Fréttablaðið - 20.06.2006, Qupperneq 38

20. júní 2006 ÞRIÐJUDAGUR22
timamot@frettabladid.is
Þennan dag árið 1875 lést fjalla-
maðurinn Joe Meek á búgarði sínum
í Oregon. Margar sögur hafa verið
sagðar af ævintýralegu lífi hans og
talið að margar þeirra séu nærri lagi.
Hann fæddist í Virginíu árið 1810
og var of líflegur til að sitja lengi á
skólabekk. Hann fór því að heiman
sextán ára og flutti vestur til bræðra
sinna í Missouri.
Hann gekk til liðs við skinna-
kaupmenn í vestrinu og naut næsta
áratuginn frjálsræðisins sem fjalla-
maður. Hann var stór maður með
mikið skegg og skemmti fjallamönnum með ýktum
sögum af ævintýrum sínum á ýmsum samkomum.
Til að mynda átti hann að hafa barist berhentur við
grábjörn.
Meek átti góð samskipti við innfædda.
Hann kvæntist þremur indjánastúlkum, þar
á meðal einni dóttur indjánahöfðingja. Hann
tók þó einnig þátt í bardögum við ættflokka
sem sættu sig ekki við nærveru fjallamann-
anna á umráðasvæði sínu.
Árið 1840 þótti Meek ljóst að líf fjalla-
manna væri að líða undir lok og leiddi því
eina fyrstu vagnalestina yfir Klettafjöllin.
Hann gerðist bóndi í Oregon og hvatti aðra
til að feta í fótspor sín. Hann fór til Washing-
ton og sótti fast að fá hernaðarvernd gegn
indjánum. Þrátt fyrir útganginn á honum,
en hann var bæði skítugur og lúsugur,
varð hann nokkurs konar stjarna í borginni vegna
skemmtilegrar framkomu. Þingið brást við með því
að gera Oregon að fylki í Bandaríkjunum og Meek
varð alríkislögreglumaður.
Tilkynningar um merkis-
atburði, stórafmæli, og útfarir
í smáletursdálkinn hér að
ofan má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 550 5000.
„Ég hef verið fjörutíu ár í klippingun-
um, er að fara að opna hótel með fjöru-
tíu herbergjum og svo verð ég sextug-
ur í desember,“ segir Ragnar Jón
Skúlason, rakari og hóteleigandi í
Keflavík, sem stendur heldur betur á
tímamótum um þessar mundir. Fyrir
liggur að opna Hótel Keili í Keflavík
um næstu mánaðamót og segir Ragnar
að rétt þurfi að „fíníssera“ nokkur
atriði fyrir opnunina.
„Ég átti húsið og datt allt í einu í hug
að opna hótel,“ segir Ragnar. Hann
hefur verið í húsbyggingum undanfar-
in ár samhliða rakarastarfinu og horfir
kannski meira núna til annarra starfa.
„Það eru breyttir tímar í klippingum
núna. Fólki á svæðinu er að fækka
enda var mikið gert með klippingar á
flugvellinum.“ Ragnar segir mikla
eftirspurn eftir nýju hóteli í Keflavík
og býst við að fleiri ferðamenn eigi
eftir að velja að gista þar eina nótt áður
en þeir fara í flug. Hann ætlar þó ekki
að hætta að klippa þegar hótelið opnar
heldur horfa frekar til þess að þjappa
viðskiptavinunum saman og hafa
styttri opnunartíma á klippistofunni.
„Ég ætla að vera með opið nokkra tíma
á dag og sjá hvernig þetta þróast.“
Aðspurður segir Ragnar að rakara-
starfið sé mesta ágætisstarf. „Maður
hefur aldrei fengið leið á þessu vegna
þess að maður hefur alltaf verið í skít-
verkum og byggingarvinnu samhliða
því að klippa. Flestir tolla nú ekki mjög
lengi í þessu því þetta er erfið vinna oft
á tíðum. Maður þarf að glíma við erfiða
krakka og svo eru bara stellingarnar
stundum erfiðar. Ég er fimur og fín-
gerður maður svo þetta hefur ekki
komið niður á mér, en þeir hjá læknun-
um hafa alltaf verið hissa að ég hafi
aldrei fengið í herðarnar, því ég er allt-
af með hendurnar á lofti.“
Viðskiptavinir Ragnars koma alls
staðar að af Reykjanesskaganum og
eru af öllum stærðum og gerðum. „Við
vorum sterkir í Grindvíkingum hérna
áður fyrr. Í gegn um tíðina hafa alltaf
verið margar stofur í Keflavík en þetta
hefur breyst dálítið undanfarið og stof-
urnar hafa dreifst um skagann.“ Ragn-
ar segir að mikið líf sé á stofunni þótt
það sé liðin tíð að fólk komi og spyrji
rakarann hvað sé að frétta. „Hingað
koma menn yfirleitt hressir og vilja
gantast. Kúnninn getur þó eiginlega
frekar frætt rakarann um fréttirnar
núna.“
RAGNAR JÓN SKÚLASON: FJÖRUTÍU ÁRA STARFSAFMÆLI
Alltaf með hendurnar á lofti
RAGNAR JÓN SKÚLASON HÁRSKERI Um þessar mundir heldur Ragnar upp á að fjörutíu ár eru liðin síðan hann opnaði klippistofuna sína í Keflavík. Hann
ætlar þó að draga aðeins úr klippingunum um næstu mánaðamót þegar hann opnar nýtt fjörutíu herbergja hótel, Hótel Keili. FRÉTTABLAÐIÐ/VÍKURFRÉTTIR
MERKISATBURÐIR
1627 Tyrkjaránið hefst þegar ræn-
ingjar frá Alsír koma á skipi
til Grindavíkur. Það stóð til
19. júlí.
