Fréttablaðið - 12.06.2006, Blaðsíða 68
12. júní 2006 MÁNUDAGUR28
„Á föstudaginn verða tuttugu ár upp á dag
frá því við komum fyrst fram. Við gátum
ekki sleppt því tækifæri til að koma aftur
saman,“ segir Karl Örvarsson, söngvari
Stuðkompanísins sem leikur á dansleik í
Sjallanum næstkomandi föstudagskvöld.
„Það var nú eða aldrei. Við höfum ekki
spilað síðan við hættum um áramótin
88-89, það hefur bókstaflega ekki verið
tekinn tónn síðan,“ segir Kalli.
Hann segir að ferill Stuðkompanísins hafi
verið stuttur en mjög snarpur, og eftir að
sveitin hætti hafi meðlimir hennar farið
í mismunandi áttir. „Við lifðum hratt,“
segir Kalli og hlær. „Menn voru ungir og
óharðnaðir og mjög misvel undir þetta
búnir.“ Í Stuðkompaníinu var einnig Atli
bróðir Kalla, sem hefur verið búsettur
í Hollywood um hríð og flýgur heim
sérstaklega fyrir tónleikana. Auk þeirra
skipuðu bræðurnir Jón og Trausti ryþma-
sveitina og Magni Friðrik frændi þeirra var
fimmti maðurinn.
Kalli segir að æfingar hefjist annað kvöld
þegar Atli er lentur á Akureyri. Hann kvíðir
því ekki að það verði erfitt að rifja upp
gömlu taktana. „Blessaður maður, þetta
er eins og þegar maður lærir að hjóla. Við
þurfum bara að rifja þetta upp, teljum í
og þegar komið er inn í mitt lag er þetta
smollið. Ég er kokhraustur í dag en svo
verður þetta að koma í ljós!“
Kalli býst að við því að Stuðkompaníið
bjóði upp á sama prógramm og þegar
sveitin lék síðast á tónleikum. „Já, já. Við
höldum áfram þar sem frá var horfið,
tökum auðvitað öll Kompaníslögin sem
voru reyndar ekki mörg en við tökum þau
þá bara þeim mun oftar,“ segir Kalli, sem
býst við að þeir muni auk þess leika lög frá
níunda áratugnum. Þau verði að sjálfsögðu
með þekktum sveitum á borð við Duran
Duran og Frankie Goes to Hollywood.
Stuðkompaníið verður ekki eina sveitin
sem kemur fram í Sjallanum á föstudags-
kvöld því Dúkkulísurnar ætla að hita upp.
Kalli segir
að þær
hafi kæst
svo mjög
yfir end-
urkomu
Komp-
anísins að
þær hafi
ekki tekið
annað í
mál en að fá að hita upp.
Þetta verða líklega einu tónleikar Stuð-
kompanísins á næstunni. Kalli segir að
þeir eigi þó annað afmæli á næsta ári, en
þá verða 20 ár frá því að sveitin sigraði í
Músíktilraunum. „Það hefur verið kvartað
undan því að við tækjum ekki gigg fyrir
sunnan. Það er því aldrei að vita hvað
gerist þá.“
Snúa aftur eftir 18 ára hlé
KALLI ÖRVARS Söngvari Stuðkompanísins
verður í banastuði í Sjallanum á föstudags-
kvöld. FRÉTTABLAÐIÐ/VILHELM
GULLMOLI Skýjum
ofar, platan með öllum smell-
um Stuðkompanísins.
Upp og ofan hjá Láru
[UMFJÖLLUN]
TÓNLIST
Tónlistarkonan Lára Rúnarsdóttir
fylgir hér á eftir frumburði sínum
Standing Still sem kom út fyrir
tveimur árum og fékk ágætar við-
tökur. Sú plata einkenndist af
vönduðu poppi og gaf fín fyrirheit
um framhaldið.
Á nýju plötunni syngur Lára
átta lög af tólf á íslensku og er það
töluverður umsnúningur frá fyrri
plötunni, sem var alfarið á ensku.
Athygli vekur að í einu laginu,
Why, kemur hinn angurværi
Damien Rice við sögu.
Nýja platan er töluvert öðru-
vísi en Standing Still. Hún er öllu
rólegri og lagasmíðarnar eru ekki
alveg eins einfaldar og áður þegar
kassagítarpoppið var í stærra
hlutverki. Meira er nostrað við
hlutina og ljóst að Lára er að reyna
að prófa sig áfram í tónlistarsköp-
un sinni, sem er gott mál.
Platan hreyfði samt ekki við
mér eins og meirihluti hinnar
gerði. Þrátt fyrir að hljóðfæra-
leikurinn væri góður og söngur
Láru fallegur vantaði þann fersk-
leika sem áður var til staðar.
Nokkur lög stóðu þó upp úr og
voru þau öll í fyrri hluta plötunn-
ar, enda var sá síðari í heild sinni
lakari að gæðum og í raun hvorki
grípandi né áhugaverður.
Viðlagið í laginu „Í síðasta sinn“
var gott og „Vetur“ ágætis blús í
anda Norah Jones. „Ókunnugur
maður“ var jafnframt hið sæmi-
legasta popplag. „Why“ var fín
ballaða þar sem rödd Láru naut
sín vel. Innkoma Damien Rice í
bakröddunum passaði vel inn í en
kannski hefði Lára mátt nýta
krafta hans aðeins betur, enda
rödd hans aldeilis frábær og synd
að hafa hana allan tímann í bak-
grunninum. Engu að síður eitt
besta lag plötunnar.
