Fréttablaðið - 09.07.2006, Blaðsíða 2

2 9. júlí 2006 SUNNUDAGUR
LÖGREGLA Lögreglan á Akranesi
hafði nóg fyrir stafni aðfaranótt
laugardags. Ein líkamsárás var
kærð, brotist var inn á tveimur
stöðum, eitt fíkniefnamál kom
upp og mikið var um ölvun.
Mikið var um ölvaða unglinga
á tjaldsvæði bæjarins í tengslum
við hátíðina Írska daga sem þar
stendur yfir. Ein alvarleg líkams-
árás var tilkynnt til lögreglu en
nokkrir menn höfðu ráðist á einn
og sparkað í hann liggjandi með
þeim afleiðingum að flytja þurfti
hann með sjúkrabíl á spítala.
Meiðsl hans voru þó minni en
fyrst var talið. Árásarmennirnir
hafa ekki verið handteknir.
Ölvaður maður var handtek-
inn um nóttina grunaður um tvö
innbrot, annað í vélsmiðju og hitt
í golfskála. Hann játaði brotin
við yfirheyrslur í gær og hefur
verið sleppt úr haldi. Þá kom upp
eitt smávægilegt fíkniefnamál
og þrír voru stöðvaðir fyrir ölv-
unarakstur.
Lögreglan hafði mikinn viðbún-
að í gærkvöldi þar sem halda átti
rúmlega þúsund manna ball og
búist var við enn verra ástandi en
nóttina áður. Allt tiltækt lið var í
viðbragðsstöðu og lögreglan beindi
þeim tilmælum til foreldra að leyfa
unglingum ekki að fara eftirlits-
lausum út að skemmta sér. - sh
Lögreglan á Akranesi hefur þurft að hafa mikinn viðbúnað vegna óláta á Írskum dögum í bænum:
Líkamsárás, innbrot og ólæti unglinga
ÍRSKIR DAGAR Það var líf og fjör á Írskum dögum á Akranesi fyrir þremur árum. Svo virðist
sem ólæti ungmenna í ár ætli að skyggja á gleðina í ár. MYNDIN ER ÚR SAFNI.
LANDBÚNAÐUR Að sögn Fanneyjar
Ólafar Lárusdóttur, ráðunauts hjá
Búnaðarsambandi Suðurlands,
hefur fyrsti sláttur gengið misvel
hjá kúabændum á svæðinu, en er
sums staðar lokið. Vætutíð hefur
truflað heyskap en grasspretta
hefur verið mikil og sömu sögu er
að segja á Vesturlandi.
Þórarinn Lárusson, ráðunautur
hjá Búnaðarsambandi Austur-
lands, segir marga hafa vonast
eftir betri sprettu miðað við tíðar-
far. Á Héraði hafi minna verið um
úrkomu en annars staðar, en allur
gangur sé á því hvort bændur hafa
lokið fyrri slætti. -sgj
Mikil vætutíð truflandi:
Sláttur gengur
víða mjög hægt
STOKKHÓLMUR, AP Lögreglan í
Suður-Svíþjóð skaut á 76 ára
gamlan mann á föstudagsnótt.
Maðurinn hafði skotið handa-
hófskennt út í loftið með riffli
sínum en miðaði að lögreglu eftir
að hún mætti á staðinn, þar til
hann var skotinn í kviðinn nokkru
síðar.
Maðurinn missti ekki meðvit-
und og lauk umsátri lögreglu ekki
fyrr en fjórum tímum síðar þegar
hún kastaði táragasi inn í hús
mannsins og handtók manninn.
Maðurinn var kunnur veiði-
maður og hafði ekki komist í kast
við lögin áður. Lögreglan taldi
ástæðu skotárásarinnar vera
taugaáfall, en nágrannar sögðu
manninn hafa verið æstan vegna
byggingu nýs orkuvers í
nágrenni við hús hans.
Skotárás aldraðrar veiðiskyttu:
Skaut út í loft-
ið með riffli
LÖGREGLA Þrettán fíkniefnamál
komu upp í sameiginlegu átaki
lögreglunnar í Kópavogi og Hafn-
arfirði aðfaranótt laugardags. Í
einu málanna var lagt hald á tölu-
vert magn af maríjúana, amfet-
amíni og kókaíni, sem grunur leik-
ur á að hafi verið ætlað til sölu.
Tveir voru handteknir vegna
málsins en sleppt að loknum yfir-
heyrslum. Í hinum málunum var
um neysluskammta af kannabis-
efnum að ræða.
Lögreglan í Kópavogi og Hafn-
arfirði hefur á þremur dögum haft
afskipti af fjölda einstaklinga
vegna samtals 25 fíkniefnamála.
