Fréttablaðið - 22.02.2006, Síða 28

MARKAÐURINN 22. FEBRÚAR 2006 MIÐVIKUDAGUR4
F R É T T I R
Óli Kristján Ármannsson
skrifar
Uppgjör norska hugbúnaðarfyrirtækisins
Opera Software fyrir síðasta ársfjórðung 2005
sem birt var á mánudag sýnir að sölutekjur á
farsíma- og netsviði fyrirtækisins hafa aukist
um tæp 100 prósent milli ára. Gengi bréfa
fyrirtækisins tók nokkurn kipp í norsku kaup-
höllinni í kjölfarið og hækkaði samdægurs um
8,92 prósent. Kaupthing banki á Norðurlöndum
birti einnig í kjölfar uppgjörsins endurmat á
virði félagsins vel yfir verði bréfanna í kaup-
höll. Gengi bréfa í Opera Software var fyrir
uppgjörið 21,3 norskar krónur, en Kaupthing
metur þau á 30 krónur norskar.
Jón Stephenson von Tetzchner, íslenskur
forstjóri og annar tveggja stofnenda Opera
Software, sagðist að vonum ánægður með
síðasta ár, en á fjórða ársfjórðungi síðasta
árs var að finna Opera netvafra á 6,1 millj-
ón seldra farsíma í heiminum, miðað við 3
milljónir á sama tíma árið áður. Vafrinn var
settur upp á 17 milljónum síma miðað við 8,8
milljónir árið 2004. „Allt er þetta á leiðinni í
rétta átt,“ segir Jón og kveðst hafa væntinar
um svipaðan vöxt á þessu ári. „Það er mikil-
vægt að halda áfram á fullri ferð. Við höfum
sett okkur það markmið að tvöfalda aftur
þann fjölda síma sem vafri okkar verður
á,“ segir hann og bendir á að það sem af er
ári hafi komið fram sex nýir farsímar með
Opera vafra, en á sama tíma í fyrra hafi
enginn einasti slíkur verið kominn fram. „Þá
tók þetta nokkra mánuði áður en tölurnar
fóru að hækka þannig að þetta lítur töluvert
betur út núna.“
Jón segist ekki óttast að þróun á síma-
markaði þar sem nettækni er í auknum
mæli að ryðja sér til rúms hafi áhrif á
útbreiðslu vafrans. „Ég held að það komi
til með að verða nóg til af farsímum.
Eina spurning er hvernig þessi kerfi
koma til með að verða í framtíð-
inni,“ segir hann en kveður fyr-
irtækið munu bregðast við þeirri
þróun. „Netsímum á eftir að fjölga,
en til að vera með flökkusíma þarf netteng-
ing að vera til staðar. Smátt og smátt kann
þetta auðvitað að breyta landslaginu á síma-
markaði, en erfitt er að spá fyrir um hvernig
þær breytingar verða.“ Jón segir að fyrir
Opera breyti þróunin hins vegar engu. „Við
getum verið á hvaða síma sem er og gildir
einu hvort tengingin er um GSM eða á annan
hátt. Því hraðara sem netið er því betra er
það fyrir notandann. Það er góð þróun fyrir
okkur að vægi Internetsins aukist.“
Metár hjá Opera Software
Kaupthing hefur hækkað mat sitt á Opera í Noregi. Tekjur Opera af farsíma- og
netsviði hafa tvöfaldast milli ára.
Opera Software kynnti í
vikunni fyrirætlanir um
opnun þróunarútibús í
Indlandi. Opna á skrifstofu
í Chandigarh til gæðapróf-
ana og með starfsfólki verk-
efnis sem kallast Opnum
vefinn og á að stuðla að
notkun staðla á netinu.
Jón S. von Tetzchner,
forstjóri Opera Software,
hélt til Indlands á þriðju-
dagsmorguninn, en hann
segir vænlegra hafa verið
talið að opna eigin skrif-
stofu en beita útvistun.
“Við byrjum hins vegar
smátt og sjáum svo hvað verður. Indverski
markaðurinn er stór og við höfum farið
svipaðar leiðir áður með uppsetningu skrif-
stofa í Kína, Japan og í Bandaríkjunum,”
segir hann en bætir við að einnig sé litið
til þess að þarna geti starfað fólk sem
sinnir alþjóðasamskiptum, enda Indverjar
altalandi á ensku. - óká
Með útibú í Indlandi
OPERA VAFRI Í
NOTKUN Forstjóri
Opera stofnaði fyr-
irtækið með norsk-
um félaga sínum
árið 1995, en
báðir höfðu starf-
að á þróunardeild
Telenor, norska
landsímans.
