Fréttablaðið - 13.07.2006, Qupperneq 26

13. júlí 2006 FIMMTUDAGUR26
hagur heimilanna
Kolbrún Björnsdóttir er snögg að svara þegar blaða-
maður slær á þráðinn og spyr hver séu bestu og
verstu kaupin hennar.
„Mín verstu kaup eru „rosalega smart“ brons-
litaðir Stellu McCartney íþróttaskór sem ég keypti
á útsölu núna í janúar og taldi mig vera að gera
gífurlega góð kaup.“ Kolbrún segir að skórnir, sem
séu mjög pæjulegir, hafi verið hugsaðir í ræktina
en þegar málið var ígrundað nánar voru þeir heldur
áberandi fyrir hennar smekk. „Þetta eru ábyggi-
lega mjög góðir skór en ég vil ekki alveg vekja
svona mikla athygli í ræktinni,“ segir Kolbrún
hlæjandi.
Spurð um bestu kaupin nefnir Kolbrún
tvennt sem standi upp úr. „Í fyrsta lagi eru
bestu svona jarðbundnu kaupin íbúðin
sem við Árni keyptum í lok árs 2004. Við
náðum að kaupa á réttum tíma áður en
markaðurinn fór á enn meira flug og ég
efast um að við hefðum efni á að kaupa
hana í dag miðað við það verð sem eru í gangi.“
Kolbrún nefnir einnig önnur, ekki jafn jarðbundin,
kaup og segir þau dæmi um hreina og klára neyslu.
„Ég er ótrúlega ánægð með að hafa náð miðum á
Madonnu-tónleika í sumar á tíu þúsund krónur. Ég
hef frétt af fólki sem borgaði 50 þúsund fyrir svipaða
miða en þetta var afrakstur góðrar netleitar. Og ekk-
ert plat þar sem ég er nú þegar búin að fá miðana
senda til mín.“
Kolbrún vinnur sem dagskrárgerðarkona í
Síðdegisútvarpinu á Rás tvö sem er fréttatengdur
útvarpsþáttur en hún var áður á fréttadeild Rík-
isútvarpsins meðfram námi. „Ég er búin að vera
í þessu frá því ég kláraði skólann í vor,“ segir
Kolbrún sem er á seinustu metrunum í stjórn-
málafræði í Háskóla Íslands. „Ég verð í þessu
út ágúst og fer svo aftur í skólann að klára
námið. Það verður ekkert sumarfrí frekar
en í fyrra en ég hef nú að minnsta kosti
Madonnu-tónleikana til að hlakka til.“
NEYTANDINN: KOLBRÚN BJÖRNSDÓTTIR DAGSKRÁRGERÐARKONA
Bronslitaðir íþróttaskór fulláberandi
Ég lifi á grillmat á sumrin og þráðlaus
kjöthitamælir getur sparað mikið vesen.
Maður stingur mælinum í það sem
maður er að grilla úti
og stillir á ákveðið hita-
stig. Á sumum mælum
er meira að segja hægt
að stilla eftir hvaða
kjöttegund maður er
að grilla. Maður situr
svo bara inni hjá sér
og drekkur bjór eða vín og hefur lítið
þráðlaust tæki inni hjá sér. Þegar þrjár
til fjórar gráður vantar upp á til að kjötið
nái réttu hitastigi pípir tækið. Þannig
getur maður komist hjá því að van- eða
ofelda kjötið.
GÓÐ HÚSRÁÐ
ÞRÁÐLAUS HITAMÆLIR
■ Sigurður Flosason er mikill grill-
meistari og notar þráðlausan hitamæli
til að losna við að hanga yfir kjötinu.
Flestar raftækjabúðir
eru hættar að selja gömlu
lampasjónvörpin, en notk-
un þeirra hefur tíðkast
allt frá upphafi almennrar
sjónvarpstækjaeignar. Þó
nú séu nær einungis seld
LCD- og plasmatæki þýðir
það ekki að þau henti betur
til sjónvarpsáhorfs nú til
dags, því stafræna öldin er
enn ekki runnin upp.
