Fréttablaðið - 13.03.2006, Qupperneq 4

4 13. mars 2006 MÁNUDAGUR
www.expressferdir.is
Express Fer›ir, Grímsbæ,
Efstalandi 26, sími 5 900 100
Nánar á www.expressferdir.is
Fer›askrifstofa í eigu Iceland Express
ÆVINTÝRAFERÐ
129.900 kr.
INNIFALI‹:
Á FERÐ UM AUSTUR– OG
VESTUR–ÞÝSKALAND
27. JÚLÍ – 5. ÁGÚST
Þetta er ferð um fegurstu borgir og
svæði Austur– og Vestur–Þýskalands.
Flogið til Berlínar og dvalið þar í
sólarhring. Síðan er farið á slóðir
Martins Lúthers, Goethe, Bachs o.fl.
Hinar stórmerku borgir Weimar og
Leipzig skoðaðar. Einnig verður dvalið í
Bayreuth, borg Wagners og hinni
yndislegu litlu miðaldaborg
Rothenburg ob der Tauber.
Síðustu daga ferðarinnar er dvalið í
austurrískum fjallabæ í faðmi Alpa-
fjallanna í um klukkustundar akstri frá
Konstanz–vatni.
Flogið heim frá Friedrichshafen. Þetta er
einstaklega fróðleg ferð þar sem saman
fléttast menning og mikil saga.
Flug með sköttum, hótel
með morgunverði, allur akstur og
íslensk fararstjórn. Miðað við að tveir
séu saman í herbergi.
Bandaríkjadalur 70,24 70,58
Sterlingspund 121,98 122,58
Evra 83,7 84,16
Dönsk króna 11,219 11,285
Norsk króna 10,51 10,572
Sænsk króna 8,916 8,968
Japanskt jen 0,5935 0,5969
SDR 100,82 101,42
GENGIÐ
GENGI GJALDMIÐLA 10.3.2006
HEIMILD: Seðlabanki Íslands
KAUP SALA
Gengisvísitala krónunnar
117,6202
ORKUMÁL Skemmd kom í ljós í svo-
kallaðri RN-17 holu sem Hitaveita
Suðurnesja hafði látið eftir í djúp-
borunarverkefnið sem Lands-
virkjun, Orkuveita Reykjavíkur
og Orkustofnun vinna að ásamt
Hitaveitunni.
Á vefsíðu aðstandenda verk-
efnisins segir að þetta sé sérlega
óheppilegt fyrir Hitaveitu Suður-
nesja, sem stendur straum af fjár-
hagslega tapinu sem af þessu
hlýst.
Djúpborunarverkefnið felst í
því að finna nýtanlegan háhita á
fimm kílómetra dýpi og átti RN-
17 að verða notuð til þess en hún
er næstdýpst. Venjan hefur verið
að borholur séu um tveir til þrír
kílómetra að dýpt en mun minni
orku er að hafa úr þeim en
holum.
„Ekki er enn orðið ljóst hvaða
þýðingu þetta hefur fyrir okkur
en þetta hefur engan fjárhagsleg-
an skaða fyrir djúpborunarverk-
efnið,“ segir Björn Stefánsson,
deildarstjóri verkfræði- og fram-
kvæmdasviðs Landsvirkjunar.
„Við erum að athuga aðrar
holur á svæðinu í samvinnu með
Hitaveitu Suðurnesja en það eru
tvær eða þrjár aðrar sem koma til
greina. Það er ekkert óalgengt að
tapa holu,“ segir hann.
- jse
Djúpborunarverkefnið á Reykjanesi:
Næstdýpsta borholan ónýt
JARÐBORANIR Ýmislegt getur brugðist í
jarðhitamálunum og nú síðast varð ljóst að
sú hola sem nota átti í djúpborunarverk-
efnið er ekki nýtanleg til þess.
Tekinn með amfetamín Lögregl-
an í Keflavík hafði í fyrrinótt afskipti
af manni sem reyndist hafa fíkniefni í
sínum fórum. Um lítilræði af amfetamíni
var að ræða. Maðurinn var handtekinn
og færður til skýrslutöku en sleppt að
henni lokinni.
Kviknaði í húsi Slökkvilið höfuðborg-
arsvæðisins var kallað út um þrjúleytið
aðfaranótt sunnudags þegar eldur kom
upp í litlu húsi í Norðlingaholti. Í gær-
morgun fór slökkviliðið aftur á vettvang
til að slökkva í glæðum. Húsið var alelda
og er talið ónýtt.
LÖGREGLUFRÉTTIR
STJÓRNMÁL Stofnun Alþýðuflokks-
ins og Alþýðusambands Íslands
fyrir níutíu árum hafði grund-
vallarþýðingu fyrir íslenskt sam-
félag, að mati Jóns Baldvins
Hannibalssonar, fyrrverandi for-
manns Alþýðuflokksins.
Jón Baldvin ávarpaði fjöl-
menna samkomu í Ráðhúsi
Reykjavíkur í gær ásamt Ingi-
björgu Sólrúnu Gísladóttur, for-
manni Samfylkingarinnar, og
Benedikt Davíðssyni, fyrrver-
andi forseta Alþýðusambands-
ins.
„Það var hreyfing fátæks fólks
sem setti á dagskrá mannréttindi
og hugsjónir um bætt þjóðfélag
jöfnuðar,“ segir Jón Baldvin og
fullyrðir að viltustu draumar
upphafsmannanna hafi ræst
betur en nokkur þorði að vona.
