Fréttablaðið - 30.07.2006, Blaðsíða 13

SUNNUDAGUR 30. júlí 2006 13
hann. Það eru bara peyjar á launa-
skrá að búa til gögn fyrir drenginn.
Þeir vinna að öllum þessum leikrit-
um og hrókeringum sem áttu sér
stað. Þeim tókst það meira að segja
fyrir rest að pína Sundsmenn til
fylgis við sig.“ Magnús minnist á
það að fyrir nokkrum vikum hafi
verið farið að bera á því að starfs-
menn tengdir Björgólfi hafi verið
farnir að taka einstaka starfsmenn
Straums-Burðaráss í bíltúr eða á
eintal til að pumpa þá. „Ég hef frétt
af því að einn einstaklingur hafi
verið boðaður til útlanda til þess að
gefa Björgólfi Thor skýrslu um
hvað væri að gerast frá degi til
dags,“ segir Magnús og lætur þung
orð falla: „Þetta eru vinnubrögð
sem eru viðhöfð annars staðar en á
Íslandi.“
Afskiptaleysi FME
Magnús segist ekki geta skilið við
frásögn sína án þess að nefna þátt
Fjármálaeftirlitsins. „Ég fór á fund
FME til að gera þeim grein fyrir
hver vinnubrögð BTB væru. Þeir
töldu ekki neina ástæðu til að athuga
neitt. Það er greinilegt að hann
stjórnar ekki bara Landsbankanum,
Samson og Straumi, það mætti jafn-
vel ætla að hann væri líka farinn að
stjórna opinberum stofnunum.“
Magnús segist hafa hringt í eftirlit-
ið þegar hann var á leið á hluthafa-
fund í Straumi þann 19. júlí og spurt
hvort hann hefði atkvæðisrétt á
fundinum en viðskipti hans við FL
Group eru ekki enn að fullu frá-
gengin. Hann hafi fengið þau svör
að tíu síðna bréf væri á leiðinni til
hans, þess efnis að hann og tengdir
aðilar mættu aðeins fara með 9,95
prósent atkvæða á fundinum.
„Ég vil við kveðjustund óska
Björgólfi Thor, stjórnendum
Straums, og sér í lagi starfsmönnum
sem hafa unnið gott starf, alls hins
besta í framtíðinni. Nú er kominn
tími til að beina kröftunum að
Toyota og öðrum fjárfestingum.“
Stoke var tómt djók
en Toyota rúllar vel
Fjárfesting Íslendinga í enska fótbolta-
liðinu Stoke um síðustu aldamót
trónir ofarlega á lista yfir verstu viðskipti
Íslandssögunnar. Magnús hefur sjálfur
lýst því yfir að þetta sé versta fjárfesting
hans frá upphafi en bætir jafnframt
við að ef menn fara í fýlu af því að
tapa peningum þá eigi þeir ekki að
fjárfesta í hlutabréfum. Mikill spenn-
ingur var hjá kaupendum á sínum
tíma en tíðarandinn var þannig að allar
viðskiptahugmyndir urðu að gulli. „Ég
held að illa hafi verið að þessu staðið
þegar við förum af stað. Við kaupum
klúbbinn of dýru verði,“ segir Magnús.
Fyrsta strandið varð þegar tekjur af
sjónvarpssamningum töpuðust og
aldrei varð draumurinn um úrvalsdeildar-
sæti að veruleika. „Síðan gerist það að
Íslendingahópurinn missir jafnt og þétt
áhugann og menn eru ekki tilbúnir að
leggja inn meiri pening.“ Fyrir nokkrum
vikum var hlutur Stoke Holding í Stoke
seldur og gerður upp. Magnús býst við
að fjárfestar fái væntanlega til baka
þriðjung af upphaflegri fjárfestingu í
Stoke Holding.
Toyota í sókn
Útvegsbóndinn er spurður um fjárfest-
ingu sína í Toyota á Íslandi, stærstu
bílasölu landsins sem er með umboð í
fimm bæjarfélögum. Var hann að gera
mikla skyssu að fjárfesta í bílasölu í
toppi hagsveiflunnar? Hann hristir haus-
inn og hlær: „Við vorum að afhenda
fjögurþúsundasta bílinn af gerðinni
Toyota í þessari viku. Það er ekki hægt
að gera betur á Íslandi.“ Á metárinu
í fyrra seldi umboðið 4.800 bifreiðar
þannig að Magnús er á góðri leið með
að bæta metið. Hann tekur fram að
markaðshlutdeild Toyota sé komin yfir
þrjátíu prósent en hafi verið tæp 24
prósent þegar hann tók við keflinu.
En af hverju vill Eyjamaður selja bíla?
„Ég var alltaf svo skotinn í þessu félagi.
Þetta var eitthvað svo spennandi. Ég
spurðist fyrir um hvenær fyrirtækið
ætti að fara í söluferli, fékk gögn þegar
eigendur vildu selja og fékk það á
endanum.“
REKUR STÆRSTA BÍLAUMBOÐ LANDSINS Magnús keypti Toyota-umboðið í desember af
Páli Samúelssyni og fjölskyldu. Markaðshlutdeild Toyota stendur í þrjátíu prósentum.