Fréttablaðið - 09.07.2006, Side 73

SUNNUDAGUR 9. júlí 2006 33
FÓTBOLTI Það mun koma í hlut
miðjumannsins og baráttujaxlsins
Gennaro Gattuso hjá AC Milan að
stöðva fyrirliða og leikstjórnanda
Frakka, Zinedine Zidane, í úrslita-
leiknum í kvöld. Zidane hefur
leikið frábærlega á síðari stigum
keppninnar og fundu leikmenn
Spánar, Brasilíu og Portúgals
engin ráð til að stöðva hinn 34 ára
gamla snilling.
Marco Materazzi, varnarmaður
ítalska liðsins, var spurður að því
á blaðamannafundi í gær hvernig
leikmenn hygðust stöðva Zidane.
„Hann verður ekki vandamál,“
sagði Materazzi umbúðalaust og
bætti við: „Við höfum Gattuso.
Hann stöðvar Zidane. Sjáið þið
bara til.“
Gattuso gat ekki annað en
brosað þegar hann var spurður út í
þessi ummæli Materazzi. „Já,
hann kann að setja pressu á sam-
herja sína,“ sagði Gattuso og hló.
Spurður um hvort hann myndi
skipta á hæfileikum sínum við
hæfileika Zidane sagði Gattuso
svo ekki vera, hann sætti sig við
þá hæfileika sem guð gaf honum.
„Hann hefur ótrúlega tækni en
það er sitthvað sem ég held að ég
hafi fram yfir hann. Zidane hefur
spilað mikið á HM og er orðinn
nokkuð gamall. Kannski verður
hann þreyttur,“ sagði Gattuso.
Marcello Lippi, þjálfari Ítala,
hefur mikið álit á Zidane og segir
lykilatriði að stöðva hann, ætli
Ítalía sér sigur. „Hann er í sínu
besta formi og þess vegna hefur
franska liðið náð svona langt.
Zidane er stórkostlegur, líklega
besti leikmaður sem uppi hefur
verið síðustu tuttugu árin,“ segir
Lippi. - vig
Ítalir telja það vera lykilatriði að stöðva Zinedine Zidane í leiknum í kvöld:
Gattuso á að taka Zidane úr umferð
GENNARO GATTUSO Fær það verðuga verk-
efni að stöðva Zinedine Zidane í leiknum í
kvöld. Gattuso segist klár í verkefnið.
NORDICPHOTOS/AFP
FÓTBOLTI Raymond Domenech,
þjálfari franska landsliðsins, segir
að elstu leikmennirnir í franska
liðinu verði tilbúnir í slaginn gegn
Ítölum í kvöld og búnir að hrista
úr sér þreytuna eftir undan-
úrslitaleikinn gegn Portúgal á
miðvikudaginn. Domenech var
gagnrýndur harkalega fyrir að
velja marga leikmenn komna yfir
þrítugt á HM en það eru fyrst og
fremst þeir sem hafa komið franska
liðinu alla leið í úrslitin.
„Fyrir mér, þá eru þetta ekki
gamlir leikmenn. Þótt þeir séu
þrjátíu eða 35 ára æfa þeir jafn
mikið og aðrir. Í úrslitaleik HM
yfirvinnur trú alla þreytu,“ segir
Domenech. „Luis Figo er á sama
aldri og Zidane. Hann var mjög
góður gegn okkur í síðustu viku.
Ég er ekki sá eini sem velur gamla
leikmenn.“
Domenech bað franska fjöl-
miðla að endingu að hafa engar
áhyggjur af líkamlegu standi leik-
manna sinna. „Á sex mánuðum er
hægt að búast við því að leikmenn
á þessum aldri muni eiga við
vandamál að stríða en ekki þegar
leiknir eru sjö leikir á einum
mánuði. Það er fullkomlega
eðlilegt að vera þreyttur eftir
undanúrslitaleik. Við verðum
búnir að ná okkur í tæka tíð.“ - vig
Raymond Domenech:
Þeir gömlu
verða tilbúnir
RAYMOND DOMENECH Segir ítölsku
leikmennina ekki vera í betra formi en
lærisveinar sínir. NORDICPHOTOS/AFP
FÓTBOLTI Hvorki franska né ítalska
liðið fengu að æfa á Ólympíu-
leikvanginum í Berlín í gær þar
sem völlurinn þykir vera orðinn
ansi tæpur eftir miklar rigningar í
höfuðborginni undanfarna daga.
Að sögn Andreas Herren,
talsmanns FIFA, verður allt gert
til að hafa grasið á vellinum í sem
bestu ásigkomulagi þegar leikur-
inn hefst, en líkur voru taldar á
því að grasið myndi skemmast
töluvert ef liðin fengju að æfa á
því. „Það er rigningin sem neyðir
okkur til að taka þessa ákvörðun,“
sagði Herren. - vig
Liðin í úrslitunum:
Fá ekki að æfa
á vellinum
ALLT KLÁRT Ólympíuleikvangurinn í Berlín
er stórkostlegt mannvirki eins og sést vel
á þessari mynd. Efst á myndinni má sjá
fjölmörg hvít tjöld en þar hafa fjölmiðlar
sína aðstöðu. 72 þúsund manns verða á
vellinum í kvöld en að sjálfsögðu er löngu
uppselt á leikinn.
NORDICPHOTOS/AFP
FÓTBOLTI Marcello Lippi, þjálfari
Ítala, segir að það lið sem sé
hungraðra í Heimsmeistaratitilinn
muni bera sigur úr býtum í leiknum
í kvöld. Lippi segir að þegar í
úrslitaleik HM sé komið skipti
taktík og gæði einstakra leik-
manna minna máli, það sé fyrst og
fremst hugarfarið sem verði að
vera í lagi.
„Ég fer fram á að leikmenn
mínir gefi allt sem þeir eigi,“ sagði
Lippi við fréttamenn í gær. Sá grá-
hærði er staðráðinn í að ná fram
sigri og tók það skýrt fram að tap
væri óásættanlegt. „Hversu oft
fær maður tækifæri til að verða
heimsmeistari? Við verðum að
vera öskufúlir út í sjálfa okkur ef
við töpum,“ sagði Lippi. - vig
Marcello Lippi:
Hungrið ræður