Tíminn - 15.09.1976, Blaðsíða 9

Miðvikudagur 15. september 1976.
TlMINN
9
Útgefandi Framsóknarflokkurinn.
Framkvæmdastjóri: Kristinn Finnbogason. Ritstjórar:
Þórarinn Þórarinsson (ábm.) og Jón Helgason. Ritstjórn-
arfulltrúi: Freysteinn Jóhannsson. Auglýsingastjóri:
Steimgrimur Gislason. Ritstjórnarskrifstofur I Edduhús-
inu viö Lindargötu, sfmar 18300 —'18306. Skrifstofur I-
Aöalstræti 7, simi 26500 — afgreiöslusimi 12323 — aug-
lýsingasimi 19523. Verö i lausasölu kr. 50.00. Askriftat’-
gjald kr. 1000.00 á mánuöi. Blaöaprent h.f.
Við upphaf skóladrs
Sumarið er senri liðið — raunar þegar komið
haust með svalan blæ og hélu á jörðu að morgni
dags, ef næturhiminninn hefur verið heiður. Hinar
hljóðu skólastofur fyllast á ný þvi lifi, sem heyrir
vetrinum til — lifi, sem bæði getur borið yfirbragð
frjórrar annar og seigdrepandi leiða, eftir þvi
hvernig i pottinn er búið og að verkum staðið. Við
skulum vona, að þeir verði mun fleiri, sem þangað
sækja ekki aðeins þekkingarauka, heldur einnig
glæðingu heilbrigðrar lifsstefnu, siðferðilegan
þroska og ást á landi og þjóð og menningarerfðum
hennar. Það er kjölfestan, og án þeirrar kjölfestu,
getur brugðizt til beggja vona, til hvaða farsældar
þekkingaraukinn verður.
Skólastarf, þar sem bókstafurinn einn situr i há-
sæti, kaldur og nakinn, er ekki fullkomið. Andinn,
sem vekur, lifgar og fjörgar, hefur verið aðall allra
hinna beztu skólamanna i landinu frá upphafi vega,
ásamt hlýrri sivakandi umhyggju fyrir þroska
hvers einstaklings, og á þvi byggðist, að jafnvel sú
skólaganga, sem aðeins var örstutt i samanburði
við það, sem nú gerist, nægði svo mörgum með
áframhaldandi sjálfsnámi og reynslu i skóla lifsins
til þess að glima með sóma við vandamál samfé-
lagsins, sem að visu var ekki jafnflókið þá og nú er.
Vafalaust er enn margt manna i skólakerfinu sér
þess fullkomlega meðvitandi, að þessi leiðsögn,
þessi umhyggja, þessi hvöt til dáða er ekki minna
virði en minnisatriði i tungumálum, stærðfræði eða
efnafræði, án þess litið sé úr sliku gert. Vafalaust er
i ótal skólum sáð mörgu frækorni, sem hjálpar
fjölda mannsefna til þess að verða annað og meira
en fólk með sæmilega staðgóða þekkingu, svo góð
sem hún er. Og það eru þessir skólamenn, sem unga
kynslóðin og þjóðin öll mun eiga mest að þakka á
komandi timum.
Hinu er ekki heldur að leyna, að þeir eru allt of
margir, sem sækja leiða og vonbrigði i skóla sina og
hafa beðið tjón á sálu sinni, er þeir sleppa loks úr
myllunni. Þeir megna ekki að fylgjast með öllu þvi,
sem þar fer fram, dragast aftur úr og gefast upp á
miðri leið, af þvi að námið og námsaðferðirnar eru
ekki við hæfi þeirra. Þeir geta haft hina beztu hæfi-
leika á öðrum sviðum en þeim, sem skólinn setur i
hásætið, og glatað þvi, sem sizt skyldi: Virðingunni
fyrir sjálfum sér og trúnni á getu sina. Enginn er
kominn til þess að segja, hversu mikið af svonefnd-
um unglingavandamálum verður til eða magnast i
skugga þessa leiða og lægingar.
Skólagangan i landi okkar er orðin löng. Deila má
um, hvort hún er orðin svo löng sem raun ber vitni
vegna barnanna sjálfra eða i þágu heimilanna, for-
eldranna, sem vilja vista þau einhvers staðar að
deginum sem yngst að árum. Kennarastéttin er
orðin margfalt fjölmennari en hún var, og það gæti
verið eðlilegt, að mannval væri ekki upp til hópa hið
sama og áður, nú þegar ótal visindagreinar draga
til sin úrvalsfólk, sem áður kynni að hafa valizt til
kennarastarfa. Það er eðli máls, að misjafn sauður
geti verið i mörgu fé. Loks eru skólar nú orðnir svo
fjölmennir, að miklum vandkvæðum er bundið, að
hinir vökulustu og starfsfúsustu menn geti veitt
hverjum einstaklingi þá handleiðslu og uppörvun,
er vera þyrfti.
Þetta er vandamál okkar tiðar — vandamál, sem
fylgir breyttu þjóðfélagi og þeim mikla grúa, sem
fyllir skólana vetur hvern.
— JH
Vinsældir
Trudeaus minnka
Hverfur forsætisráðherra Kanada
af sjónarsviðinu?
Trudeau viö heimkomuna frá Evrópu og Miö-Austurlöndum.
ÞAÐ VORU áhyggjufullir
flokksbræður, sem tóku á móti
Pierre Trudeau, forsætisráö-
herra Kanada þegar hann
kom aftur til Vesturálfunnar
eftir tveggja vikna óopinbera
heimsókn til Evrópu og land-
anna i Miö-Austurlöndum.
