Fréttablaðið - 03.06.2006, Blaðsíða 38

[ ]
Möðrudalur á Fjöllum er
eftirsóttur viðkomustaður enda
er þjónusta við ferðamenn þar
alltaf að aukast.
Fjalladýrð heitir ferðaþjónustu-
fyrirtæki sem Vilhjálmur Vern-
harðsson, smiður og ferðaþjón-
ustubóndi, hefur byggt upp í
Möðrudal síðustu ár, ásamt sínu
fólki. Nýjasta framkvæmdin er
bygging sem gerir tjaldgestum
kleift að elda og vaska upp innan
dyra. Húsið er byggt upp úr gam-
alli tóft því hjá Fjalladýrð er torf-
ið og timbrið í hávegum haft sem
byggingarefni. Fjallakaffi var
opnað fyrir tveimur árum í bursta-
bæ sem reistur var á grunni eldra
húss með sama nafni. Þar er boðið
upp á þjóðlegar veitingar. „Við
erum alltaf með kjötsúpu í hádeg-
inu. Það er fastur liður og reyndar
er hún í boði fram á kvöld ef óskað
er. Með kaffinu erum við með
kleinur, vöfflur og jólakökur og
svo erum við með samlokur úr
grilli og pylsur en ekkert ham-
borgarafæði,“ segir Elísabet
Kristjánsdóttir, kona Vilhjálms,
sem svaraði í símann þegar hringt
var norður. Elísabet segir kvöld-
verð framreiddan líka ef pantað
sé fyrir fram. Þá er meðal annars
hægt að biðja um Möðrudalskjöt,
sem er framleitt á staðnum.
Fjalladýrð býður líka upp á
gistingu í 27 rúmum og getur fólk
ráðið hvort það er í svefnpoka eða
uppábúnu. Einnig hefur það
eldunaraðstöðu í sömu byggingu.
Þá er ógetið einnar frumlegustu
bensínstöðvar sem um getur. Hún
er í litlum burstabæ og er bensín-
dælan í einni burstinni og dísil-
olían í annarri en sú þriðja er
undir varning.
Nýbúið er að opna tjaldstæðið á
Möðrudal þetta vorið og þar er
rafmagn fyrir húsbíla og vagna.
Fjallakaffið er opið allt árið um
kring og gistingin líka og að sögn
Elísabetar er alltaf dálítið um að
jeppaferðalangar komi þar við að
vetrinum á leiðinni inn á hálendið
eða niður af því, auk þess sem
öðru hvoru eru haldnar veislur.
„Villi hefur séð um veislurnar með
hjálp heimafólks. Þetta gengur
allt vel með samvinnu.“ Eitt það
nýjasta í ferðaþjónustunni á Fjöll-
um er jeppaferðir sem boðið er
upp á inn á hálendið, til dæmis í
Kverkfjöll, Herðubreiðarlindir,
Öskju eða að Kárahnjúkum. „Við
sníðum þessar ferðir að þörfum
ferðalanganna,“ segir Elísabet og
fyrst verið er með hana á línunni
er freistandi að spyrja út í búskap-
inn á Möðrudal, sem er hæsta
byggð á Íslandi. Hún kveðst reynd-
ar nýkomin norður eftir skólasetu
í borginni en segir sveitina koma
allvel undan vetri. Verið sé að
sleppa fé úr túnum og búið sé að
fara með geiturnar 40 á fjall.
gun@frettabladid.is
Fjalladýrð og friðsæld
Vilhjálmur ferðaþjónustubóndi Vernharðsson hefur á síðustu árum byggt upp ferðaþjón-
ustufyrirtækið Fjalladýrð.
Í Möðrudal. Ferðaþjónustan er í stærri burstabænum og bensínstöðin í þeim minni. Á bak við sést gamla ættaróðalið og kirkjan sem Jón
bóndi í Möðrudal reisti til minningar um konu sína og vígð var 1949. Fjallakaffið er hinum megin við veginn. MYND/ELÍSABET
Það er frí á mánudaginn! Nú er fullkomið tækifæri
til að bregða undir sig betri fætinum og fara í langt eða
stutt ferðalag.
Garðeigendur
athugið!
Látið ekki aðra úða garðinn gegn skordýrum en þá sem
hafa leyfi frá Umhverfisstofnun og geta framvísað
skírteini ásamt persónuskilríkjum sé þess óskað. Starfs-
leyfi frá viðkomandi heilbrigðisnefnd er einnig skilyrði
þess að stunda megi garðaúðun í atvinnuskyni.
Nánari upplýsingar veita
Umhverfisstofnun,
www.ust.is,
og Heilbrigðiseftirlit
sveitarfélaga.
Tímarit
um útivist
og ferðalög
Nýtt tölublað
100 blaðsíður
Halldór Gylfason leikari ætlar
að ferðast mikið í sumar.
Halldór fór síðast til útlanda í
mars og þá til London. „Ég var í
vinnuferð með félögum mínum en
við vorum að taka upp efni fyrir
sjónvarpsþáttin Sigtið,“ segir
hann.
Halldór var í þrjá daga í Lond-
on og skemmti sér vel. „Við rölt-
um um London í rigningu og kulda
og tókum upp, borðuðum samlok-
ur og gistum á Holiday Inn eins og
fínir menn. Svo náðum við einum
degi á Oxford Street til þess að
versla fyrir fjölskyldurnar þegar
við vorum búnir að öllu öðru.“
Næsta utanlandsferð Halldórs
verður farin í sumar og þá ætlar
hann til Danmerkur og Svíþjóðar.
„Ég ætla að fara með fjölskylduna
að heimsækja ættingja og vini.
Við verðum í tvær vikur á Fjóni og
í Stokkhólmi. Ég hef aldrei komið
til Stokkhólms áður og ég hlakka
svolítið til að koma þangað.“
Í sumar ætlar Halldór líka að
ferðast innanlands. „Ég fer á Snæ-
fellsnesið á sjómannadaginn að
skemmta í Ólafsvík og heimsækja
bróður minn sem býr á Helliss-
andi. Ég fer stundum á Hellissand
til hans og var þar síðast núna um
páskana. Mér finnst æðislega
gaman að fara á Snæfellsnesið og
það er einn uppáhaldsstaðurinn
minn. Svo fer ég sennilega í einn
eða tvo veiðitúra í sumar og á ætt-
armót á Austfirði og það er ýmis-
legt í farvatninu. Þetta verður
bara unaðslegt ferðasumar.“
Í rigningu og kulda
Halldór verður töluvert á ferðinni í sumar. FRÉTTABLAÐIÐ/VALLI
Hvert ertu að fara?
550 5000
AUGLÝSINGASÍMI