Fréttablaðið - 16.03.2006, Qupperneq 59

FIMMTUDAGUR 16. mars 2006 43
Plokkari og
svartfugl
Hvernig er stemn-
ingin: Þetta er svolít-
ið eins og að koma
inn á heimili hjá eldra
fólki. Það fer til dæmis lítið fyrir
stressi heldur er róleg og rómant-
ísk stemning í hávegum. Veggirnir
eru þaktir myndum og listaverkum.
Ferskjulitaðir veggir sóma sér vel
við gamaldags gluggatjöld og ein-
falda stóla. Borðin eru skreytt með
heimatilbúnum kertastjökum og
það er eitthvað krúttlegt við þenn-
an stað. Ef staðurinn er grandskoð-
aður hátt og lágt má reka augun
í uppstoppaðan lunda og fleiri
fuglategundir, sem er svolítið kóm-
ískt á veitingastað sem sérhæfir sig
í fiskréttum. Gestalistinn á Þrem-
ur frökkum er fjölbreyttur. Þang-
að koma margir jakkafataklæddir
menn sem tala erlend tungumál
innan um íslenska heimsborgara,
venjulegt úthverfafólk og fínar frúr
í eldri kantinum. Það sem dregur
þessa flóru að staðnum er matur-
inn, sem bragðast sérlega vel.
Matseðillinn: Á boðstólum er
aragrúi af spennandi fiskréttum,
allt frá plokkfiski upp í humar og
skötusel. Réttirnir bragðast flest-
allir ógurlega vel enda varla hægt
að klúðra matreiðslu á fyrsta flokks
sjávarfangi. Á matseðlinum er líka
hvalkjöt, sem enginn ætti að láta
fram hjá sér fara. Þótt fiskur og
hvalur séu í aðalhlutverki er líka
boðið upp á léttsteiktan svartfugl
með villibráðarsósu, soðnum gul-
rótum, salati og sykurbrúnuðum
kartöflum. Fyrir þá sem kunna að
meta slíkan mat er svartfuglinn
góður kostur. Eftirréttaseðillinn er
ekki mjög flókinn en þó girnilegur.
Réttur dagsins: Boðið er upp á
rétti dagsins sem eru misjafnir frá
degi til dags.
Verð: Þrír frakkar er staður í dýrari
kantinum. Svartfuglinn er til dæmis
á 3.100 krónur og svipaðir réttir eru
á því verði. Plokkfiskurinn er hins
vegar á 1.900 krónur.
Þýsku vínin Palts hafa vakið mikla
athygli í Vínbúðum. Þau þykja
einkar góð kaup enda nýbúið að
lækka verðið á þeim og kosta þau
nú 1.090 kr.
Palts Riesling er þýskt riesling-
vín eins og þau gerast hvað best.
„Þetta Riesling-vín frá Pfalz í
Þýskalandi er fulltrúi nýrrar kyn-
slóðar af matarvænni og þurrari
vínum, sem hafa komið fram á und-
anförnum áratug eða svo, og er því
ætlað að leiða þýska víngerð úr
þeim ógöngum sem hún var (og er)
komin í... Þurrt og Alsace-legt hvít-
vín sem er gott með meðalþungum
fiskréttum og salati en einnig sem
fordrykkur,“ segir Þorri Hrings-
son í umsögn sinni í Gestgjafan-
um.
Palts Weissburgunder er mjög
gott sem fordrykkur en einnig sem
veisluvín og það „gengur“ í flesta.
Um vínið segir Þorri: „Þrúgan
weissburgunder er líklega þekkt-
ari undir nafninu pinot blanc og er
ræktuð víða í Frakklandi en þó
helst í Alsace þar sem hún er ýmist
notuð ein og sér eða í „Edelzwick-
er“-blöndur. Þetta vín er upprunn-
ið í héraðinu Pfalz og er góður full-
trúi hins nýja, þýska víngerðarstíls
sem á sér einmitt fyrirmynd í
Alsace eða þá í Austurríki þar sem
kröfur manna um þurr hvítvín auk-
ast en smekkur fyrir hinum hefð-
bundnu hálfsætu vínum hefur held-
ur dvínað.“
Af þeim þremur hvítvínum sem
Palts býður upp á er Rivaner einna
mildast og hefur hvað mestan
ávöxt. Það er tilvalið í t.d. for-
drykki og er öruggt að það „móðg-
ar“ engan. Rivaner nefnist þrúgu-
kynblendingur sem opinberlega
heitir Müller-Thurgau og er frá
árinu 1882 en þá voru ræktaðar
saman þrúgurnar riesling og sil-
vaner. Þorri segir vínið „meðal-
bragðmikið og ekki ósvipað til-
þrifaminni hvítvínum frá Alsace í
stíl. Létt og einfalt með keim af
peru, melónu og greipaldini.“
Verð í Vínbúðum 1.090 kr.
PALTS:
Riesling eins og það gerist hvað best
VEITINGASTAÐURINN
ÞRÍR FRAKKAR
BALDURSGÖTU 14, 101 REYKJAVÍK.
550 5000
AUGLÝSINGASÍMI