Fréttablaðið - 16.03.2006, Qupperneq 28

12 16. mars 2006 FIMMTUDAGUR
MENNTAMÁL „Þetta er í fyrsta
skipti sem Seðlabankinn kostar
stöðu með þessum hætti og reynsl-
an af því er í raun ekki komin í
ljós,“ segir Ingvar Sigfússon,
sviðstjóri rekstrarsviðs Seðla-
banka Íslands.
Bankinn er einn tuttugu fyrir-
tækja og stofnana sem styðja
beint eða óbeint við bakið á
Háskóla Íslands með kostun af
einhverju tagi. Bankinn kostar
eitt kennarastarf við viðskipta- og
hagfræðideild skólans fram til
ársins 2007 auk þess sem 2,4 millj-
ónum króna var nýlega varið til
sérstaks rannsóknarverkefnis á
íslenskum verðbréfum.
Ingvar segir bankann tvímæla-
laust hafa hag af slíku samstarfi.
„Markmiðið með slíku er að efla
rannsóknir allar og að niðurstöð-
ur séu kynntar víðar en eingöngu
innan bankans. Auðvitað er engin
þörf á að bankinn geri slíkt enda
hægt að sinna slíku innan bankans
sjálfs en að okkar mati er þetta
ákjósanlegt tækifæri til að dreifa
þekkingu sem víðast. Fyrir vikið
verður líka úr hæfari hópi fólks
að velja þegar þar að kemur, til
starfa innan bankans eða fjár-
málastofnana.“
Annar banki sem einnig kostar
til fjármunum er KB banki en þar
á bæ kosta menn fimmtán millj-
ónum króna til meistaranáms í
fjármálafræði við sömu deild
innan Háskóla Íslands. Tilgangur
þess banka er þó annar að sögn
Hafliða Kristjánssonar, fram-
kvæmdastjóra sölu- og markaðs-
sviðs bankans. „Ástæðan er ekki
sú að við séum að fá eitthvað til
baka í þessu tilfelli heldur erum
við að láta gott af okkur leiða og
skila aftur til samfélagsins. Við
styrkjum mörg slík verkefni á ári
hverju bæði innan skólanna og
utan og þetta er einfaldlega eitt
af þeim.“
Ásdís Pétursdóttir, hjá Bakka-
vör sem einnig leggur fimmtán
milljónir króna til styrktar frum-
kvöðlafræði innan Háskóla
Íslands, tekur undir orð Hafliða
en segir að í augum eigenda fyrir-
tækisins sé einnig mikilvægt að
viðhalda góðum samskiptum og
samvinnu milli menntastofnana
og atvinnulífsins. Það sé jákvæð-
ur ávinningur fyrir alla.
albert@frettabladid.is
VILL Í FREMSTU RÖÐ
HÁSKÓLI ÍSLANDS
KOSNINGAR Vinstrihreyfingin -
grænt framboð samþykkti á
félagsfundi sínum hinn 13. mars
síðastliðinn framboðslista sinn
fyrir bæjarstjórnarkosningarnar.
Tillaga kjörstjórnar var sam-
þykkt og skipa átta efstu sæti list-
ans þau Baldvin H. Sigurðsson,
Kristín Sigfúsdóttir, Dýrleif S.
Ingimarsdóttir, Jón Erlendsson,
Baldvin Esra Einarsson, Lilja Guð-
mundsdóttir, Jóhannes Árnason
og Silja Bára Ómarsdóttir. - shá
Vinstri grænir á Akureyri:
Framboðslisti
samþykktur
BANDARÍKIN AP Skýstrókar urðu
minnst tíu manns að bana og lögðu
hundruð heimila í rúst í
miðvesturríkjum Bandaríkjanna
um helgina og á mánudag.
Missouri-ríki varð einna verst
úti, en þar fórust minnst níu manns
þegar haglél á stærð við appelsín-
ur féll og skýstrókar feyktu öllu
lauslegu til, jafnvel bifreiðum.
Tíunda fórnarlambið lét lífið í
Indiana. Jafnframt lék veðrið
Illinois illa, þar sem höfuðborgin
Springfield varð einna verst fyrir
barðinu á stormunum. Auk þeirra
sem fórust slösuðust tugir manna
í veðrinu. - smk
Skýstrókar í miðvesturhluta Bandaríkjanna:
Tíu létust í ofsaveðri
SKÝSTRÓKUR Hvirfilbylir gengu yfir mið-
vesturríki Bandaríkjanna. FRÉTTABLAÐIÐ/AP
KOSNINGAR Borgarlisti – breiðfylk-
ing félagshyggjufólks í sameigin-
legu sveitarfélagi Borgarbyggðar,
Borgarfjarðarsveitar, Hvítársíðu-
hrepps og Kolbeinsstaðahrepps
hafa kynnt frambjóðendur sína
fyrir sveitarstjórnarkosningarnar
í vor.
Borgarlistinn samanstendur af
Samfylkingunni, Vinstrihreyfing-
unni - grænu framboði og óháðum
kjósendum.