Langflest þeirra eru minniháttar
neyslumál. - sh
Átak í Kópavogi og Hafnarfirði:
13 fíkniefna-
mál í fyrrinótt
SLYS Ástand annarrar stúlkunnar
sem flutt var á sjúkrahús eftir bíl-
slysið við Varmahlíð um síðustu
helgi er stöðugt að sögn sérfræð-
ings á gjörgæsludeild Landspítal-
ans í Fossvogi og er henni enn
haldið sofandi í öndunarvél. Ein
stúlka lést í slysinu og önnur var
útskrifuð af gjörgæsludeild á
fimmtudag.
Ungi maðurinn sem missti
stjórn á vélhjóli sínu á Kirkju-
braut á Akranesi á mánudag er
kominn úr öndunarvél en er enn á
gjörgæsludeild. - sh
Fórnarlömb umferðarslysa:
Ástand stúlk-
unnar stöðugt
SLYS Tveir ökumenn í Shellsport
rallaksturskeppninni hrygg-
brotnuðu í gær á lokaðri sérleið í
Mælifellsdal í Skagafirði. Aðstoð-
arökumenn beggja meiddust
einnig.
Annar ökumaðurinn slasaðist
þegar hann missti stjórn á bíl
sínum og ók út af veginum um
fjörutíu kílómetra frá aðalvegin-
um. Að sögn vaktstjóra lögregl-
unnar á Sauðárkróki voru aðstæð-
ur ekki góðar, mikil bleyta og
drulla var á brautinni sem senni-
lega varð þess valdandi að mað-
urinn missti stjórn á bílnum.
Hinn ökumaðurinn var í miðj-
um dalnum og slasaðist þegar bíll
hans fór yfir eina hæðina á braut-
inni á of mikilli ferð, tók flugið
yfir hana og lenti harkalega á
framendanum.
Allir fjórir mennirnir voru
fluttir á sjúkrahúsið á Sauðár-
króki til skoðunar. Að sögn vakt-
hafandi læknis kom í ljós við
skoðunina að hryggir beggja
höfðu brotnað og því var ákveðið
að senda þá með sjúkraflugi til
Reykjavíkur. Aðstoðarökumenn-
irnir tognuðu báðir á hálsi en
sluppu án alvarlegra meiðsla.
Báðir mennirnir óku
Mitsubishi Lancer bifreiðum sem
skemmdust töluvert. - sh
Tveir rallökumenn og aðstoðarmenn þeirra slösuðust við rallakstur í Skagafirði:
Tveir hryggbrotnuðu í rallslysi
Á FLUGI Annar ökumaðurinn slasaðist þegar hann fór of geyst yfir eina hæðina á brautinni
þannig að bíllinn tókst á loft og skall harkalega til jarðar. Myndin er úr safni og tengist ekki
slysinu.
HEYSKAPUR Bændur á Suðurlandi notuðu
þurrkinn í gær til þess að snúa heyi á
túnum sínum.
SPURNING DAGSINS
Ólafur, er írafár á Akranesi?
„Nei, ég held að það sé ekkert meira
en vanalega.“
Ólæti, ofbeldi og ölvun settu svip sinn á
Írska daga á Akranesi í fyrrinótt. Ólafur Þór
Hauksson er sýslumaður á Akranesi.
VARNARMÁL Þriðji fundur Íslend-
inga og Bandaríkjamanna um
varnarsamstarf ríkjanna fór
fram í Þjóðmenningarhúsinu í
fyrradag. Meðal þess sem rætt
var á fundinum var hvernig vörn-
um landsins verður háttað eftir
að varnarliðið fer og hvernig
farið verður með mannvirki
Bandaríkjamanna og Atlants-
hafsbandalagsins á varnarsvæð-
inu.
Að sögn fundarmanna gengu
viðræðurnar vel og þurfti ekki að
kalla til fundar á ný í gær eins og
jafnvel var búist við. Fyrir
íslensku samninganefndinni fór
Albert Jónsson, verðandi sendi-
herra í Washington, en fyrir hinni
bandarísku fór Thomas Hall, einn
aðstoðarvarnarmálaráðherra
Bandaríkjanna, sem sinnti áður
störfum yfirmanns herstöðvar-
innar í Keflavík.
Ekki náðist í Geir H. Haarde
forsætisráðherra vegna málsins,
en í samtali við fjölmiðla í gær
sagðist hann ánægður með fund-
inn og að fullur vilji væri af
beggja hálfu til að ná viðunandi
niðurstöðu. Hann vildi ekki fara
út í hvað hafi verið rætt á fundin-
um en sagði næsta fund vera
áætlaðan í
lok ágúst.
