Fréttablaðið - 16.03.2006, Síða 5

FIMMTUDAGUR 16. mars 2006 5
Úr háborg tískunnar
BERGÞÓR BJARNASON SKRIFAR FRÁ PARÍS
Í París er lífið að færast í samt horf í tískuheiminum að aflokinni
tískuviku. Fyrsti vordagur hér er 20. mars (vorjafndægri og góu-
þræll á almanakinu frá Eyjabúð!) Því er dálítil þversögn í því að
þegar almenningur fer að hugsa um vorið og um leið að huga að því
að endurnýja fataskápinn eru ekki eftir neinar stærðir hjá vinsæl-
ustu hönnuðum tískuhúsanna. Við búum nefnilega ekki öll í sama
veruleika. Meðan við meðaljónarnir bíðum eftir vetrarútsölum eru
þeir sem alltaf eru í topptískunni byrjaðir að kaupa vortískuna sem
kemur í búðir fyrir útsölurnar. Vortískan er svo gjarnan vígð í vetr-
arsólarferð. Þess vegna vakna margir upp við vondan draum þegar
vorar og þeir þurfa að kaupa klæðnað fyrir merkisviðburði, þá er
ekkert spennandi eftir.
Á dögunum opnaði ný margmerkjabúð (multimarque) á Boissy d´ang-
las-götu, rétt við Faubourg St. Honoré-götu, þá næst fínustu í borg-
inni. L´ECLAIEUR heitir þessi búð sem reyndar hefur verið til í tut-
tugu og fimm ár á Champs-Elysée-breiðgötunni og í nokkur ár í
Mýrarhverfinu. Þar má finna marga áhugaverða hönnuði, flesta frá
Ítalíu eins og arkitektinn Haute sem sneri sér að fatahönnun. Antonio
Berardi er annar Ítali sem þykir flottur í dag. Thomas Wylde (ekki
ítalskur!) er mjög vinsæll um þessar mundir og eftir fyrstu opnunar-
dagana í búðinni var næsta lítið eftir af flíkum hans. Allt var uppselt
eftir heimsóknir innkaupastjóranna og tískuskríbentanna sem fóru
um borgina eins og eldur í sinu á meðan á tískuvikunni stóð. Fyrir
þessu fólki er vor- og sumartískan að syngja sitt síðasta í búðunum,
ef frá eru talin baðfötin fyrir sumarfríið sem koma síðast í búðir. Það
sem máli skiptir hefur þegar verið selt. Á sama tíma eru tískupennar
í spjallþáttum í sjónvarpinu að segja fólki hvernig það á að klæða sig
þetta sumarið.
Fyrir þá sem mæta síðastir í búðirnar er ekki um annað að ræða en að
gera sér að góðu það sem eftir er og versla þar sem fjöldaframleiðsla
er í hávegum höfð, einfaldari eða klassískari varningur er í boði eða
lagerinn umfangsmeiri. Stærri lager þýðir svo aftur að annar hver
maður er klæddur eins og þá er sjarminn dálítið farinn af tískuflíkun-
um. Stundum dugir ekki einu sinni að fara í búðir eins og H og M eða
Zara, því þar hverfur sömuleiðis sá varningur sem vinsælastur er. Hjá
H og M til dæmis verður að kaupa flotta hlýraboli núna, í apríl-maí eru
þeir búnir. Hinir sem sofa á verðinum verða bara að gjöra svo vel að
sleppa því að vera „inn“ þetta sumarið eins og hin fyrri!
bergthor.bjarnason@wannadoo.fr
Á harðahlaupum eftir nýjustu straumum
Hágæða húð- og hárvörur fyrir börn
Vertu
fín yfir
páskana
Mikið úrval
af fallegum
bómullarbolum
Laugaveg 56 • Sími 551 7600
NFS Í BEINNI Á VISIR.IS
35.000 gestir vikulega
sem dvelja í u.þ.b. eina klst. hver.
Auglýsingasími 550 5000.