Textarnir á plötunni voru ágæt-
ir þar sem Lára leitaði mikið inn á
við. Stundum voru þeir samt full
yfirdrifnir í alvarleika sínum um
ástina og þau vandræði sem henni
geta fylgt.
Freyr Bjarnason
LÁRA: ÞÖGN
NIÐURSTAÐA:
Það vantar neistann á nýjustu plötu Láru.
Fyrri hlutinn hefur ýmislegt gott fram að færa
en sá síðari ekki. Lagið með Damien Rice er
eftirminnilegast.
Væntanlega fór ekki fram-
hjá neinum að heimsmeist-
arakeppnin í Þýskalandi
hófst með pompi og prakt á
föstudaginn.
Sýn ætlar að sýna alla leiki keppn-
innar í beinni útsendingu og á
meðan riðlakeppninni stendur
verða þrír leikir á dag. Sjónvarps-
stöðin bauð öllum helstu knatt-
spyrnuhetjum landsins á opnunar-
hóf í Smáralindinni þar sem
kapparnir gátu gætt sér á alls
kyns góðgæti og horft á upphafs-
leikinn milli Þjóðverja og Kosta
Ríka í beinni útsendingu. Leikur-
inn þótti bráðfjörugur en Þjóð-
verjar unnu 4-2 og þótti þetta gefa
ágætis fyrirheit um það sem koma
skyldi næsta mánuðinn.
HM hafið í Þýskalandi
SIGUR Í FYRSTA LEIK Þjóðverjar unnu Kosta
Ríka í fyrsta leik HM með fjórum mörkum
gegn tveimur. FRÉTTABLAÐIÐ/GETTY IMAGES
MEÐ ALLA BOLINA Viddi og Benni í Jóa
Útherja létu þetta gullna tækifæri ekki
framhjá sér fara og voru að sjálfsögðu á
svæðinu. FRÉTTABLAÐIÐ/HÖRÐUR
Á RÉTTUM STAÐ Sigmar Vilhjálmsson, betur
þekktur sem Simmi í Idolinu, var auðvitað
mættur til að horfa á leikinn enda mikill
íþróttaáhugamaður.
SPENNTIR FYRIR LEIKNUM Þeir Hörður Bjarnason og Grétar Sigfinnur voru spenntir fyrir
leiknum og þeirri veislu sem fram undan er.Aðdáendur Nylon-flokksins geta
tekið gleði sína á ný því þær Stein-
unn, Alma, Klara og Emilía ætla
að spila á hérna á Íslandi 17. júní á
fimm stöðum um suðvesturhorn
landsins. Stúlkurnar hafa haft í
nógu að snúast síðan þær lögðu
land undir fót og héldu í víking til
Bretlands. Stúlkurnar spiluðu með
strákabandinu Westlife og stúlkna-
sveitinni vinsælu Girls Aloud en
komu heim í stutt frí í síðustu
viku. Að sögn Einars Bárðarsonar,
umboðsmanns hljómsveitarinnar,
ríkir mikil eftirvænting hjá stúlk-
unum enda hafa þær ekki spilað á
Íslandi síðan um áramót.
Að sögn Einars fara stúlkurnar
aftur út á þriðjudaginn en þær
eiga að fara í viðtal við vinsælasta
glanstímarit Breta, Ok Magazine.
Reyndar stóð til að það yrði tekið
hér á Íslandi en eins og svo margt
í tónlistarheiminum breyttist það
á síðustu stundu. Nylon-flokkur-
inn kemur heim á miðnætti sama
dags en þá bíður hópur kvik-
myndagerðarmanna sem eru að
vinna að heimildarmynd um stelp-
urnar. Stúlkurnar dveljast hér á
landi fram á föstudag en þá fljúga
þær út til að spila í afmæli Univer-
sal-útgáfunnar. Þær verða síðan
mættar á laugardeginum til að
taka þátt í 17. júní hátíðarhöldun-
um.
Nylon á Íslandi
NYLON Verður á ferð og flugi næstu daga en ætlar að spila á tónleikum hinn 17. júní á
fimm stöðum á suðvesturhorninu.
Yfirlitssýning á verkum Steinunn-
ar Sigurðardóttur fatahönnuðar
var opnuð á Norðuratlantshafs-
bryggju í Kaupmannahöfn á
laugardag en Steinunn hefur
meðal annars unnið fyrir heims-
þekkt tískumerki eins og Gucci,
Calvin Klein og Ralph Lauren. Í
dag hannar hún undir eigin nafni
og er haustlína ársins í ár meðal
sýningagripa. Sendiherra Íslands,
Svavar Gestsson, flutti ávarp við
opnunina en sýningin, sem áður
var í Gerðubergi, verður opin til 9.
júlí. - ks
Steinunn opnaði í Danmörku
Í UPPHAFI... Gestir virða fyrir sér úrklippur
frá ferli Steinunnar.
ÁNÆGÐAR Konur voru í meirihluta sýningagesta en góður rómur var gerður að verkum
Steinunnar. FRÉTTABLAÐIÐ/KRISTJÁN
GAMLIR VINIR Hönnuðurinn
Steinunn ásamt gömlum
bekkjarbróður, Sigurði
Kolbeinssyni, sem var meðal
gesta,