Fréttablaðið - 13.03.2006, Side 82

30 13. mars 2006 MÁNUDAGUR
sport@frettabladid.is
HVAÐ? HVENÆR? HVAR?
MARS
10 11 12 13 14 15 16
Mánudagur
■ ■ SJÓNVARP
 08.00 Helgaruppgjör á Enska
boltanum.
 16.00 Ensku mörkin á RÚV.
 20.10 Skólahreysti á Sýn.
 20.55 Ítölsku mörkin á Sýn.
 21.25 Ensku mörkin á Sýn. Mörkin
úr ensku 1. deildinni.
 21.55 Spænsku mörkin á Sýn.
HANDBOLTI Einar Hólmgeirsson er
greinilega búinn að ná sér eftir
höfuðhöggið sem hann hlaut gegn
Króatíu á EM í Sviss í síðasta mán-
uði en hann átti sannkallaðan stór-
leik og skoraði 11 mörk fyrir Gross-
wallstadt sem sigraði Pfullingen í
þýsku úrvalsdeildinni á laugar-
dagskvöld, 30-24. Alexander Pet-
ersson lék ekki með Grosswallstadt
þar sem hann er ennþá að jafna sig
eftir kjálkabrot.
Aðrir íslenskir leikmenn í
Þýskalandi höfðu heldur hægar um
sig en Snorri Steinn Guðjónsson
skoraði þrjú mörk fyrir Minden,
sem tapaði fyrir Düsseldorf 35-27.
Markús Máni Michaelsson sneri
aftur úr meiðslum í leiknum og
skoraði einnig þrjú mörk. Gylfi
Gylfason skoraði eitt mark fyrir
Wilhelmshaven sem tapaði fyrir
Flensburg, 33-15, og Þórir Ólafsson
skoraði eitt mark fyrir Lubbecke
sem lagði Nordhorn. Þá skoraði
Jaliesky Garcia eitt mark fyrir
Göppingen sem vann Wetzlar 37-
27. Róbert Sighvatsson skoraði eitt
mark fyrir Wetzlar. Hvorki Sigfús
Sigurðsson né Arnór Atlason skor-
uðu fyrir Magdeburg í tapi gegn
Kronau-Östrigen. - vig
Þýski handboltinn:
Einar skoraði
ellefu mörk
Þýska stórliðið Flensburg hefur áhuga á
að fá landsliðsmanninn Sigfús Sigurðs-
son til sín fyrir næstu leiktíð en liðið er í
leit að leikmanni til að fylla skarð Glenn
Solberg frá Noregi, sem mun hætta
hjá liðinu í lok þessa leiktíðar. Solberg
hefur verið lykilmaður í vörn Flensburg
undanfarin ár og sjá forráðamenn
félagsins Sigfús sem kjörin arftaka hans.
Eins og kunnugt er á Sigfús á brattann
að sækja hjá Magdeburg eftir að nýr
línumaður var keyptur til liðsins og hefur
honum verið sagt að hann megi fara frá
félaginu.
Fyrir hjá Flensburg er danski línumað-
urinn Michael Knudsen, sem þykir einn
besti sóknarlínumaður heims, svo að
ljóst er að Sigfús yrði fyrst og fremst
hugsaður í vörnina hjá liðinu. Sigfús
sagði við Fréttablaðið að hann gæti vel
hugsað sér að spila nánast eingöngu
í vörn hjá liði sem væri í fremstu
röð, en það hefur Flensburg verið í
mörg ár. „Ég er kominn á aldur og
skrokkurinn er farinn að segja
til sín þannig ef ég kæmist í
gott lið þar sem ég fengi
að spila í vörn og stöku
sinnum í sókninni þá
yrði ég sáttur,“ sagði
Sigfús. Flensburg er sem
stendur í 3. sæti þýsku
úrvalsdeildarinnar og þá
er liðið komið í undan-
úrslit Meistaradeildarinnar
þar sem það mætir Ólafi
Stefánssyni og félögum í
Ciudad Real.
Yfirstjórn Magdeburg í Þýskalandi
mun hittast á næstu dögum til að
ræða störf Bernd-Uwe Hildebrand,
framkvæmdastjóra handboltaliðs
félagsins. Samkvæmt heimild-
um Fréttablaðsins mun stjórnin
vera að hittast til að athuga hvort
Hilderbrand njóti nægilega
mikils trausts til að halda starfi
sínu áfram, en allt frá því að
hann tók þá ákvörðun, nánast
einsamall, að reka Alfreð
Gíslason úr starfi sínu
sem þjálfari liðsins
hefur vaxandi ónægja
gert vart við sig á meðal
stuðningsmanna og nokkurra
leikmanna félagsins.
