Fréttablaðið - 12.01.2006, Blaðsíða 20

12. janúar 2006 FIMMTUDAGUR20
hagur heimilanna
Vinningar verða afhentir hjá SonyCenter Kringlunni. Rvk. Með
því að taka þátt ertu kominn í SMS klúbb. 149 kr/skeytið.
Viltu það besta?
Taktu þátt!
Sendu SMS skeytið
BTC FSC á númerið 1900
12. hver vinnur
ÖLLUM SEM TAKA ÞÁTT VERÐUR BOÐIÐ Á
SÉRSTAKA FORÚTSÖLU HJÁ SONY CENTER KRINGLUNNI
Fullt af aukavinningum
Aðalvinningu
r
30" Sony LC
D sjónvarp
KLV30HR3S
Sony Heim
abíó
DAV-DZ500
Konur hafa enn á ný uppgötvað
náttúrulegan gúmmíbikar, oft
kallaður álfabikar, sem settur er
upp í leggöng þeirra þegar þær
eru á blæðingum. Dömubindi og
túrtappar leystu bikarinn, sem
fyrst kom á markað 1940, af
hólmi og hann gleymdist.
Soffía Steingrímsdóttir, rit-
stjóri vefritsins Femin, segir
bikarinn söluhæstu vöru vef-
verslunarinnar. „Þetta er vara
sem spyrst út milli kvenna. Hún
er algjör snilld og frelsi fyrir
konur, því þær þurfa ekki að
vera með eitthvað sem inniheld-
ur bleikiefni á milli lappanna á
sér.“ Soffía segir það ekki einu
kosti vörunnar því auk þess að
endast í tíu ár og vera umhverfis-
væn spilli það ekki fyrir að hægt
er að sofa nakin með bikarinn.
Á vefritinu Femin er því lýst
hvernig nota eigi bikarinn. Hann
taki um þrjátíu millilítra af
blóði og er mælt með því að
hann sé tæmdur tvisvar til
þrisvar á dag.
Bikarinn kemur
í tveimur stærðum,
annar er ætlaður
konum sem ekki hafa
eignast börn og hinn fyrir mæð-
urnar. Hann kallast Keeper á
ensku og er unninn úr náttúru-
legu gúmmíi. Ekki þarf að fella
gúmmítréð til að vinna hann,
heldur er gúmmíinu tappað af
trénu, ólíkt því sem
gerist þegar unn-
inn er pappír.
B i k a r i n n
kostar 5.900
krónur.
Bikar úr gúmmíi í stað dömubinda:
Tekur við tíðablóði í tíu ár
> Sala á léttvíni 2004 í fjölda lítra
Útgjöldin
Hnífsdælingar fara ekki
varhluta af því að þorrinn
er á næsta leiti, en lengi
hefur harðfiskur og hákarl
þaðan verið í hávegum
hafðir hjá landanum. Blaða-
maður fór í harðfisk- og
hákarlsverkun þar í bæ og
komst að raun um að verk-
unin er hin mesta kúnst.
„Annaðhvort er hákarlinn mjög
góður eða hann er bara óætur,
það er ekkert flóknara en það,“
segir Guðmundur Páll Óskarsson
meðan hann sker hákarlinn niður
í krúsir sem síðan eru seldar í
Bónusverslunum um land allt.
Hann keypti verkunina af
föður sínum, Óskari Friðbjarn-
arsyni, fyrir tæpum sjö árum en
hann vann áður með honum og
hefur numið allar helstu kúnstir
þessarar verkunar. „Ég tek ekki
hvaða hákarl sem er, það er svo
misjafnt hvernig sjómenn fara
með þetta, ég tek aðeins frá þeim
sem umgangast hann af virðingu.
Til dæmis má hákarlinn ekki kom-
ast í sól, þá er hann ónýtur,“ segir
Guðmundur Páll. Hann segir þó
galla á þessari tilhögun að hann
fái minna af hákarli en ella. „Til
að anna eftirspurninni þyrfti ég
svona 120 tonn á ári en fæ bara
um sextíu. Ég vil þó frekar halda
í gæðin en vera með einhverja
græðgi,“ segir hann.
Þegar komið er með hákarlinn
að landi er búið að skera hann í
stykki en því næst er hann látinn
gerjast í þar til gerðum trékassa.
„Ég smakka mig bara áfram og
finn á bragðinu hvenær tími er
kominn til að hengja hann upp,“
útskýrir Guðmundur Páll. Smá
hrollur fer um blaðamann sem
veit að hákarlinn er ekki sérlega
girnilegur á því stigi verkunar-
innar. „Þá hengi ég hann upp í
hjall í nokkra mánuði, tek hann
svo inn og hengi hann upp þar.
Hann verður bara betri eftir því
sem hann hangir lengur. Þessi
hefur til dæmis hangið í fimm ár,“
segir hann og réttir blaðamanni
öndvegis hákarlsstykki. Þó stend-
ur engum til boða að gæða sér
á því enn sem komið er því Jón
Stefánsson, organisti í Langholts-
kirkju, á að fá lostætið.
Óskar, sem fylgist grannt með
syni sínum, var ekkert á þeim
buxunum að láta neitt uppi um
þau leyndarmál sem liggja að
baki góðs harðfisks sem hann var
landsþekktur fyrir á árum áður.
Nema þá að kjörveður fyrir fisk-
inn meðan hann hangir í hjallin-
um er norðaustan fimm til sex
vindstig og fimm stiga frost. „Já,
drengur minn, vestfirskur harð-
fiskur verður ekki verkaður í
kjallara í Kópavogi,“ segir hann
að lokum. jse@frettabladid.is
Hákarlinn er annað-
hvort góður eða óætur
FEÐGARNIR ÓSKAR FRIÐBJARNARSON OG GUÐMUNDUR PÁLL Óskar og Guðmundur Páll standa stoltir við hákarlinn sem borðin munu
svigna undan ásamt öðrum kræsingum á þorranum.