Þegar kaupa á sjónvarpstæki þarf
að huga að ýmsu. Sérfræðingar
segja enn vera um tvö ár þar til
sjálfsagt verði að kaupa sér LCD-
eða plasmatæki, því lampatækin
gömlu séu jafnvel betur í stakk
búin til að sýna gömlu loftnetsút-
sendingarnar en þau sem nýrri
eru. Einnig eru þau talsvert ódýr-
ari á þeim stöðum þar sem
þau eru fáanleg og talið
er að nýju gerðirnar
muni lækka talsvert í
verði næstu ár.
Fáir þekkja hver
munurinn er á LCD-
og plasmasjónvörp-
um. Þumalfingur-
reglan er sú að
plasmasjónvarp er
betra að kaupa ef
maður vill stórt
sjónvarpstæki, 42
tommur og upp
úr, en LCD eru
betri af minni
gerðinni. Þróunin
er þó sú að minna og
minna skilur þessar tvær
tegundir að. Þar sem
flestar verslanir hafa
hætt innflutningi á
lampatækjum ber að
varast nokkur atriði
við kaup á LCD- eða
plasmasjónvarpi.
Mikilvægt er
að tækið sé
háskerpusjón-
varp og með
nógu góða upp-
lausn. Besta
leiðin til að
skoða gæði
myndarinnar er
einfaldlega að
horfa á sjónvarpið, þar
sem mismunandi fyrir-
tæki nota mismunandi
staðla yfir birtu, svar-
tíma og fleira. Léleg
tæki geta haft háar tölur
yfir myndgæði, en betri
tæki hafa lægri tölur.
Annað sem hafa ber
í huga er að tækið sé
endingargott og stand-
ist þær kröfur sem
gerðar verða eftir nokkur ár þegar
háskerpusjónvarpsútsendingar
munu ryðja sér til rúms. Þá verður
að vera öruggt að tækið hafi stimp-
ilinn „HD ready“. Sá stimpill gefur
til kynna að tækið sé tilbúið fyrir
háskerpuútsendingar. Varast ber
stimpla sem gefa annað í skyn, til
dæmis „HD compatible“.
Háskerpusjónvarp verður
einnig notað á næstu kynslóð
mynddiska, HD-diska og Blu-Ray.
Því verður að skoða vel hvort sjón-
varpstækið sé samhæfanlegt
næsta tækniskrefi, eða hvort
maður neyðist til að kaupa sér nýtt
innan fárra ára.
steindor@frettabladid.is
Lampasjónvörp duga enn
Þrátt fyrir vaxandi vinsældir innanlandsflugs fara rútur enn með
farþega í stærstu byggðarlög landsins. Þó að flugvélin sé fljót-
ari að komast á leiðarenda og í mörgum tilfellum ódýrari
farkostur þá eru samt margar ástæður fyrir að taka
rútuna. Rútuferð milli Reykjavíkur og Akureyrar kostar
6.600 krónur hvora leið fyrir fullorðinn, en 4-11 ára
börn greiða helmingi minna. Ferð á Egilsstaði
kostar 11.100 krónur fyrir fullorðinn og 5.550
krónur fyrir barn. Rútuferðir eru einnig til
helstu ferðamannastaðanna, en að fara með
rútu að Gullfossi kostar 2.200 krónur fyrir
fullorðinn og 1.100 krónur fyrir barn.
■ Hvað kostar... í rútu
Helmingsafsláttur fyrir börn 4-11 ára
MATUR OG NÆRING ÁGÚST ÓSKAR SIGURÐSSON MATVÆLAFRÆÐINGUR
Þróun á drykkjarvörumarkaðinum
Ekki hefur farið framhjá mörgum að
vaxandi fjöldi fólks er farinn að huga
betur að eigin heilsu og mataræði. Á
drykkjarvörumarkaðnum hefur þessi
þróun lýst sér á þann veg að neyslan er
að færast frá sykruðum drykkjum í átt
að orkusnauðari drykkjum, sykur-
skertum eða sykurlausum. Einnig hefur
ásókn í vítamínbætta drykki aukist.
Á íslenskum matvörumarkaði má finna
mikinn fjölda mismunandi svaladrykkja
auk hreinna safa. Í matvöruverslunum
er safnað upplýsingum um sölu þess-
ara drykkja sem og annarra matvara.
