Fréttablaðið - 20.07.2006, Side 24

20. júlí 2006 FIMMTUDAGUR24
hagur heimilanna
MATUR OG NÆRING ÁGÚST ÓSKAR SIGURÐSSON MATVÆLAFRÆÐINGUR
Þróun á drykkjarvörumarkaðnum
Að fara með fjölskylduna í sund getur kostað sitt, en aðgangseyririnn er mismunandi
eftir því hvar sundlaugin er. Allar sundlaugar í Reykjavík eru með eitt verð, 280 krón-
ur fyrir fullorðna og 120 krónur fyrir börn sex til sextán ára. Í Sundlaug
Kópavogs kostar það sama, en þar borga börnin barnagjald til
átján ára aldurs. Úti á landi virðist örlítið dýrara að synda,
í Sundlaug Akureyrar borgar fullorðinn 310
krónur fyrir aðgangsmiðann en barn 150
krónur, og í Sundlaug Eskifjarðar kostar 300
krónur fyrir fullorðinn en 150 krónur fyrir barn.
Einna ódýrast er í Sundlaug Garðabæjar, en þar borga
fullorðnir ekki nema 200 krónur og börn 100 krónur.
■ Hvað kostar... í sund?
Misjafn aðgangseyrir eftir bæjarfélögum
Satt best að segja luma ég á nokkrum
húsráðum og það elsta er sennilega það
að setja brauð í
púðursykurinn til
að mýkja hann en
þetta er húsráð
sem ég hef notað
síðan ég hóf
búskap. Annað
húsráð er að nota
tannkrem sem
gerir tennurnar
hvítari til að gera kaffibollana hvíta aftur,
en þeir litast oft með tímanum af te og
kaffi. Ef þetta ráð dugar ekki er gott ráð
að setja ræstiduft í bollana og setja þá
síðan í uppþvottavélina.
GÓÐ HÚSRÁÐ
TANNKREM Í KAFFIBOLLA
■ Ásta Ragnheiður Jóhannesdóttir
alþingismaður segir tannkrem gera
kaffibollana hvíta að nýju.„Ég held að það hljóti að vera iPodinn minn,“ segir
Sævar Þór Gíslason knattspyrnumaður spurður
um bestu kaup sem hann hefur gert á ævinni.
„Þetta er svona lítill iPod Nano sem ég
keypti úti í Bandaríkjunum í desember, ég
nota hann mjög mikið þegar ég er úti að
hlaupa. Áður en ég keypti hann hlustaði
ég ekki á neitt meðan ég var að hlaupa,
það liggur við að það sé orðið gaman
núna,“ segir hann og hlær.
Verstu kaupin segir hann vera bláa
silkiskyrtu sem hann fann á Indlandi.
„Ég var á ferð með landsliðinu og
ákvað að fjárfesta í einni svona
skyrtu því þetta þótti voða flott
þarna úti. Ég hef ekki klæðst
henni einu sinni síðan ég kom
heim. Þetta var skyrta úr ekta
silki, ekkert rosalega dýr. Keypti
hana í silkiverslun sem við rákumst á á röltinu.
Hún þótti ekki mjög flott þegar heim var komið, og
hefur verið inni í fataskáp síðan.“
Hann nefnir líka sófasettið sitt sem ein
bestu kaup sem hann hefur gert. „Ég keypti
það fyrir fjórum árum á ekkert sérstaklega
mikinn pening. Þetta er hins vegar þægilegasti
sófi sem ég hef nokkurn tímann setið í. Maður
slakar alveg fullkomlega á í honum og það er
erfitt að standa upp. Ég á vini mínum
Finni Kolbeins mikið að þakka
fyrir hann, en hann benti mér á
sófann.”
Sævar spilar með meist-
araflokki Fylkis í knattspyrnu.
Hann segist ekki þurfa að
borga fyrir fótboltaskóna,
annars hefði hann líklega
nefnt þá sem bestu kaup.
NEYTANDINN: SÆVAR ÞÓR GÍSLASON
Tónlistin gerir skokkið skemmtilegra
Verð á Nicotinell nikótíntyggjói hækkaði um 25 prósent hinn 1. júlí síðastliðinn. Að
sögn Arnmunds Jónassonar, sölu- og markaðsstjóra hjá Icepharma sem flytur vöruna
inn, er um síðbúna hækkun að ræða vegna gengis krónunnar. Reynt hafi verið að
halda verðinu óbreyttu sem lengst en með versnandi gengi íslensku krónunnar
gagnvart hinni dönsku hafi fyrirtækið ekki séð sér annað fært en að hækka verðið.
