Fréttablaðið - 02.03.2006, Page 84

2. mars 2006 FIMMTUDAGUR44
Alena Akhmadullina er 28 ára rúss-
neskur fatahönnuður sem hefur vakið
talsverða og verðskuldaða athygli í
tískuheiminum. Hún sýndi nýjustu
línu sína á tískuvikunni í París sem
nú stendur yfir.
Alena hefur notað heimaland sitt
mikið í innblástur hönnunar sinnar.
Að þessu sinni báru allar fyrirsæt-
urnar furðulega steypta hárkollu sem
minnti á hárgreiðslur á þriðja ára-
tugnum og teiknimyndapersónuna
Betty Boop.
Fötin voru í frekar gamaldags
stíl, mikið af flaueli og kjólum í
anda þriðja áratugarins en í
bland við nýtískulegri efni og
snið. Einkennilegar hárkollurnar í
vetrarlínunni komu engum á
óvart því í sumarlínu sinni
sótti hún innblástur í sveita-
lífið og báru sumar fyrirsæt-
urnar dýragrímur á meðan
aðrar minntu á bóndakonur
með rauðar gervilegar hár-
kollur og undirspilið ein-
kenndist af traktorahljóðum
og svínahrínum.
Egyptaland Luxor
10 daga VISA ferð
21. apríl –1. maí
Fyrsta flokks gisting
á glæsilegu hóteli,
spennandi skoðunarferðir
og íslensk fararstjórn.
Um er að ræða 10 nátta
ferð á vit ævintýra
í Egyptalandi.
79.940 kr.
Verð:
á mann í tvíbýli á Luxor Sheraton
Innifalið: Beint leiguflug, flugvallarskattar,
gisting með morgunverði í 10 nætur
og íslensk fararstjórn.
Plúsferðir · Hlíðasmára 15 · 200 Kópavogur · Sími 535 2100 · www.plusferdir.is
SÉRKENNILEGUR HATTUR Þessi er eins og skúlptúr. AP IMAGE
Teiknimyndapersónur
þriðja áratugarins
ALENA AKHMADULLINA Var með nýja línu í París á dögunum.
Stjórnmálaheimspeki eftir Hannes
Hólmstein Gissurarson og Vafamál
eftir Atla Harðarson Ég keypti
þessar tvær vegna þess að ég er að
skrifa litla bók núna þar sem ég þarf
aðeins að huga að rétti ríkisvaldsins
til að fylgjast með þegnunum; báðar
koma aðeins inn á það.
Undir bárujárnsboga eftir Eggert
Þór Bernharðsson Braggabókina
keypti ég hins vegar vegna þess að
mig hefur alltaf langað í hana en
ekki tímt að kaupa. Núna er hún
á góðu verði og þetta er bók sem
sameinar það sem mér finnst að gott
sagnfræðirit eigi að hafa; vel unna
fræðilega rannsókn og skemmtilega
framsetningu.
ÁPRENTANIR
sem minna
á þriðja
áratuginn
PERLUR Í PERLUNNI
Guðni Th. Jóhannesson sagn-
fræðingur fór á bókamarkað
BLEIKT FLAUEL
Dragt í kven-
legum stíl.
Það verður blásið til mikillar
veislu í Laugardalshöllinni laugar-
daginn 29. apríl. Þá mun ein helsta
vonarstjarna okkar Íslendinga,
Garðar Thór Cortes, syngja með
björtustu von Breta í sígildri tón-
list, Katherine Jenkins. Faðir
Garðars og nafni mun stjórna 32
manna hljómsveit og hefst miða-
sala um miðjan mars.
Garðar var að vonum mjög
spenntur að stíga á svið með þess-
ari miklu stjörnu en síðasta plata
söngkonunnar fékk Brit-verðlaun-
in í flokki sígildrar tónlistar. „Við
vorum á sama tíma í skólanum úti
í Englandi og ég hef fylgst með
ferli hennar þótt við séum engir
vinir,“ segir Garðar sem syngur
um þessar mundir í Öskubusku
við góðan orðstír. Hann sagðist
vera mjög spenntur fyrir þessu
verkefni enda ekki á hverjum degi
sem íslenskum tónlistarmönnum
gefst færi á að fylla Höllina.
„Jenkins er mjög vinsæl í Bret-
landi og þeir virðast halda mikið
upp á hana,“ bætir Garðar við.
Sjálfur situr söngvarinn geð-
þekki ekki með tvær hendur
tómar, var á dögunum í Feneyjum
í prufusöng og þegar sýningum á
Öskubusku lýkur heldur hann til
London og syngur í óperunni La
Rondine eftir Puccini. „Þetta er
minna þekkt verk en í svipuðum
stíl og Madame Butterfly og La
Bohéme,“ útskýrir Garðar en tölu-
verð ferðalög fylgja því að vera
tónlistarmaður í sígildri tónlist.
„Ég nýt þess bara enn meira að
vera heima fyrir,“ segir Garðar og
viðurkennir að heima sé alltaf
best.
- fgg
Syngur með vonar-
stjörnu Breta
GARÐAR OG KATHERINE Söngfuglarnir
tveir verða með tónleika í Laugardalshöll
laugardaginn 29.apríl.
Miðasala á tónleika Iggy Pop and
the Stooges hinn 3. maí hefst næst-
komandi sunnudag. Rúm þrjátíu
ár eru liðin síðan The Stooges
hætti starfsemi en Iggy Pop hefur
allt frá árinu 1977 átt farsælan
feril upp á eigin spýtur. Endur-
komu sveitarinnar hefur verið
beðið með mikilli eftirvæntingu
en hún hætti þegar leikurinn stóð
sem hæst 1974.
Miðasalan fer fram í Bókabúð
Máls og menningar í Reykjavík,
Pennanum á Akureyri, Hljóðhús-
inu á Selfossi, Hljómvali í Kefla-
vík og í Tónspili í Neskaupstað.
Miðaverð er 5.900 krónur í stúku
og 4.900 í stæði.
Miðasala að hefjast
IGGY POP Miðasala á tónleika Iggy Pop and
the Stooges hefst á sunnudag.