1750 Gengið er á tind Heklu í
fyrsta sinn svo vitað sé.
Það gerðu Bjarni Pálsson,
síðar landlæknir, og Eggert
Ólafsson, vísindamaður og
skáld.
1904 Fyrsta bifreiðin kemur til
landsins með gufuskipinu
Kong Tryggve.
1970 Listahátíð í Reykjavík er sett
í fyrsta sinn. Meðal flytj-
enda á hátíðinni eru Daniel
Barenboim píanóleikari og
hljómsveitin Led Zeppelin.
1976 Vesturlandabúar eru fluttir
frá Beirút.
1980 Luciano Pavarotti syngur í
Laugardalshöllinni.
JACK KILBY (1923-2005)
LÉST ÞENNAN DAG.
„Ég veit í rauninni ekki
hvað verður úr þessu, en ég
er viss um að það verður
mikið því þetta er bæði
einfalt og öflugt.“
Vísindamaðurinn Jack Kilby fann upp
samrásir í rafeindafræði sem er
grunnþáttur í ýmsum raftækjum, sem
okkur þykja ómissandi í dag, eins og
tölvum og farsímum.
ÚTFARIR
13.00 Guðjón Helgason
verður jarðsunginn frá
Grensáskirkju.
14.00 Jóhann Helgi Stefánsson
frá Grundarkoti í Héðins-
firði, Hólavegi 31, Siglufirði,
verður jarðsunginn frá
Siglufjarðarkirkju.
15.00 Kristinn Guðmundsson,
Háaleitisbraut 39, Reykjavík,
verður jarðsunginn frá
kapellunni í Fossvogi.
AFMÆLI
Árný Erla Svein-
björnsdóttir jarð-
fræðingur er 53 ára.
Orri Vignir
Hlöðversson,
framkvæmdastjóri
Frumherja, er 42 ára.
Nanna Guð-
bergsdóttir
athafnakona er
32 ára.
ÞETTA GERÐIST: 20. JÚNÍ 1875
Ævintýramaðurinn Joe Meek allur
Á morgun, miðvikudaginn
21. júní, standa Bændasam-
tök Íslands, landbúnaðar-
ráðuneyti og Landbúnaðar-
háskóli Íslands fyrir
málþingi um notkun erfða-
tækni í landbúnaði. Horft
verður á erfðatækni frá
ýmsum hliðum. Sérstaklega
verður þó litið til þess að
kynna möguleika og tæki-
færi plöntuerfðatækni hér á
landi sem erlendis og hvað
beri að varast við slíka rækt-
un. Fyrirlesararnir eru
meðal fremstu vísindamanna
landsins og koma einnig við
sögu tveir vísindamenn frá
Bretlandi og Bandaríkjun-
um. Fyrirlestrarnir hefjast
klukkan 13 og endar mál-
þingið á fyrirspurnum og
pallborðsumræðum milli
klukkan 16 og 17. Fundar-
stjóri er Kristín Ingólfsdótt-
ir, rektor Háskóla Íslands.
Fundurinn er haldinn í
Súlnasal og má nálgast frek-
ari upplýsingar um dagskrá
þingsins á heimasíðu HÍ.
Erfðatækni í
landbúnaði
Elskuleg móðir okkar, tengdamóðir,
amma og langamma,
Ingileif Guðjónsdóttir
frá Hliði, Akranesi, seinast til heimilis
á Dvalarheimilinu Höfða,
lést á Sjúkrahúsi Akraness föstudaginn 16. júní.
Hún verður jarðsungin frá Akraneskirkju, föstudaginn
23. júní kl. 14.00.
Valdís Guðnadóttir
Oddur Gíslason
Egill Steinar Gíslason Borghildur Birgisdóttir
barnabörn og barnabarnabörn.
Elskuleg móðir mín, tengdamóðir,
amma og langamma,
Dagmar Jóhannesdóttir,
lést laugardaginn 17. júní.
Atli Viðar Jóhannesson Benna Stefanía Rósantsdóttir
Dagmar Ósk Atladóttir Halldór Walter Stefánsson
Inga Sigrún Atladóttir Eric Dossantos
Kristjana Atladóttir Pétur Marinó Fredericksson
Júlía Rós Atladóttir Hermann Sigurður Hermannsson
og barnabarnabörn.
Ástkær eiginmaður minn,
Helgi Sigurðsson
Brautarhóli, Svalbarðsströnd,
lést 18. júní. Útförin verður auglýst síðar.
Margrét Jóhannsdóttir.
Elskulegur eiginmaður minn, faðir,
tengdafaðir, bróðir og afi,
Guðjón Björn Ásmundsson
Hríseyjargötu 6, Akureyri,
lést á heimili sínu miðvikudaginn 7. júní. Jarðsungið
verður frá Glerárkirkju föstudaginn 23. júní klukkan
14.00. Jarðsett verður í Lögmannshlíð.
Ólöf Tryggvadóttir
Guðlaug Ósk Guðjónsdóttir Birgir Gunnarsson
Guðmundur Karl Guðjónsson Sigrún Guðmundsdóttir
Ásmundur Jónas Guðjónsson Helga María Stefánsdóttir
Valborg Inga Guðjónsdóttir Guðjón Páll Jóhannsson
Tryggvi Stefán Guðjónsson Auður Birgisdóttir
Erla Hrönn Ásmundsdóttir
og afabörn.