Arnmundur segir sambærilegar vörur á markaðnum hafa hækkað svipað mikið
undanfarið, sú hækkun hafi farið fram jafnt og þétt en ekki í einu stökki. Í Lyfju
kostar 24 stykkja pakki af Nicotinell-nikótíntyggjói 715 krónur. 84 stykkja pakkinn er
á 2.428 krónur og 204 stykkja pakki kostar 5.056 krónur.
■ Verslun og þjónusta
Verð á nikótíntyggjói hækkar
Ekki hefur farið framhjá mörgum að
sífellt fleiri eru farnir að huga betur að
eigin heilsu og mataræði. Á drykkjar-
vörumarkaðnum hefur þessi þróun
lýst sér á þann veg að neyslan er að
færast frá sykruðum drykkjum í átt að
orkusnauðari drykkjum, sykurskertum
eða sykurlausum. Einnig hefur ásókn í
vítamínbætta drykki aukist.
Á íslenskum matvörumarkaði má finna
mikinn fjölda mismunandi svaladrykkja
auk hreinna safa. Þessa drykki má í
grófum dráttum flokka í:
1. Sykraða gos- og svaladrykki.
2. Sykurskerta og sykurlausa drykki
3. Vatnsdrykki, stundum bætta vítamín-
um eða steinefnum.
Í matvöruverslunum er safnað upplýs-
ingum um sölu þessara drykkja sem
og annarra matvara. Samkvæmt þeim
upplýsingum hefur sala þessara drykkja
þróast á eftirfarandi hátt á síðustu árum.
Þannig hefur sala á sykruðum drykkjum
minnkað um rúm tuttugu prósent en
sala sykurlausra og sykurskertra drykkja
aukist um tæp sjö prósent og sala
vatnsdrykkja um fjórtán prósent á þessu
þriggja ára tímabili. Árið 2005 má segja
að ákveðin vatnaskil hafi orðið á þess-
um markaði þegar sykraðir drykkir fóru
niður fyrir fimmtíu prósenta markaðs-
hlutdeild. Athygli vekur hve mikið sala
á kolsýrðu vatni og vatnsdrykkjum með
vítamínum hefur aukist síðastliðin þrjú
ár. Nemur hlutdeild þessara drykkja nú
þriðjungi af drykkjarvörumarkaðnum og
fer vaxandi.
Drykkjarvöruframleiðendur hafa leitast
við að verða við eftirspurn eftir þessum
drykkjum, meðal annars með því að
þróa vítamínbætta drykki. Þá er sérstak-
lega haft að leiðarljósi að bæta í drykk-
ina vítamínum sem eru af skornum
skammti í fæði Íslendinga, samkvæmt
neyslukönnunum.
Fram að þessu hafa engar reglur
verið til um vítamínbætingu á Íslandi
en nýverið setti umhverfisráðherra
reglugerð sem bannar alla vítamín-
bætingu matvæla nema með leyfi
Umhverfisstofnunar. Samkvæmt henni
þarf að sækja um leyfi í hvert sinn sem
áformað er að setja á markað vítamín-
bætta vöru. Einnig eru í reglugerðinni
ákvæði um að sækja þurfi um leyfi fyrir
allar vítamínbættar vörur sem þegar
eru hér á markaði. Engar samræmdar
reglur gilda um þessi mál í Evrópu, sem
gerir vöruflæði milli landa flókið, en gert
er ráð fyrir að Evrópusambandið setji
samræmdar reglur um vítamínbætingu
fyrir lok þessa árs. Mjög brýnt er orðið
fyrir alla sem að þessum málum koma
að settar séu um þau skýrar reglur
bæði framleiðendum og neytendum til
hagsbóta. www.mni.is
Greinin er endurbirt vegna tæknilegra
mistaka sem voru gerð við vinnslu hennar
í síðustu viku.
Ár Hlutfall Hlutfall Hlutfall Alls
sykraðra sykurskertra vatnsdrykkja,
eða sykurlausra með eða án vítamína
2004 59,3 23,1 17,6 100
2005 48,7 27,2 24,1 100
2006 38,6 29,9 31,5 100
Ekki þarf undirskrift net-
notanda til að færa hann á
milli fyrirtækja en borið
hefur á að viðskiptavinir séu
færðir án samþykkis þeirra.
Skoðað er hvort skerpa þurfi
á reglum, segir forstöðu-
maður eftirlitsdeildar Póst-
og fjarskiptastofnunar.
Nokkuð hefur borið á kvörtunum
frá notendum netþjónustu yfir því
að vera færðir að þeim forspurðum
á milli fyrirtækja á fjarskipta-
markaði, sem eru Síminn, Og Voda-
fone og Hive. Slíkt hefur gerst með
þeim hætti að notandi fær símtal
frá fyrirtæki sem býður þjónustu
sína og í kjölfarið er notandinn
færður yfir til viðkomandi fyrir-
tækis jafnvel þótt hann hafi ekki
viljað skipta um fyrirtæki. Öll
fyrirtækin þrjú staðfesta að not-
andi hjá þeim hafi verið færður
yfir til annars fyrirtækis.