SIGFÚS SIGURÐSSON HJÁ MAGDEBURG: VERÐUR EKKI Í VANDRÆÐUM MEÐ AÐ FINNA SÉR NÝTT LIÐ
Flensburg hefur áhuga á Sigfúsi
FORMÚLA Heimsmeistarinn Fern-
ando Alonso hóf titilvörnina í
Formúlu 1 á besta mögulega hátt
í gær. Þá sigraði hann á fyrsta
móti tímabilsins, sem fram fór í
Barein, en Michael Schumacher
hafnaði í öðru sæti, tveimur sek-
úndum á eftir Alonso. Þeir tveir
höfðu mikla yfirburði í kapp-
akstrinum, Þjóðverjinn hafði
forystu framan af en frábært
bensínstopp Alonso færði honum
efsta sætið um miðbik kappakst-
ursins.
„Ég er mjög sáttur með kapp-
aksturinn í dag og ég kvarta ekki
yfir öðru sætinu,“ sagði brosmild-
ur Michael Schumacher í gær, en
Ferrari-bíllinn er augljóslega í
mun betra standi en í fyrra.
Alonso var að vonum kátur með
sigurinn. „Þetta er fullkomin
byrjun fyrir okkur á tímabilinu
en svo virðist sem keppnin í ár
verði jafnari en í fyrra,“ sagði
Alonso.
Margir vilja meina að hinn
sanni sigurvegari kappaksturs-
ins í gær hafi verið Finninn Kimi
Räikkönen en hann ræsti síðast-
ur allra ökumanna eftir að hafa
klikkað í tímatökunni á laugar-
dag. Räikkönen ók stórkostlega
og fór fram úr hverjum keppi-
nautinum á fætur öðru og endaði
í 3. sæti. „Bíllinn var frábær og
ég vissi að ég gæti náð þessu
sæti,“ sagði Raikkönen eftir
keppnina.
Þá vakti árangur nýliðans
Nico Rosberg mikla athygli en
hann náði sjöunda sætinu eftir
að hafa keyrt út af strax á fyrsta
hring og tapað miklum tíma.
Hann keyrði hins vegar frábær-
lega eftir það og keyrði meðal
annars hraðasta hring keppnin-
ar. - vig
Tímabilið í formúlu 1 hófst í Barein í gær:
Alonso byrjaði með sigri
FÓTBOLTI Sóknarmaðurinn Hörður
Sveinsson sló í gegn í sínum fyrsta
leik með Silkeborg í dönsku
úrvalsdeildinni í gær en hann
skoraði tvö mörk og lagði upp eitt
í 3-2 sigri Silkeborg á Viborg.
Hörður kom Silkeborg í 1-0 og 2-1
og lagði síðan upp sigurmarkið
með snilldarsendingu inn fyrir
vörn Viborg sem rataði í fætur
félaga hans í fremstu víglínu.
„Þetta var frábært. Það er ekki
hægt að biðja um það betra en
þetta,“ sagði Hörður í skýjunum
við Fréttablaðið skömmu eftir
leikinn. Hörður skoraði fyrra
markið með hnitmiðuðu skoti og
það seinna með því að fylgja eftir
skoti frá sjálfum sér sem mark-
vörður Viborg hafði varið. Bjarni
Ólafur Eiríksson var einnig í byrj-
unarliði Silkeborg í leiknum sem
vinstri bakvörður en báðir gengu
þeir til liðs við félagið í janúar.
„Bjarni stóð vel fyrir sínu í
leiknum og þjálfarinn var mjög
ánægður með okkur. Það hefur
gengið mjög vel að aðlagast og
venjast danska boltanum, sem er
mun hraðari og betri en sá íslenski.
En svona byrjun gefur manni
aukið sjálfstraust fyrir framhald-
ið,“ sagði Hörður.
- vig
Hörður Sveinsson skoraði tvö og lagði upp eitt í sínum fyrsta leik með Silkeborg:
Ekki hægt að biðja um það betra en þetta
HÖRÐUR SVEINSSON Skoraði tvö og lagði
upp eitt í sínum fyrsta leik. FRÉTTABLAÐIÐ/E.ÓL.
Enska úrvalsdeildin:
MAN. UTD.-NEWCASTLE 2-0
1-0 Wayne Rooney (8.), 2-0 Wayne Rooney (12.).
CHARLTON-MIDDLESBROUGH 2-1
1-0 Darren Bent (73.), 1-1 Mark Viduka (81.), 2-1
Darren Bent (86.).
ARSENAL-LIVERPOOL 2-1
1-0 Thierry Henry (21.), 1-1 Luis Garcia (76.), 2-1
Thierry Henry (83.).
