Fréttablaðið - 03.06.2006, Blaðsíða 25

■ MÁNUDAGUR, 29. MAÍ
„Guð á margan gimstein ...“
Vegna vinkonu minnar sem ég er
að reyna að hjálpa í skuldabasli
hafði KB banki sam-
band og bauðst til
að hliðra dálítið
til. Mín vegna
hefði mátt hliðra
aðeins meira til,
en af því að ég
hef djúpan skiln-
ing á því að góð
afkoma banka er
meira virði en
afkoma einnar lág-
launakonu gladdist
ég og tók viljann fyrir
verkið og greiddi upp skuldina.
Ef Bólu-Hjálmar væri uppi í
dag mundi hann sjálfsagt yrkja:
„Guð á margan gimstein þann/
sem glóir í KB banka ...“
Frá rukkaragenginu Legalis
hefur hins vegar hvorki heyrst
hósti né stuna.
■ ÞRIÐJUDAGUR, 30. MAÍ
Krunk í næturhrafni
Ég fer snemma í háttinn í kvöld.
Er ósofinn. Klukkan að ganga eitt í
nótt voru hér menn að rífa stillaðsa
og stafla járnum og plönk-
um á bíl með miklum
gauragangi. Ég fór út á
sokkaleistunum og bað
þá um svefnfrið. Þeir
settu upp þennan
þrjóskulega hundshaus
sem menn setja upp
þegar þeir vita upp á sig
skömmina. Ég gerði mig
ljótan í framan og hélt þeir
yrðu hræddir. En það dugði ekki
til.
Nú kynni einhver að spyrja af
hverju ég flytji ekki inn í Ódáða-
hraun til að fá svefnfrið. Þá er því
til að svara, að sennilega mundi ég
vakna þar einn góðan veðurdag
með þingmenn kjördæmisins við
rúmstokkinn og tíu álforstjóra og
kínverskan her að taka fyrstu
skóflustungu að nýju stóriðjuveri.
Fyrst eftir að skemmtistaðir
fengu leyfi til að hafa opið fram
eftir allri nóttu var löggan dáldið
ringluð og hélt að bæjaryfirvöld
hefðu gefið leyfi til að vera með
ótakmarkaðan djöflagang í mið-
bænum á öllum tímum sólar-
hrings.
En þá gerðist tvennt í senn.
Löggan komst að því að um hávaða-
mörk gilda ákveðin lög og reglu-
gerðir og Jónas Hallsson yfirlög-
regluþjónn tók að sér að kenna
veitingamönnum á þessar reglur.
Það starf Jónasar verður seint
fullþakkað og hefur borið þann
árangur að hérna í Grjótaþorpinu
er jafnfriðsælt og vænta má í
miðju borgarinnar. Enginn mann-
legur máttur getur komið í veg
fyrir að öðru hverju heyrist krunk
í einstaka nátthrafni en það er
yfirleitt bara notalegt og maður
veltir sér á hina hliðina og sofnar
aftur.
Kostir þess að búa í miðbænum
eru svo ótal margir að ég gæti ekki
hugsað mér að flytja úr mannlífs-
iðunni. Hér er hjarta borgarinnar.
Vaknaði svo nýsofnaður klukk-
an hálffimm í morgun og keyrði til
Keflavíkur því að Sólveig ákvað að
bregða sér í heimsókn til vinkonu
sinnar sem býr í miðborg Berlínar.
Þar er líka svefnfriður.
■ MIÐVIKUDAGUR, 31. MAÍ
Bergmál
Hitti mína elskulegu Guðrúnu hjá
JPV, og við spjölluðum um bókina
sem ég er að reyna að skrifa. Hún
er orðin spennt að fá að vita hvers
konar bók þetta á að verða. Og
ekki er ég minna spenntur. Sem
betur fer eru allir fingurnir mætt-
ir aftur til starfa: asdf jklæ
Skrapp austur að Sólheimum
á kvöldvöku í Sesseljuhúsi.
Þar söng hinn óviðjafnan-
legi KK og gerði storm-
andi lukku. Tær snilld.
Það er gestkvæmt á
Sólheimum því að líknarfélagið
Bergmál dvelur núna á staðnum
með hóp af fólki sem hefur átt við
löng og erfið veikindi að stríða. Í
eldhúsinu hitti ég gamlan skóla-
bróður minn, Örn, sem er tækni-
fræðingur hjá Rarik, en lætur sig
ekki muna um að skella á sig
kokkasvuntu og elda ofan í
hundrað manns í sjálfboða-
vinnu. Hjá Erni fékk ég
afbragðs góðan plokkfisk
og eftir kvöldvökuna
kaffi og rjómapönnukök-
ur hjá Kolbrúnu og
Sveinbjörgu sem eru
formaður og varafor-
maður í Bergmáli.
Það er í raun-
inni alveg stór-
merkileg lífs-
reynsla fyrir
skammatól eins og
mig sem er sífellt að
bölsótast út af heimsku og
spillingu mannanna (og því
miður ekki alltaf að ástæðu-
lausu) að fá líka að kynn-
ast því, hversu mikið
er til af góðu fólki
sem sækir sér
lífsfyllingu í að
hjálpa náung-
anum og
láta gott
af sér
leiða og telur ekki eftir hvorki
tíma, peninga ellegar fyrirhöfn.
Líknarsamtök eins og Bergmál
og fólkið á Sólheimum hljóta að
enduróma eitthvað verulega
fallegt í þjóðarsálinni.
Það var orðið kvöldsett þegar
ég lagði af stað heim í blindaþoku.
Sem betur fer gaf Sveinbjörg mér
tvær rjómapönnukökur í nesti.
Þegar ég var kominn í Drauga-
hlíðar tók ég eftir því að báðar
rjómapönnukökurnar voru horfn-
ar.
1
LAUGARDAGUR 3. júní 2006 25
www.bluelagoon.is
Styrkur