Þeir höföu lika rika ástæöu til
aö vera áhyggjufullir, þvi að
skoöanakannanir sýna, aö
Frjálslyndi flokkurinn —
flokkur Trudeaus — hefur ekki
haft eins lítiö fylgi og nú I 35
ár. Og það sem er verra,
Framfarasinnaöir Ihalds-
menn, sem eru höfuöandstæð-
ingar frjálslyndra, hafa 18%
fram yfir Trudeau og flokks-
bræöur hans.
óhætt er aö fullyröa, að
ævintýramaöurinn Trudeau
hefur sjaldan horfzt i augu viö
annan eins vanda og nú, þvi
það er ekki einungis fylgi
flokksins, sem hefur falliö,
heldur einnig hans eigin vin-
sældir.
Enginn skyldi þó vanmeta
möguleika Trudeaus. Hann er
einn af lifsreyndustu stjórn-
málamönnum heims og hæfi-
leikar hans eru ótviræðir. Þá
hjálpar einnig til, að meir en
tvö ár eru til næstu allsherja-
kosningar, en hins vegar eru
mikilvægar aukakosningar 18.
október n.k.
AÐ MATI Trudeaus er 18.
október þó hinn mesti heilla-
dagur, þvi að þann dag fyrir
nær 58 árum fæddist i
Montreal sveinninn Joseph
Philippe Pierre Yves Elliot
Trudeau. Eins og sjá má af
nokkrum nöfnum þessarar
runu, þá er Trudeau að hluta
af frönskum ættum.
Þar sem faðir hans var af
frönskum ættum, en móðir
hans af enskum, þá lærði
Trudeau að tala frönsku jafnt
sem ensku og það haföi mikla
þýðingu fyrir hann siðar meir
i heimi stjórnmálanna.
í bernsku sótti hann Jesúita-
skóla og eftir það las hann lög
viö háskólann i Montreal, en
þaðan útskrifaöist Trudeau
árið 1943. Þremur árum siöar
öðlaðist hann svo masters
gráðu i stjórnmálafræði við
Harvard háskóla. Þá las hann
einnig i eitt ár við háskóla i
Paris.
Pierre hefur alltaf verið
þekktur fyrir ævintýraþrá
sina. Þegar hann hafði lokiö
námi, þá tók við eftirlætisiðja
hans — ferðalög. Hann
ferðaðist i meir en ár á hjóli
eða á puttanum um allan
heim. Þýzkaland, Austurriki,
Ungverjaland, Pólland og
mestan hluta Austantjalds-
landanna sá hann. Þaðan fór
hann til Tyrklands og I stað
þess að taka ferjuna yfir
Bosporus, — þá synti hann.
I Jerúsalem var hann hand-
tekinn af Aröbum fyrir að
vera israelskur njósnari. En
hann komst þó áfram til
Pakistan, Afghanistan, Ind-
lands, Burma, Thailands,
Indókina og Kina.
ÞEGAR TRUDEAU kom til
baka, þá fór hann að vinna að
lögfræðistörfum, og einnig tók
hann þátt i baráttu gegn spill-
ingu i Quebec. Hann var einn
af stofnendum róttæks rits,
sem barðist fyrir lýðræði i
stað spillingar.
1965 varð hann þingmaður,
1967 dómsmálaráðherra og
1968 forsætisráðherra. Hann
varð mjög frægur og um-
deildur sem dómsmálaráð-
herra, en þá kom hann með
margar umbætur, eins og t.d.
eftirlit með skotvopnum, af-
létti hömlum á fóstureyð-
ingum, kynvillu, fjárhættu-
spili og skilnuðum. Hann
grundvallaði skoðanir sinar
þá og siðar á þvi, að maðurinn
á að vera fullkomlega frjáls,
svo framarlega sem þetta
frelsi skaði ekki nágrannann.
SEM FORSÆTISR AÐ -
HERRA hefur Trudeau verið
mjög afkastamikill. Hann
heimsótti Sovétrikin og Kina á
undan Nixon og gerði mikla
viðskiptasamninga við þessar
þjóðir. En i stjórnartið hans
hafa einnig margir erfiðleikar
komið upp, svo sem verðbólga
og atvinnuleysi. En það er mál
manna, að ástandið i Kanada
væri verra, ef Trudeaus hefði
ekki notið við.
FRJALSLYNDI flokkurinn
hefur setið við stjórnvölinn i
Kanada allt frá 1935 aö undan-
skildum 6 árum. En nú er far-
in að sjá þess teikn, að
flokkurinn sé á undanhaldi.
Orsakir þess eru tvennskonar
— illa skipulagðar efnahagsá-
ætlanir svo og spilling innan
flokksins sem hafa leitt til af-
sagna.
Framfarasinnaðir ihalds-
menn, sem eru nú undir stjórn
Joe Clarks hafa hins vegar
unnið mikið á og hafa um 47%
þjóðarinnar á bak við sig, ef
marka má skoðana-
kannanirnar.
En þrátt fyrir þessa erfið-
leika Frjálslynda flokksins, þá
getur maður ekki annað en
haft trú á, að Trudeau takist
að komast út úr þeim. Vitað
er, að hann hefur i undir-
búningi mikla áætlun, sem á
að leggja fyrir þingið sex
dögum áður en auka-
kosningarnar verða haldnar.
Haldi þessi þróun þó áfram,
þá verður maður að fara aö
búast við afsögn Trudeaus.
MÓL.