Fréttablaðið - 09.07.2006, Blaðsíða 71

SUNNUDAGUR 9. júlí 2006 31
VIÐSKIPTI Úrslitin á HM í Þýska-
landi hafi ekki verið þau hagstæð-
ustu fyrir íþróttavöruframleið-
andann Nike, sem ásamt Adidas er
markaðsráðandi fyrirtæki í þeim
bransa. Risarnir tveir eyddu
mörgum árum í að undirbúa mark-
aðsherferð sína í tengslum við HM
og er óhætt að segja að þeir hafi
farið ólíkar leiðir. Markaðsfræð-
ingar eru sammála um að Adidas
sé ótvíræður sigurvegari sam-
keppninnar, sem opinber styrktar-
aðili HM og fulltrúi margra af
athyglisverðustu liða keppninnar.
Nike eyddi gríðarlegu púðri í
markaðsetninguna á brasilísku
landsliðstreyjunni, en fyrirtækið
hefur um árabil framleitt treyjur
liðsins og greitt fyrir það himinhá-
ar upphæðir. Að þessu sinni lagði
Nike allt sitt traust á að Brasilía
yrði heimsmeistari og sá fram á
mikla tekjumöguleika í sölu lands-
liðstreyja í kjölfarið. Fyrirtækið
gerði auk þess samninga við
stærstu þjóðirnar í öllum helstu
hornum heimsins, til dæmis
Bandaríkin, S-Kóreu, Mexíkó og
Ástralíu. Þetta var gert til að
tryggja örugga treyjusölu úti um
allan heim á svæðum þar sem
fólksfjöldinn er mjög mikill.
Á sama tíma eyddi Adidas
mestum pening í hlutverk sitt sem
opinber styrkaraðili HM og sá fyr-
irtækið meðal annars um þróun
keppnisboltans í keppninni. Bolt-
inn, sem nefndur er „Liðsandinn“,
hefur fengið mikla athygli og þó
hún hafi verið neikvæð á köflum
telja markaðsfræðingar að
umræðan um boltann hafi verið
gríðarlega góð auglýsing fyrir
Adidas. Að auki veðjaði fyrirtæk-
ið á réttan hest með því að fram-
leiða treyjur fyrir Frakkland og
Þýskaland, sem bæði komust í
undanúrslit keppninnar auk þess
sem Frakkar eiga úrslitaleikinn
eftir. Þá er Adidas einnig fram-
leiðandi fyrir Spán og Argentínu,
tvö af skemmtilegustu liðum HM.
HM í Þýskalandi hefur einnig
reynst happadrjúg fyrir Puma en
það framleiðir treyjur Ítalíu, sem
spilað hefur einstaklega vel og
komið er í úrslitin, og Fílabeins-
strandarinnar, sem vakti verð-
skuldaða athygli í riðlakeppninni
og svo fór að treyjur liðsins rok-
seldust.
Portúgal er aftur á móti eina
liðið sem komst í undanúrslit
undir merkjum Nike, en liðið
þykir hafa spilað fremur leiðin-
legan fótbolta auk þess að beita
leikaraskap af miklum móð, fót-
boltaáhugamönnum til mikillar
mæðu. Afhroð Brasilíu kemur sér
þó langverst fyrir Nike en fyrir
þann samning þarf íþróttavöru-
framleiðandinn að greiða tæpan
milljarð króna á ári.
Hvað einstaka leikmenn varðar
þá er ljóst að Nike veðjaði einnig á
rangan hest þar. Leikmennirnir
sem kosta mest, Wayne Rooney og
Ronaldinho, vilja líklega gleyma
HM í Þýskalandi sem fyrst og
reyndust alls ekki góð auglýsing
fyrir Nike. Nærvera Thierry
Henry í úrslitaleiknum er þó hugg-
un harmi, en þess ber að geta að
hann mun klæðast Adidas-treyju
Frakka auk þess þetta verður í síð-
asta sinn sem Henry klæðist skóm
frá Nike, en hann hefur gert risa-
samning við Reebook. Helsta
stjarna mótsins, Zinedine Zidane,
er hins vegar klæddur Adidas frá
toppi til táar og fari svo að hann
verði valinn besti leikmaður móts-
ins mun herferð Adidas verða full-
komnuð. - vig
Heimild: Guardian og fleiri
Adidas hafði betur gegn Nike á HM
Íþróttavöruframleiðandinn Adidas hafði betur í samkeppninni við erkióvininn Nike á HM. Bæði Þýska-
land og Frakkland leika í treyjum frá Adidas en Nike tapaði miklu á að leggja allt sitt traust á Brasilíu.