Samkvæmt þeim upplýsingum hefur
sala þessara drykkja þróast á eftirfar-
andi hátt á síðustu árum.
Árið 2005 má segja að ákveðin
vatnaskil hafi orðið á þessum markaði
þegar sykraðir drykkir fóru niður fyrir
50 prósenta markaðshlutdeild. Athygli
vekur hve sala á kolsýrðu vatni og
vatnsdrykkjum með vítamínum hefur
aukist mikið síðastliðin þrjú ár.
Nemur hlutdeild þessara
drykkja nú þriðjungi af
drykkjarvörumarkaðn-
um og fer vaxandi.
Drykkjarvöruframleið-
endur hafa leitast við
að verða við eftirspurn
eftir þessum drykkjum,
meðal annars með því
að þróa vítamínbætta
drykki. Þá er sérstaklega
haft að leiðarljósi að bæta
í drykkina vítamínum sem
eru af skornum skammti í
fæði Íslendinga, samkvæmt
neyslukönnunum.
Fram að þessu hafa engar
reglur verið til um vítamínbætingu
á Íslandi en nýverið setti umhverfis-
ráðherra reglugerð sem bannar alla
vítamínbætingu matvæla nema
með leyfi Umhverfisstofnunar.
Einnig eru í reglugerðinni ákvæði
um að sækja þurfi um leyfi fyrir
allar vítamínbættar vörur sem
þegar eru hér á markaði. Engar
samræmdar reglur gilda um
þessi mál í Evrópu, sem gerir
vöruflæði milli landa flókið, en
gert er ráð fyrir að Evrópu-
sambandið setji samræmdar
reglur um vítamínbætingu
fyrir lok þessa árs. Mjög brýnt
er orðið fyrir alla sem að
þessum málum koma að
settar séu um þau skýrar
reglur bæði framleiðendum
og neytendum til hagsbóta.
www.mni.is
Ný 10-11 verslun var opnuð í komusal Flug-
stöðvar Leifs Eiríkssonar fimmtudaginn 6. júlí.
Verslunin er svipuð öðrum 10-11 verslunum
en þó nokkuð minni. Hún verður opin allan
sólarhringinn og er áttunda 10-11 verslunin
sem hefur þann opnunartíma. Þessi nýbreytni
ætti að auka þjónustu við þá sem eiga leið
um flugstöðina, en fyrir er fjöldi verslana í
komusalnum. Kaffibar er í versluninni og gefst
gestum kostur á að gæða sér á kaffi og öðrum
veitingum á meðan beðið er eftir flugi.
■ Verslun og þjónusta
10-11 verslun opnuð í komusal Leifsstöðvar
10-11 LEIFSSTÖÐ
BÍÓMIÐI Á VENJULEGA SÝNINGU
LAMPASJÓNVARP Gömlu sjónvarpstækin duga enn í nokkur
ár, en verða þó úrelt þegar háskerpusjónvarp kemst í almenna
notkun. FRÉTTABLAÐIÐ/PJETUR
55
0
70
0
40
0
1990 1995 2000
Á þriðjudaginn var tekin fyrsta skóflustunga að nýju þjónustu- og íbúðahúsi á Egils-
stöðum. Húsið rís á svokölluðum ráðhússreit en í því verða 24 íbúðir fyrir aldraða.
Á jarðhæð verður svo 900 fermetra verslunarrými. Þá verður í húsinu félagsaðstaða
fyrir aldraða í bænum. Í húsinu verður einnig 1100 fermetra bílageymsla.
Það er byggingafélagið Rendita sem byggir húsið og er áætlað að það verði til-
búið í desember 2007. Er þetta eitt af fyrstu húsunum sem reist er samkvæmt nýju
miðbæjarskipulagi á Egilsstöðum. Soffía Lárusdóttir, forseti bæjarstjórnar, tók fyrstu
skóflustunguna.
■ Nýtt þjónustu- og íbúðarhús fyrir eldri borgara
23
29
/
T
ak
tik
n
r.4
Akureyri • Egilsstöðum • Hafnarfirði • Höfn • Keflavík • Kópavogi •Reykjavík •Selfossi
GÆÐA
PÚSTKERFI