STAÐA EFSTU LIÐA:
CHELSEA 29 24 3 2 58-18 75
MAN. UTD 28 18 6 4 56-28 60
LIVERPOOL 29 16 7 6 34-19 55
TOTTENHAM 29 13 10 6 41-28 49
ARSENAL 29 14 5 10 45-23 47
BLACKBURN 29 14 4 11 38-34 46
BOLTON 27 12 9 6 37-28 45
WIGAN 29 13 4 2 34-36 43
ÚRSLIT GÆRDAGSINS
> Markús Máni kominn í gang
Landsliðsmaðurinn Markús Máni
Michaelsson lék sinn fyrsta leik í fjóra
mánuði í gær þegar lið hans Düsseldorf
vann öruggan sigur á Minden í þýsku
úrvalsdeildinni í handbolta. Markús
Máni kvaðst mjög ánægður að vera
byrjaður að spila á ný þegar Fréttablaðið
ræddi við hann eftir leikinn, en hann
skoraði þrjú mörk í þremur skottilraun-
um. „Ég man ekki eftir því þegar ég
var síðast með 100% nýtingu,“ sagði
Markús Máni og hló. „Ég spilaði stærst-
an hluta leiksins í sókninni og gekk
svona ljómandi. Þetta hafa verið erfiðir
mánuðir í
endalausri
sjúkra-
þjálfun en
ég virðist
vera orðinn
heill og kenndi
mér einskis meins í
þessu leik.“
Grétar Rafn með stórleik
Grétar Rafn Steinsson skoraði eitt mark
og lagði upp annað fyrir lið sitt AZ
Alkmaar þegar það lagði Willem II að
velli, 1-3, í hollensku úrvalsdeildinni í
gær. Grétar lék allan leikinn fyrir AZ, sem
er sem fyrr í 3. sæti deildarinnar, nú 12
stigum á eftir toppliði PSV.
FÓTBOLTI Steven Gerrard, fyrirliði
Liverpool, gerði sig sekan um
hræðileg mistök á 82. mínútu
leiksins gegn Arsenal í gær sem
urðu til þess að þeir rauðklæddu
töpuðu leiknum. Gerrard ætlaði
að gefa boltann aftur á markmann-
inn Jose Reina en á einhvern ótrú-
legan hátt tók hann ekki eftir
hinum eitraða Thierry Henry, sem
komst fyrir sendinguna, fór auð-
veldlega framhjá Reina og setti
boltann í autt markið.
„Ég tók eftir því að Gerrard sá
mig ekki og ákvað að taka áhætt-
una og hlaupa inn í sendinguna. Ég
geri þetta oft í leikjum en það
heppnast næstum aldrei. Gerrard
var óheppinn að það gerði það í
þetta skiptið,“ sagði Henry í leiks-
lok. Þetta mark Henry var hans
annað í leiknum en áður hafði hann
komið Arsenal yfir um miðjan fyrri
hálfleik með laglegu marki. Það
mark var fyllilega verðskuldað þar
sem Arsenal var mun sterkari aðil-
inn í fyrri hálfleik en leikmenn
Liverpool bitu í skjaldarrendurnar
í þeim síðari og uppskáru jöfnun-
armark þegar Luis Garcia fylgdi
eftir skoti Gerrard á 76. mínútu.
Tveimur mínútum síðar var
Xabi Alonso ranglega vísað af
velli þegar hann rann á vellinum
og á Philippe Senderos. Rauða
spjaldið breytti leiknum, Arsenal
náði undirtökunum og skoraði sig-
urmarkið. „Dómarinn var of fljót-
ur á sér. Þetta voru stór mistök,“
sagði Rafael Benitez, stjóri Liver-
pool, og vildi ekki kenna Gerrard
um tapið. „Hann ætlaði að gefa til
baka en sá ekki Henry. Þetta getur
komið fyrir alla,“ sagði hann.
Wayne Rooney átti frábæran
leik og skoraði bæði mörk
Manchester United sem vann
sannfærandi sigur á Newcastle,
2-0. Alex Ferguson dásamaði hinn
tvítuga framherja eftir leikinn.
„Hann sýndi enn einu sinni hvers
megnugur hann er en ég hefði
skorað þrennu,“ sagði Ferguson
og glotti. Yfirburðir Man. Utd.
voru mjög miklir og sagði Fergu-
son að lærisveinar hans hefðu
getað skorað tíu mörk.
Enn einu sinni ákvað Fergu-
son að taka Louis Saha fram yfir
Ruud van Nistelrooy í byrjunar-
liðið og þykjast breskir fjölmiðl-
ar skynja óánægju Hollendings-
ins í gegnum svipinn á honum
þegar hann hitar upp á hliðarlín-
unni. „Ég vil ekki breyta sigur-
liði,“ sagði Ferguson sér til varn-
ar eftir leikinn. „Saha hefur verið
að spila vel og á ekki skilið að
fara á bekkinn. Hér ríkir sam-
keppni eins og í öðrum liðum og
hún kallar fram það besta í leik-
mönnum.“ - vig
Gerrard færði Arsenal sigurinn
Skelfileg mistök fyrirliðans Steven Gerrard skömmu fyrir leikslok færðu Arsenal þrjú stig á silfurfati í stór-
leik gærdagsins í enska boltanum. Wayne Rooney skoraði tvívegis fyrir Man. Utd. gegn Newcastle.
RAUÐA SPJALDIÐ Xabi Alonso datt á Philippe Senderos og hlaut sitt annað gula spjald fyrir.
Örskömmu síðar skoraði Thierry Henry sigurmark leiksins. NORDICPHOTOS/GETTY IMAGES