VEL HEPPNUÐ HERFERÐ Stærsta herferð Adidas fyrir HM snerist um tvo stráka sem völdu
sér draumalið allra tíma, þar sem leikmenn eins og Franz Beckenbauer og Michael Platini
koma við sögu. Herferðin þykir hafa heppnast einstaklega vel.
LIÐIN SEM GÁTU EKKI NEITT Fulltrúar þjóð-
anna sem klæðast treyjum frá Nike sjást
hér stilla sér upp áður en HM hófst. Flest
liðin gátu ekkert í keppninni.
NORDICPHOTOS/AFP
SÁTTUR Herbert Heiner, stjórnarformaður
Adidas, sést hér kynna keppnisboltann á
HM, „Liðsandann,“ ásamt Franz Becken-
bauer, forseta undirbúningsnefndar HM í
Þýskalandi. NORDICPHOTOS/AFP
FÓTBOLTI Argentínumennirnir
Leandro Cufre og Maxi Rodriguez
hafa báðir verið dæmdir í leikbann
og sektaðir af FIFA fyrir þeirra
þátt í uppþotinu sem átti sér stað
eftir leik Argentínu og Þýskalands
í fjórðungsúrslitum HM.
Cufre, sem var varamaður í
leiknum, fékk fjögurra leikja bann
og 680 þúsund króna sekt fyrir að
sparka í klof Per Mertesacker,
þýska varnarmannsins. Refsing
Rodriguez var helmingi vægari en
honum var gefið að sök að hafa
veitt hnefahögg. - esá
Cufre og Rodriguez:
Fengu báðir
bann og sekt
FÓTBOLTI Wayne Rooney hefur
verið dæmdur í tveggja leikja
bann og sektaður um 340 þúsund
krónur af FIFA fyrir rauða spjald-
ið sem hann fékk í leik Englands
og Portúgals. Rooney traðkaði á
Ricardo Carvalho og var í kjölfar-
ið vikið af velli. Hann mun því
missa af leikjum Englands gegn
Andorra og Makedóníu í undan-
keppni EM 2008.
Rooney hefur haldið því fram
að hann hafi ekki ætlað sér að
traðka á Carvalho og að Portúgal-
inn hafi einfaldlega lent undir sér.
Í kjölfarið var ekkert mark skorað
í leiknum og Portúgalar unnu í
vítaspyrnukeppni. - esá
Wayne Rooney:
Tveggja leikja
bann og sekt
DÝRT BROT Wayne Rooney missir af næstu
tveimur leikjum Englands fyrir þetta brot.
NORDIC PHOTOS/AFP
FÓTBOLTI Heimsmeistarakeppnin í
knattspyrnu var formlega afhent
Suður-Afríku í Berlín í fyrradag
við formlega athöfn þó svo að ekki
sé búið að leika til þrautar í Þýska-
landi. Mikið var um dýrðir í Berlín
við þetta tilefni enda Suður-Afr-
íkumenn gríðarlega spenntir fyrir
keppninni. Mun næstu fjögur árin
mæða mikið á undirbúnings- og
skipulagsnefnd keppninnar en
keppnin, sem nú er að ljúka í
Þýskalandi, þótti heppnast afar
vel.
Lucas Radebe, fyrrverandi
landsliðsmaður Suður-Afríku, var
viss um að sínir menn yrðu klárir
í slaginn. „Við verðum tilbúin. Það
er mikilvægt að tryggja öryggi
allra þannig að öllum líði vel og ég
er handviss um að skipulagið muni
ganga upp.“
Margir heimamenn hafa þó
áhyggjur af sínu landsliði sem
tókst ekki að tryggja sér þátttöku-
rétt í Þýskalandi og hefur almennt
séð gengið illa undanfarin miss-
eri. Meðal annars tapaði liðið illa
hér á Íslandi í vináttulandsleik í
fyrra, 4-1. - esá
Mikið um dýrðir í Berlín:
Keppnin afhent
Suður-Afríku
NÝTT LÓGÓ Merki HM 2010 sem kynnt var í
fyrradag þykir einstaklega vel heppnað.
NORDIC PHOTOS/AFP