Í fimm efstu sætum listans eru
Finnbogi Rögnvaldsson, Sigríður
Björk Jónsdóttir, Haukur Júlíus-
son, Þór Þorsteinsson og Ingibjörg
Daníelsdóttir. - shá
Borgarbyggð:
Sameiginlegt
framboð kynnt
VIÐSKIPTI Slippurinn Akureyri
hefur keypt helmingshlut í DNG
á Akureyri af Vaka í Reykjavík.
Starfsemi DNG flyst á athafna-
svæði Slippsins í byrjun næsta
mánaðar en fyrirtækin verða
áfram rekin sem sjálfstæðar ein-
ingar og ekki er gert ráð fyrir
breytingum í mannahaldi.
DNG hefur framleitt raf-
eindastýrðar færavindur og línu-
kerfi fyrir báta.
Anton Benjamínsson, fram-
kvæmdastjóri Slippsins, segir
að samstarf DNG og Slippsins
muni leiða til hagræðingar í
rekstri og auka möguleika til
verkefnaöflunar. „Starfsmenn
Slippsins eru nú um sjötíu og
okkur vantar fleiri járniðnaðar-
menn. Fyrstu tveir mánuðir árs-
ins voru rólegir en nú er allt vit-
laust að gera hjá okkur og útlitið
fram undan er gott,“ segir
Anton.
Verðið sem Slippurinn greiddi
fyrir helmingshlut í DNG fæst
ekki uppgefið. - kk
Slippurinn Akureyri kaupir helmingshlut í DNG:
Styrkir stöðu beggja
Í frétt um lagafrumvarp um sameiningu
Sjónstöðvar Íslands og Heyrnar- og
talmeinastöðvar sem birtist í Frétta-
blaðinu 13. mars var ranglega sagt að
forsvarsmenn Sjónstöðvar hefðu skorað
á heilbrigðis- og tryggingamálanefnd
að fresta umsögn um frumvarpið. Hið
rétta er að Blindrafélagið er mótfallið
frumvarpinu og skoraði á nefndina að
fresta umsögninni.
LEIÐRÉTTING
TAÍLAND, AP Thaksin Shinawatra,
forsætisráðherra Taílands, sagð-
ist í gær geta hugsað sér að segja
tímabundið af sér, en neitar þó að
hafa gert eitthvað rangt.
Tugþúsundir Taílendinga söfn-
uðust á þriðjudag saman við
stjórnarbyggingu landsins í Bang-
kok og dvöldu þar um nóttina. Þeir
krefjast afsagnar forsætisráð-
herrans og saka hann um misbeit-
ingu á völdum sínum.
Í gær söfnuðust einnig saman
þúsundir stuðningsmanna forsæt-
isráðherrans rétt fyrir utan höfuð-
borgina til þess að lýsa yfir stuðn-
ingi við hann. Thaksin hefur
tilkynnt að hann muni lýsa yfir
neyðarástandi í landinu verði mót-
mælin ofbeldisfull, en hingað til
hafa þau verið friðsamleg. Fólkið
hefur hrópað slagorð, haldið
ræður og sakað Thaksin um spill-
ingu. Þrátt fyrir eldheitar ræður
hélt fólkið ró sinni, enda minntu
leiðtogar þeirra á í ræðum sínum
að landar þeirra myndu deyja ef
til ofbeldis kæmi. - smk
FRIÐSAMLEG MÓTMÆLI Tugþúsundir krefjast afsagnar forsætisráðherra síns. FRÉTTABLAÐIÐ/AP
Friðsamleg mótmæli gegn forsætisráðherra Taílands:
Íhugar tímabundna afsögn
VORBOÐSKAPUR TRÚARLEIÐTOGANS
Dalai Lama flutti sína árlegu ræðu í
Tsuglakhang-hofinu á Indlandi í gær.
Þúsundir Tíbeta og annarra búddista komu
til að hlýða á boðskapinn. MYND/AP
Hagur fyrir
atvinnulífið
Öll samvinna háskóla og atvinnulífs er af hinu góða
að mati þriggja viðmælenda sem starfa hjá fyrir-
tækjum sem leggja talsvert fé til Háskóla Íslands.
Egyptaland Luxor
10 daga VISA ferð
21. apríl –1. maí
Fyrsta flokks gisting
á glæsilegu hóteli,
spennandi skoðunarferðir
og íslensk fararstjórn.
Um er að ræða 10 nátta
ferð á vit ævintýra
í Egyptalandi.
79.940 kr.
Verð:
á mann í tvíbýli á Luxor Sheraton
Innifalið: Beint leiguflug, flugvallarskattar,
gisting með morgunverði í 10 nætur
og íslensk fararstjórn.
Plúsferðir · Hlíðasmára 15 · 200 Kópavogur · Sími 535 2100 · www.plusferdir.is
SKIP Í SLIPP Forsvarsmenn Slippsins
Akureyri sjá fram á góða verkefnastöðu og
vantar járniðnaðarmenntil starfa.
KENNSLA Í HÍ Fyrirtæki og stofnanir sem
styrkja HÍ með kostun segja atvinnulífið
í landinu njóta góðs af samstarfinu.