar-
byggðinni, sem er að falla i auðn
smátt og smátt. Sálumessa er
seiðmögnuð saga um samskipti
og baráttu þessa fólks.
Fimm fræknisögur hafa allar
nema ein birzt áður i sérstökum
bókum og farið þannig viða um
lönd, sérstaklega Aðventa (1937),_
sem virðist hafa dreifzt viðar
en nokkur önnur islenzk bók."
Hinar fræknisögurnar eru
Brimhenda (1955) Blindhús
(1933), A botni breðans (um 1918)
og Drengurinn (1917). Eru þetta
allt hetjusögur, þó að ekki byggi
aðalpersónurnar neina hefðar-
tinda i augum heimsins.
Dimmufjöll og Fjandvinir eru
smásagnasöfn rituð trá 1906-1918,
og er þar margt kunnra smá-
sagna að finna, svo sem Feðgana,
Hjálmar flæking, Kirkja fyrir
finnst engin, Fjandvini o.s.frv.
Allar þær 14 bækur sem nú eru
komnar út i ritsafninu eru fullfrá-
gengnar af höfundi sjálfum á is-
lenzku. Flestar þeirra, svo sem
allar skáldsögurnar, voru frum-
ritaðar á dönsku en höfðu verið
islenzkaðar af ýmsum. Eru
margar þeirra þýðinga ágætar,
en Gunnar Gunnarsson talaði um,
að hann kannaðist aldrei ál-
mennilega við þær sem sin eigin
verk — hann vildi skila þeim á
móðurmálinu með sinu eigin
tungutaki. Það tókst honum að
þvi er snerti allar þær sögur sem
nú eru komnar út, og er óhætt að
fullyrða, að það þýðinga- og
endursagnastarf, sem hann innti
af hendi siðustu 10 árin sem hann
lifði, hefur tekizt frábærlega vel.
Kristinn Snæland, Flateyri:
Byggingaframkvæmdir á Flateyri
urðu fyrir töfum vegna deilu bæjar-
ráðs ísafjarðar og Steypustöðvarinnar
BÆJARRITARINN á ísafirði
birtir iTimanum tuttugasta júni
s.l. athugasemd vegna fréttar
um stöðvun Steypustöðvarinnar
á tsafirði. Vegna þess að fram
kemur hjá bæjarritaranum
mikil tortryggni um hvernig
frétt þessi er til oröin skal eftir-
farandi upplýst: Flateyringar
treysta nú eingöngu á þjónustu
steypustöðvarinnar á ísafirði,
með alla steypu. A Flateyri er
nú verið að steypa sex einbýlis-
hús, götur og gangstéttar auk
annars.
Fyrir nokkru var upplýst af
hálfu Steypustöðvarinnar, að
starfsemin myndi stöðvast
vegna deilu um efnistöku. Með
þessu hafa byggingarfram-
kvæmdir á Flateyri orðið fyrir
töfum. Deilur um smáatriði,
sem þó valda stöðvun bygg-
ingarframkvæmda i mörgum
byggðarlögum, hljóta að vera
fréttaefni, og er raunar furðu-
legt, að fréttaritari Timans á
Flateyri yrði til þess að koma
þessari frétt af stað, en ekki
fréttaritari blaðsins á ísafirði.
Vera kann, að stöðvun þessi hafi
ekki komið sér illa á Isaf., en á
Flateyri stöðvaðist verk, og þvi
hafði fréttaritarinn þar sam-
band við Timann, og óskáði þess
að máliðyrði kannað hjá báðum
aðilum, þ.e. hjá Steypustöðinni
og bæjaryfirvöldum. Ofan-
greindar upplýsingar gaf
reyndar undirritaður Magnúsi
Reyni Guðmundssyni i sima
áður en hann ritar athugasemd
sina, og er þvi erfitt að skilja,
hvi hann er svo íorvitinn um
uppruna fréttarinnar. Auk þess
leyfir bæjarritarinn sér að
stimpla fréttir þessar sem
óhróðursgreinar, án þess að
renna nokkrum stoðum undir þá
fullyrðingu sina. Trúlegt þykir
mér, að eina ástæðan fyrir þvi
sé sú, að bæjarritarinn telur
mig i öðrum stjórnmálaflolcki
en hann er sjálfur.
Kristinn Snæland, fréttaritari
Timans á Flateyri.
Stofnendur Viking Travel Ltd., talið frá vinstri: Stefán J. Stefánsson, Oila Stefánsson, Marjorie Arna-
son og Ted K. Árnason. Timamynd: G.E.
