Fréttablaðið - 14.02.2006, Blaðsíða 28

■■■■ { kópavogur } ■■■■■■■■■■■■■■■■■■■■■■■■■■■■■■■■■■■■■■■■■■■■■■■■4
Skólahljómsveit Kópavogs hefur
starfað frá árinu 1967 þegar fyrstu
tónleikar hljómsveitarinnar voru
haldnir undir stjórn Björns Guð-
jónssonar, stofnanda og stjórnanda
hljómsveitarinnar. Björn stýrði
hljómsveitinni allt til ársins 1993,
þegar Össur Geirsson, núverandi
hljómsveitarstjóri, tók við.
,,Við erum með um það bil 140
nemendur úr öllum Kópavogin-
um,“ segir Össur. Skólahljómsveit-
in hefur aðstöðu í Digranesi og
æfir hún þar af krafti. ,,Við kenn-
um á níu mismunandi hljóðfæri
og æfum einnig samspil, þetta eru
um það bil fjórar æfingar á viku.
Skólahljómsveitin er fyrir krakka
upp í 10. bekk en þó halda margir
áfram þegar komið er upp í fram-
haldsskóla vegna þess að þeir vilja
ekki hætta.“
Mikil ásókn er í hljómsveitina
og segir Össur það leiðinlegasta í
starfinu að þurfa að hafna sumum
umsækjendum. Engar kröfur eru
gerðar um getu áður en krakkarnir
sækja um í hljómsveitinni en valið
er að mestu í hljómsveitina út frá
viðtölum.
Kennsla í skólahljómsveitinni fer
fram yfir vetrartímann en áhuginn
er mikill og því starfar hljómsveit-
in allt árið um kring. ,,Við spilum
alltaf á 17. júní og á ýmsum öðrum
viðburðum yfir sumartímann, auk
þess sem margir hafa fengið okkur
til að spila hjá sér.“
Hljómsveitin heldur tvo fasta
tónleika á hverju ári, hausttón-
leika og vortónleika. Á haust-
tónleikunum spilar hljómsveitin
ákveðna þematónlist og nefnir
Össur til dæmis bítlatónlist, djass-
tónlist, íslenska tónlist og fleira.
Á vorin eru haldnir stórir tónleik-
ar í Háskólabíói og segir Össur að
hljómsveitin hafi sprengt utan af
sér minna húsnæði. ,,Við höfum
gjarnan viljað halda tónleikana
okkar í Kópavogi en við verðum
sennilega að bíða þar til búið er að
reisa óperuhúsið í Kópavogi,“ segir
Össur.
Hóparnir fara tvisvar sinnum á
vetri í æfingabúðir yfir heila helgi
þar sem mikið er æft. Á kvöldin
eru haldnar kvöldvökur þar sem
mikið er sprellað og skipuleggja
krakkarnir þær í samvinnu við
stjórnendur. Miklar æfingar hafa
greinilega borið ávöxt því síðast-
liðið sumar sigraði elsti hópurinn
í mjög sterkri norrænni blásara-
hljómsveitakeppni í Svíþjóð. ,,Það
var skipt í þrjár deildir eftir getu.
Við skráðum okkur í erfiðustu
deildina og náðum að fara þar með
sigur af hólmi“ segir Össur ánægð-
ur með árangurinn.
Sigurvegarar í norrænni
blásarahljómsveitakeppni
Skólahljómsveit Kópavogs er mjög öflug og fjölmenn hljómsveit. Árangurinn hefur
ekki látið á sér standa enda fór hljómsveitin með sigur af hólmi í sterkri norrænni
hljómsveitakeppni síðastliðið sumar.
Skólahljómsveit Kópavogs á æfingu. FRÉTTABLAÐIÐ/VILHELM
Systurnar Auður og Rut Jónsdætur
voru heiðraðar fyrir góðan árangur
í handbolta á árinu 2005 á Íþrótta-
hátíð Kópavogs sem haldin var í
Salnum í Kópavogi 22. janúar síð-
astliðinn. Þótt það hljóti að heyra
til undantekninga að systkini séu
heiðruð á sömu hátíðinni eru stúlk-
urnar hæverskar með eindæmum
og spurðar hvort þetta þyki ekki
merkilegur árangur hjá systrum
benda þær á að fyrir tveimur árum
hafi tvíburar verið heiðraðir svo
þeirra árangur sé nú ekkert ýkja
merkilegur.