Jón Baldvin telur jafnaðar-
mennskuna grunn hagvaxtar og
árangurs. „Jöfn tækifæri allra
manna, án tillits til efnahags, eru
undirstaða þess að velferðarþjóð-
félagið skarar nú orðið framúr í
hnattrænni samkeppni. Það ger-
ist vegna þess að mannauðurinn
er í lagi. Langtímafjárfesting í
fólki með jöfnum tækifærum til
mennta veldur því að velferðar-
ríki Norðurlanda eru nú í fremstu
röð í heiminum í hagvexti,
nýsköpun, menntunarstigi og
almennt því sem skiptir máli. Það
hefur tekist að samhæfa hin góðu
gildi góðs þjóðfélags við kraft,
sókn og framfarir.“
Jón Baldvin segir hugsjónir
jafnaðarmennskunnar enn lifa
góðu lífi þó að þeim sé sótt og
baráttunni sé ekki lokið. „Frjáls-
hyggjufríkin hafa hvað eftir
annað dæmt velferðarríki Norður-
landanna til dauða. Það er sótt að
þessum hugsjónum og við verð-
um að varðveita þetta mesta
stjórnmálaafrek liðinnar aldar
og þróa það áfram því það hefur
sýnt að það er lífvænlegt og á
framtíðina fyrir sér. Hægri-
sveiflan sem gjarnan er kennd
við Reagan og Thatcher hefur
tekið trúna á markaðina. Markað-
irnir eru góðir til síns brúks en
þeir eiga að þjóna manninum en
ekki hafa yfir honum húsbónda-
vald.“
Ráðhús Reykjavíkur stendur
þar sem húsið Bárubúð stóð áður
en í því voru Alþýðuflokkurinn
og Alþýðusambandið stofnuð á
sínum tíma. bjorn@frettabladid.is
JÓN BALDVIN HANNIBALSSON Segir
mikilvægt að standa vörð um hugsjónir
jafnaðarmennskunnar. FRÉTTABLAÐIÐ/HEIÐA
Jöfnuður er grunnur hagvaxtar
Fjölmenni fagnaði níutíu ára afmæli jafnaðarmannahreyfingarinnar á Íslandi í Ráðhúsi Reykjavíkur í gær.
Jón Baldvin Hannibalsson, fyrrverandi formaður Alþýðuflokksins, segir hugsjónir jafnaðarmennskunar
vera grundvöll velferðar á Íslandi og varar við sókn frjálshyggjunar að grunnstoðum samfélagsins.
STOFNUNAR ALÞÝÐUFLOKKSINS OG ALÞÝÐUSAMBANDSINS MINNST Fjölmenni var í Ráðhúsi Reykjavíkur í gær. Á myndinni má meðal annars sjá Jóhönnu Sigurðardóttur, þingmann
Samfylkingarinnar, Jón Sigurðsson, fyrrverandi ráðherra Alþýðuflokksins, Rannveigu Guðmundsdóttir, þingmann Samfylkingarinnar, Steinunni Valdísi Óskarsdóttur borgarstjóra og Sighvat
Björgvinsson, fyrrverandi ráðherra Alþýðuflokksins. FRÉTTABLAÐIÐ/HEIÐA
MALASÍA Marina Mahathir, bar-
áttukona fyrir réttindum kvenna,
segir konur í röðum múslima
vera að heltast úr lestinni í kven-
réttindamálum í Malasíu. Tilefn-
ið er ný lög sem skerða rétt mús-
limakvenna og auðvelda
karlmönnum að taka sér allt að
fjórar konur.
„Í landinu okkar er að mynd-
ast meiri munur á réttindum
múslimakvenna og hinna,“ sagði
Mahathir.
Múslimakonur eru að missa
réttindi á meðan við hinar öðl-
umst meiri.“ Íhaldssamir mús-
limahópar eru þessu þó ósam-
mála. - bg
Konur í Malasíu:
Ný lög skerða
kvenréttindi
SKÁK Heimsmeistarinn í hrað-
skák, indverski stórmeistarinn
Vishy Anand, og Judit Polgar,
sterkasta skák-
kona heims, verða
meðal þátttakenda
á Glitnismótinu í
hraðskák - opnu
minningarmóti
um Harald Blön-
dal hæstaréttar-
lögmann.
Mótið fer fram
á miðvikudag og
fimmtudag og auk
Anand og Polgar
verða flestir þátt-
takendur í Reykja-
víkurskákmótinu
sem nú stendur
yfir með. Mótið er
öllum opið og hvet-
ur Skáksamband Íslands alla sem
kunna mannganginn og vilja
spreyta sig gegn nokkrum af
sterkustu skákmönnum heims að
taka þátt. - bþs
Glitnismótið í hraðskák:
Polgar og An-
and taka þátt
VISHY ANAND
JUDIT POLGAR
Framboðslisti klár Tillaga uppstill-
ingarnefndar að framboðslista fram-
sóknarmanna til sveitarstjórnarkosninga
í Mosfellsbæ var samþykkt einróma í
gær. Marteinn Magnússon, markaðs-
stjóri, skipar fyrsta sæti listans. Annað
sætið skipar Helga Jóhannesdóttir og
Óðinn Pétur Vigfússon það þriðja.
SVEITARSTJÓRNARMÁL