Ögmund-
ur Jónasson,
þingflokks-
formaður
vinstri
grænna segir
að stjórn-
völd hefðu
betur farið
að þeim til-
lögum sem
vinstri grænir hafi sett fram
fyrir nokkrum árum. „Við sögð-
um þá, og höfum árlega ítrekað,
að hefja ætti viðræður um
nákvæmlega þá þætti sem nú eru
á borðinu og snúa að réttindum
Íslendinga og viðskilnaði Banda-
ríkjamanna sem var fyrirsjáan-
legur fyrir löngu,“ segir hann.
„Nú er þetta allt óljóst og ófrá-
gengið og það eina sem við fáum
að heyra er nánast í véfrétta-
stíl.“
Eitt þeirra mála sem væntan-
lega hafa verið rædd á fundinum
eru örlög slökkviliðsbíla varnar-
liðsins, en þeir hafa oft verið not-
aðir til að slökkva elda utan stöðv-
arinnar. Mikill missir yrði að
þeim ef ekki verður samið um að
Bandaríkjamenn gefi eða selji þá
Íslendingum þar sem þeir eru
mikilvægur hluti af slökkvistarfi
á Suðurnesjum.
„Svona bílar eru ekkert hristir
fram úr erminni,“ segir Stefán
Björnsson, aðstoðarslökkvistjóri
á Keflavíkurflugvelli. „Það getur
tekið um það bil ár eða meira að
fá svona bíla, þetta er sérsmíðað
eftir pöntunum. Frá mínum bæj-
ardyrum séð er þessi flugvöllur
ekki starfhæfur ef bílarnir
hverfa héðan, það er ekki flókn-
ara en það.“
salvar@frettabladid.is
Maraþonfundur um
varnarmál Íslands
Fundað var um varnarmál Íslendinga í Þjóðmenningarhúsinu í fyrradag. For-
sætisráðherra segist ánægður með fundinn en gefur ekkert upp um efni hans.
Vinstri grænir segja að umræður um viðskilnað hefðu átt að hefjast mun fyrr.
GEIR H. HAARDE
FORSÆTISRÁÐHERRA
FJÖLMENNT Á VARNARMÁLAFUNDI Í ÞJÓÐMENNINGARHÚSI Geir H. Haarde forsætis-
ráðherra segist ánægður með fundinn, en ekki hafi verið lagt upp með að ná neinum
sérstökum niðurstöðum.
FERÐALÖG Ágætt veður hefur verið
á landinu um helgina og hefur ann-
ríki á ferðamannastöðum verið
eftir því. Í Landmannalaugum var
fullt í skálum og töluvert af gest-
um á tjaldstæðinu enda ágætis-
veður. Soffía Sigurðardóttir skála-
vörður segir að einnig hafi verið
troðið í svefnpokaplássunum enda
sé nú búið að opna leiðina yfir
Sprengisand.
Í Básum voru um 250 gestir á
tjaldsvæðinu og þar af margir í
skipulögðum gönguhópum. Ágústa
Ragnarsdóttir skálavörður segir
að fjöldinn sé þó heldur minni en
undanfarið enda sé svo mikið í
boði fyrir ferðamenn á öðrum
stöðum, auk þess sem gestir þurfi
að keyra yfir árnar.
Þorsteinn Sigurðsson á Húsa-
felli segir að um þrjúhundruð
manns hafi verið á svæðinu um
helgina enda veðrið verið ágætt.
Víðast ágæt ferðahelgi:
Fjöldi fólks var
á tjaldstæðum
ÁLVER Þyngsta eining sem komið
hefur til landsins verður hífð á land
við Mjóeyrarhöfn á Reyðarfirði í
dag.
Um er að ræða hafnarkrana
álversins á Reyðarfirði sem vegur
650 tonn og er 50 metrar á hæð.
Skipið Happy River lagði að
bryggju á fimmtudagsmorgunn
með kranann en tvo daga hefur
tekið að losa festingar kranans að
sögn Garðars Jóhannssonar, fram-
kvæmdastjóra Nesskipa sem er
umboðsaðili skipafélagsins Big
Lift. „Kraninn er uppi á dekki og
það eru yfir 100 metrar af suðu
sem þarf að brenna í burtu og fjar-
lægja stór og sver járnstykki áður
en hægt er að færa hann.“ - sdg
Hafnarkrani á Reyðarfirði:
650 tonn hífð í
land í dag
KRANINN UM BORÐ Í HAPPY RIVER Kraninn
verður staðsettur við Mjóeyrarhöfn og mun
losa skip sem flytja súrál.
FRÉTTABLAÐIÐ/HELGI GARÐARSSON