Auður segist hafa byrjað að æfa
handbolta átta ára. Vinkona hennar
hafi ákveðið að fara í handbolta-
skóla og hún fylgt í kjölfarið. Auði
þótti svo gaman að hún hélt áfram
þótt vinkonan hafi síðan hætt að
æfa. Rut varð hins vegar áhugasöm
þegar hún fór að fylgja systur sinni
á æfingar sex ára gömul. ,,Ég byrj-
aði bara að koma með systur minni
á æfingar en eftir nokkur skipti
prófaði ég sjálf og það var rosalega
gaman,“ segir hún brosandi.
Systurnar æfa sex sinnum í viku
þannig að lítill tími gefst til annars
en að stunda handboltann. Þær eru
samrýndar og segja litla samkeppni
á milli þeirra í boltanum enda séu
þær ekki í sama aldursflokki. Þær
voru þó báðar valdar til að spila í
landsliðinu í handbolta fyrir sautján
ára og yngri en spila mismunandi
stöður og voru því ekki í samkeppni
innbyrðis. ,,Við fórum til Noregs
í maí og vorum að spila í undan-
keppni EM hér á Íslandi. Þetta voru
þrír landsleikir,“ segir Rut. Auður
bætir við að þetta hafi verið góð
reynsla og þær hafi átt auðvelt með
að leika saman þar sem þær þekki
vel inn á hvora aðra.
Systurnar hafa alla tíð búið í
Kópavoginum og kunna vel við
sig. ,,Jafnvel þótt við búum í Blika-
hverfi,“ segir Rut og Auður hlær.
Þær segja ríginn milli Breiðabliks
og HK þó aðallega eiga við fótbolt-
ann þar sem engin handboltadeild
sé hjá Breiðabliki. Rut hefur reynd-
ar einnig æft fótbolta síðan hún var
sjö ára en er í fríi í augnablikinu.
,,Það er svo mikið um að vera í
báðum íþróttagreinunum þegar það
eru svona margar æfingar í hand-
boltanum en ég fer örugglega aftur
í sumar,“ segir hún ákveðin. Hún á
erfitt með að gera upp á milli hand-
boltans og fótboltans, finnst báðar
íþróttirnar skemmtilegar. Systurnar
eru báðar í skóla. Auður er sautj-
án ára og stundar nám á öðru ári
við Verslunarskólann en Rut, sem
er fimmtán ára, er í Hjallaskóla í
Kópavogi.
Þær eru fljótar að svara þegar
blaðamaður spyr hvort þær hafi í
huga að halda áfram. ,,Já, við vilj-
um halda áfram eins lengi og við
getum,“ segir Auður ákveðin. Þær
segja mjög jákvætt að krakkar alist
upp við mikla íþróttaiðkun. ,,Krakk-
ar kynnast svo mörgu fólki auk þess
sem þeir hafa gott af því að hreyfa
sig. Ég byrjaði upp á félagsskapinn
en svo varð þetta svo skemmtilegt,“
segir Auður. Systurnar eru ekki frá
því að þessi sameiginlegi áhugi á
handbolta geri þær enn samrýndari
fyrir vikið. ,,Við erum bara mjög
góðar vinkonur. Það bætir örugg-
lega upp á að við höfum sameigin-
leg áhugamál,“ segir Rut brosandi
að lokum.
Samrýndar
handboltahetjur
Systurnar Auður og Rut eru efniviður í miklar hand-
boltahetjur og voru heiðraðar sérstaklega á dögunum
fyrir góðan árangur.
Systurnar Auður og Rut Jónsdætur æfa sex sinnum í viku og því gefst lítill tími til annars en
að stunda handboltann.
Söngkeppni ÍTK fór fram í Saln-
um í Kópavogi 27. janúar síðast-
liðinn. Allar átta félagsmiðstöðv-
arnar í Kópavogi sendu keppendur
og stóðu þeir sig allir með prýði.
Dómnefndin valdi Hugrúnu Þor-
bergsdóttur úr félagsmiðstöðinni
Þebu sem sigurvegara. Í öðru sæti
var Védís Pálsdóttir frá Igló og í
því þriðja voru Kristjana Arnars-
dóttir og Kristín Inga Jónsdóttir frá
Ekkó. Þessar þrjár félagsmiðstöðv-
ar munu því senda keppendur á
söngkeppni Samfés sem fer fram
fyrstu helgina í mars í íþróttahús-
inu í Mosfellsbæ.
Félagsmiðstöðin Þeba
sigraði í söngkeppni ÍTK
Söngur }