Líkamsræktarkeðjan Nautilus opnaði nýverið heilsurækt í
íþróttamiðstöðinni á Álftanesi.
Þetta er fjórða stöðin sem Nautilus opnar á Íslandi, en fyrir
eru stöðvar í sundlaug Kópavogs, Salalaug í Kópavogi og
Suðurbæjarlaug í Hafnafirði. Líkamsræktarkort sem keypt
eru hjá Nautilus gilda einnig í sundlaugarnar á staðnum.
Árskort hjá Nautilus kostar 23.990 krónur í Hafnafirði, 24.990
á Álftanesi og 25.990 krónur í Kópavogi. Sex mánaða kort
kostar 19.900 krónur á öllum stöðunum.
■ „Besta húsráðið sem ég gæti gefið
nokkrum manni væri eflaust það
að hugsa eins og mamma sín,“ segir
Finnur Þór Vilhjálmsson, laganemi
við Háskóla Íslands.
„Löngu eftir að maður er
fluttur úr foreldrahúsum,
þegar umvöndunarsvipur-
inn er löngu horfinn, er eins
og einvherri þoku létti inni
í hausnum á manni. Maður
stendur sjálfan sig að því að
líta í kringum sig í svefnher-
berginu og hugsa: Þessi föt eiga ekki að vera
uppi á stól í hrúgu. Þau eiga að vera inni í
skáp. Samanbrotin! Hvernig haga á uppvask-
inu verður næstum jafn mikið skipulagsmál
og færsla Hringbrautarinnar. Og maður
öðlast allt í einu þessa ryk-röntgensjón. Ég
veit ekki hvort um er að ræða þroska eða
þráhyggju, uppljómun eða skilyrðingu.“
GÓÐ HÚSRÁÐ
AÐ HUGSA EINS OG
MAMMA SÍN
Þegar loksins er kominn nægur snjór í fjöllin er ekki úr vegi að
athuga hvað það kostar að skella sér á skíði.
Á skíðasvæðum höfuðborgarsvæðisins kostar dagskort á virkum
dögum 1300 krónur fyrir fullorðna og 500 krónur fyrir börn. Dag-
skort um um helgar og á almennum frídögum kostar 1500 krónur
fyrir fullorðna og 500 fyrir börn. Fullorðnir geta keypt mánaðarkort á
8.000 krónur og börn fá það á 4.000 krónur. Árskort í fjöllin kostar
svo 16.000 krónur fyrir fullorðna og 8.000 krónur fyrir börnin.
■ Hvað kostar... að fara á skíði?
Dagskort í Bláfjöll kostar 1.500 kr.
FREYÐIVÍNRÓSAVÍN
RAUÐVÍN
1.
93
5.
02
0
HVÍTVÍN
81
4.
88
7
11
4.
87
9
14
7 .
05
4
Heimild: Hagstofa Íslands
■ Verslun og þjónusta
Fjórða Nautilus-stöðin opnuð
Olíufélögin Essó, Olís og Skeljungur hækkuðu öll verð á
eldsneyti í gær.
Atlantsolía hækkaði hins vegar ekki eldsneytisverð á sínum
sölustöðum. Skeljungur hækkaði verð á bensíni um 1,8
krónur á lítra, dísilolía, vélaolía, gasolía og skipagasolía
hækkuðu um 0,5 krónur og svartolía um eina krónu.
Hjá Essó hækkaði bensínlítrinn um tvær krónur, dísil- og
gasolía um 0,5 krónur og svartolía um eina krónu. Ekki fengust upp-
lýsingar um verðhækkunina hjá Olís. Á heimasíðum Essó og Skeljungs
er ástæða hækkunarinnar sögð vera hækkandi heimsmarkaðsverð á
eldsneyti.
■ Verslun og þjónusta
Tveggja króna hækkun á eldsneytisverði
„Því er auðsvarað hvað eru bestu kaup sem ég
hef gert. Það er matvinnsluvél sem ég keypti á
síðasta ári og hefur gjörbreytt matarvenjum
mínum og nú eyði ég meiri tíma í eldhúsinu
en ég hef nokkurn tíma gert áður og finnst
það gaman. Vélin var ódýr og nett og í henni
bý ég til nánast hvað sem mig langar til.
Ég hef hent tilbúnum réttum fyrir róða og
malla nú hvað sem mér sjálfri dettur í hug.
Það er fátt sem ekki fer þar ofan í og með
vélinni bý ég til næstum allan þann mat
sem hér er á borðum. Notaði hana til
að útbúa hnetusteik um jólin meðal
annars.
Hvað varðar verstu kaupin þá vil
ég fremur kalla það óskynsamleg-
ustu kaupin en þau verstu. Það var
bíll sem ég keypti fyrir alla mína
peninga þegar ég var 17 ára en þá
var ég með bíladellu á háu stigi.
Þetta var flottur Golf GT sérinn-
fluttur frá Þýskalandi með öllu
og hann kostaði mig aleiguna
á þeim tíma og ég átti þá tals-
verðan sjóð eftir vinnu frá unga
aldri. Svo kom fljótlega í ljós að
ég hafði ekkert efni á að reka
bílinn og rúmu ári eftir að
ég keypti hann hvarf öll
bíladellan á augna-
bliki. Þá hafði ég
fengið nóg og hef
ekki fengið þá
bakteríu aftur.
NEYTANDINN: KATRÍN JÚLÍUSDÓTTIR ÞINGMAÐUR
Bíladellan hvarf á augnabliki