JÓN STEPHENSON VON TETZCHNER
Jón, sem er fórstjóri Opera Software í
Noregi, var að vonum kampakátur með
uppgjör síðasta árs.
Hann segir
stefnt á við-
líka vöxt
á þessu
ári.
Hreinar eignir lífeyrissjóðanna
voru 1.200 milljarðar um síðustu
áramót og jukust um 22 prósent
á milli áranna 2004 og 2005. Þær
námu 987 milljörðum í ársbyrjun
2005 og hækkuðu því um 213
milljarða á síðasta ári.
Eignaaukningin í innlendum
hlutabréfum var 45 prósent og 36
prósent í erlendum verðbréfum.
Hlutabréfaeign lífeyrissjóðanna
í innlendum hlutabréfum taldi
185 milljarða í árslok en tæpa
300 milljarða í erlendum verð-
bréfum, sem jafngildir fjórðungi
af eignum þeirra. - eþa
213 milljarða
aukning eigna
VBS fjárfestingarbanki, eða
Verðbréfastofan, skilaði rúmlega
407 milljóna króna hagnaði á síð-
asta ári sem er um 175 prósenta
aukning frá árinu 2004 þegar nið-
urstaðan var 147 milljónir króna.
Arðsemi eigin fjár var mjög
mikil eða 69 prósent.
Rekstrartekjur fyrirtækisins
námu 918 milljónum króna, og
meira en tvöfölduðust, en rekstr-
argjöld um 423 milljónum.
Eignir Verðbréfastofunnar
voru um 6.360 milljónir króna í
árslok og eigið fé 1.250 milljónir.
Hluthafar í félaginu eru 78
talsins og fá þeir greiddan 50
prósenta arð fyrir síðasta ár. - eþa
Verulegur
vöxtur VBS
SÁ GULI Ragnar Jónsson
sjómaður með golþorsk.
Dótturfélag Samherja, UK Fisheries, keypti nýver-
ið útgerðarfyrirtækið J. Marr í Hull í Bretlandi.
Með kaupunum voru sameinaðar tvær síðustu
útgerðir úthafstogara í Hull, J. Marr og Boyd.
UK Fisheries er til helminga í eigu Onward
Fishing Co., dótturfélags Samherja og Parlevliet
Van Der Plas í Hollandi.
Nigel Atkins, sem var framkvæmdastjóri
útgerðarsviðs J. Marr og tekur við sem stjórn-
arformaður UK Fisheries, sagðist mjög ánægður
með að fyrirtækin gömlu næðu saman með þessum
hætti og sagði stefnt að því að það hefði áfram
aðsetur í Hull og réði til sín skipstjóra og áhafnir
á staðnum.
J. Marr er eitt elsta útvegs-
fyrirtæki Breta, stofnað
árið 1870, en það tók virk-
an þátt í þorskastríðinu á
Íslandsmiðum og barðist
hart á sjöunda og áttunda
áratug síðustu aldar
gegn takmörkunum
á fiskveiðum við
Ísland. - óká
Fullnaðarsigur í
þorskastríðinu
Norska fjármálafyrirtækið
Storebrand skilaði góðu upp-
gjöri í síðustu viku. Hagnaður
fyrirtækisins var 3,9 milljarðar
króna samanborið við tæpa 3,5
milljarða árið áður. Uppgjörið
var langt umfram væntingar en
sérfræðingar höfðu spáð hagn-
aði á bilinu 2,4-3,3 milljarða.
Stjórnendur bankans segja að
margir þættir hafi stuðlað að
þessu: Gott árferði á hlutabréfa-
markaði og vöxtur í eignastýr-
ingu, líftryggingasölu og banka-
þjónustu.
Fjórði stærsti hluthafinn í
Storebrand, sem metinn er á
175 milljarða króna, er Arion-
verðbréfavarsla sem er í eigu
KB banka. Hlutur hennar er um
4,6 prósent en Íslendingar eiga
samtals 5,3 prósent í bankanum.
Gengi Storebrands hækkaði
um átta prósent í Kauphöllinni
í Osló við tíðindin. Frá áramót-
um hefur virði fyrirtækisins
hækkað liðlega um fjórðung.
- eþa
Storebrand slær
markaðnum við