íslandsferðir eru aðal-
markmið nýstofnaðar
ferðaskrifstofu í Kanada
gébé Rvik — Vestur-íslending-
arnir, Oiia og Stefán J. Stefáns-
son, Marjoric og Ted K. Árnason,
stofnuðu nýlega ferðaskrifstofu i
Winnipeg, Kanada, og eins og
kunnugt er af fréttum I Timanum,
MÓL-Reykjavik. Þrir islenzkir listamenn standa að sumarsýningu Norræna hússins,
Listamennirnir eru Hjörleifur Sigurðsson, formaður Islcnzkra myndlistamanna og forstöðumaður
Listasafns ASt, en hann á 19 verk á sýningunni, sem öll eru máluð á árunum 1971-76. Ragnheiður Jóns-
dóttir Ream, sem búsett er I Bandarikjunum, en hún á 40 verk, sem máluð eru á árunum 1970-76. Snorri
Sveinn Friðriksson, sem er leikmyndateiknari við Sjónvarpið, og á hann 14 verk á sýningunni.
Sýningin verður opin til 15 ágúst milli kl. 14-22.
var fyrsta ferðin á vegum ferða-
skrifstofunnar Viking Travel
Ltd., farin nýlega til tslands, er
227 vestur-tslendingar komu
hingað f heimsókn. — Þetta fyrir-
tæki er komið vel á fót, og við
vonumst til að áhugi fólks verði
mikill fyrir þessu, þannig að það
geti bæði ferðast héðan og frá
Kanada á fljótlegan og þægilegan
hátt, sögðu stofnendur ferðaskrif-
stofunnar nýlega I viðtali við
Timann.
— Það var árið 1974,
þjóðhátiðarárið, sem kveikti mik-
inn áhuga hjá vestur-tslendingum
fyrir ferðum til tslands, sagði
Stefán, en þá voru farnar tvær
beinar ferðir frá Winnipeg með
mörg hundruð vestur-lslendinga,
Áhuginn fór einnig vaxandi hér
heima, þegar um 1400 Islendingar
sóttu heim tslendingabyggðir i
Kanada, en þá voru mikil
hátiðarhöld i sambandi viö 100
ára afmæli Islenzkra landnema I
Vesturheimi. Bæði sköpuðust ný
tengsl milli tslendinga beggja
vegna hafsins i þessum ferðum,
og svo hittust ættingjar og vinir.
— Samningaviðræður standa
nú yfir i sambandi við ferðirnar
næsta sumar, en þær gætu orðið
tvær, sagði Ted K. Árnason, það
fer eftir þvi hve áhuginn verður
mikill. Ef tekið er tillit til þess, að
mun færri komust i siðustu ferð-
ina en vildu, mun áhugann
áreiðanlega ekki skorta. Það er i
bígerð, að koma upp föstum ferð-
um milli Kanada og tslands, en
allt er þó óákveðið i þvi sam-
bandi. Eins sögðu þeir Ted og
Stefán aðekki væri ómögulegt, að
þegar frá liði, myndi ferðaskrif-
stofan taka upp fleíri ferðir til
annarra staöa, en aðalmarkmiðið
væri þó íslandsferðirnar.
Flugferðin tekur aðeins 5 klst,
og 20 min., en tók mun lengri
tima, svo ekki sé talað um óþæg-
indin, þegar nauðsynlegt var að
ferðast um t.d. New York. — Sér-
staklega er það eldra fólkið, sem
þarna fær tækifæri til að
heimsækja gamla landið, þvi
svona stutta ferð þolir það vel,
sögðu stofnendur Viking Travel.
Það er mikið starf sem liggur i
skipulagningu stórra ferðahópa
sem þessara, og sögðu þeir Ted
og Stefán, að konur þeirra,
Marjorie og Olla, hefðu starfað
mjög mikið að undirbúningi ferð-
anna, þar sem þeir væru báðir I
föstum embættum og þvi mikið
uppteknir.
I ferðinni sem i voru 227 vestur-
íslendingar, voru ekki allir aðeins
frá Kanada, heldur langt að
komnir t.d. kona sem kom aíla
leið frá Texas til Winnipeg. Eins
voru ferðalangarnir á öllum
aldri, sá yngsti hélt hátiðlegan
fyrsta afmælisdaginn hér en sá
elzti var 87 ára. Aðeins einn
ferðamaður úr þessum stóra hóp
var ekki af islenzkum ættum.
Hópurinn heldur heimleiðis n.k.
mánudag, en fólkið hefur ferðazt
um allt land. Olla, Marjorie,
Stefán og Ted fóru t.d. hringveg-
inn, sem þau sögðu að hefði verið
mjög skemmtilegt.