Samkvæmt reglum Póst- og
fjarskiptastofnunar þarf ekki undir-
skrift notanda til að færa hann á
milli fyrirtækja heldur er nóg að
fyrirtækið sjálft óski eftir því. Það
er á ábyrgð fyrirtækisins að sam-
þykki notanda liggi fyrir, að sögn
Sigurjóns Ingvarssonar, forstöðu-
manns eftirlitsdeildar Póst- og fjar-
skiptastofnunar. „Ef neytandi er
færður milli fyrirtækja með þess-
um hætti getur hann kvartað til
fyrirtækisins beint og beðið um að
vera færður til baka eða kvartað til
okkar.“ Sigurjón segir að ekki hafi
verið gerð úttekt á fjölda kvartan-
anna sem Póst- og fjarskiptastofn-
un hafi borist en þær séu nokkrar.
„Hugsanlega tínum við þetta saman
núna og tökum stöðuna á þessu.“
Eva Magnúsdóttir, upplýsinga-
fulltrúi Símans, segir að skýrar
reglur skorti um hvaða verklag sé
viðhaft þegar ADSL-þjónustu sé
sagt upp hjá einu fyrirtæki og ný
áskrift skráð hjá öðru. „Ljóst er að
þörf er á skýrri reglusetningu af
hálfu stjórnvalda um það til þess að
koma megi í veg fyrir að notendur
verði fyrir ónæði.“
Gísli Þorsteinsson, upplýsinga-
fulltrúi Og Vodafone, segir núver-
andi kerfi hafi virkað vel hingað til.
„En það komu upp nokkur svona til-
vik í upphafi árs sem sneru að Hive.
Það mál er í skoðun og við trúum
ekki öðru en að um misskilning hafi
verið að ræða.“
Arnþór Halldórsson, fram-
kvæmdastjóri Hive, segir þessi til-
vik heyra til undantekninga.
„Algengasta orsök mistaka í dag er
að upplýsingar skolist til en það
þarf að koma á betri samskiptum
milli fyrirtækjanna til að koma í
veg fyrir að mannleg mistök geti
valdið svona óþægindum.“
Aðspurður af hverju reglur séu
ekki strangari þannig að undirskrift
notanda þurfi til að færa hann á
milli fyrirtækja segir Sigurjón að
hugsunin hafi verið að einfalda
nýjum fyrirtækjum að komast inn á
markaðinn. „Það er ákveðinn þrösk-
uldur að þurfa uppáskrift hjá kúnn-
anum. En það verður að meta það í
ljósi reynslunnar hvort hægt sé að
treysta fyrirtækjum til þess.“ Sig-
urjón segir að tekið verði til skoð-
unar á næstunni hvort ástæða sé til
að skerpa á reglunum.
sdg@frettabladid.is
Færa viðskiptavini
á milli fyrirtækja
NETNOTANDI Á HEIMILI SÍNU Séu neytendur óánægðir með þjónustu fyrirtækja á fjar-
skiptamarkaði geta þeir snúið sér til Póst- og fjarskiptastofnunar, sem er samkvæmt lögum
skylt að gæta hagsmuna neytenda. FRÉTTABLAÐIÐ/GETTY
NEYTENDAVENJUR
> Kaffidrykkja Íslendinga í tonnum
Heimild: Hagstofa Íslands
2004
2.
20
9
1957
1.
24
0
Bændur í Mosfellsdal og nærsveitum opna markað í Mosskógum
í Mosfellsdal á laugardaginn og verður hann opinn alla laugardaga
fram í september. Þetta er í áttunda skiptið sem markaðurinn
er haldinn og hefur verið mikil ánægja með hann, að sögn Gísla
Jóhannssonar, rósabónda í Dalsgarði. Á markaðnum er lögð áhersla
á lífrænt ræktað grænmeti, svo sem næpusalat, klettasalat, svartkál,
gulrætur, papriku og grænkál. Einnig eru rabarbari, rósir og silungur,
bæði nýr og reyktur, á boðstólum á þessum fjölbreytta og holla markaði. Hugmynd-
in er að fólk komi bæði til að versla og spjalla en boðið er upp á kaffi og kökur og
hægt að sitja úti í veðurblíðunni, ef einhver er.
■ Verslun og þjónusta
Silungur, rósir og næpusalat í Mosfellsdal

Glerfínar gluggafilmur
– aukin vellíðan á vinnustað
R
V
62
09
3M glu
ggafilm
ur fyrir
skóla, s
júkrahú
s, skrifs
tofur,
verslani
r og að
ra vinnu
staði
Fagme
nn frá
RV
sjá um
uppset
ningu