Fréttablaðið - 28.08.2006, Qupperneq 60

28. ágúst 2006 MÁNUDAGUR40
„Draumahúsið mitt er stærsta mögulega húsið sem ég get fengið án
þess að þurfa að eyða öllum mínum tíma í að þrífa það,“ segir Jónsi
fljótur í bragði. „Það er hvítt hús með dönskum hönnunarhúsgögn-
um, þráðlausu neti úti um allt, mjúkum sófum og bara þægindi í
bland við flottan stíl.
Ætli ég myndi ekki staðsetja það norður á Akureyri eða á stórkost-
legu Stór-Reykjavíkursvæðinu.“
Þessa dagana er Jónsi að vinna mikið og honum dettur því fyrst
í hug hvernig ætti að innrétta vinnuherbergið. „Í vinnuherberginu á
að vera stórt skrifborð, mikið af bókaskápum, HP fartölvan mín sem
ég get ekki lifað án og þægilegur hægindastóll sem gott er að sitja í
og lesa þegar maður þarf að komast í eitthvað menningarlegt. Síðan
væri að sjálfsögðu upptökustúdíó. Herberginu væri skipt í tvennt
með hljóðeinangrandi gleri og hinum megin væri konan mín með
nákvæmlega eins aðstöðu til þess að læra. Svona gætum við setið
hlið við hlið án þess að trufla hvort annað.“
Jón Jósep Snæbjörnsson,
eða Jónsi, söngvari í Svörtum fötum.
DRAUMAHÚSIÐ MITT: JÓN JÓSEP SNÆBJÖRNSSON SÖNGVARI
Kósí stemning í bland við hönnun
NORRÆNA HÚSIÐ
Norræna húsið var opnað árið 1968, en hlutverk þess er að efla tengsl
Íslands við aðrar Norðurlandaþjóðir. Af þeim sökum er nokkuð fjölbreytileg
starfsemi rekin í húsinu sem miðar helst að því að kynna fyrir Íslendingum
strauma og stefnur í lista- og menningarlífi nágrannaþjóðanna og öfugt.
Bókasafn búið veglegum safnkosti, mötuneyti og sal undir fyrirlestrahald,
sýningar og tónleika er meðal þess sem má finna í húsinu. Húsið þykir
vera með fallegri byggingum hérlendis enda var það á sínum tíma teiknað
af finnska hönnuðinum Alvar Aalto, sem teiknaði bókstaflega allt í húsinu
niður í hurðarhúna o.fl. (Heimild www.travelnet.is)
MYND/EGGERT JÓHANNSSON
Fasteignaverð í Grundarfirði
hækkar töluvert.
Fasteignamat ríkisins stóð
nýlega fyrir endurmati allra
fasteigna í Grundarfirði og tekur
það gildi þann 1. nóvember en
frestur til þess að gera athuga-
semdir rennur út þann 1.
október.
Þann 14. ágúst voru 346 lóðir
skráðar í Grundarfirði, þar af
eru 303 byggðar og voru 290 lóðir
sérmetnar. Þegar endurmat íbúð-
arhúsnæðis á landinu fór fram
árið 2001 var miðað við hvert
verðmætahlutfall viðkomandi
byggðar var miðað við höfuð-
borgarsvæðið. Í þetta skipti var
stuðst við sérhannað matskerfi
fyrir Grundarfjörð og miðað við
77 kaupsamninga frá árunum
2002-2006.
Lóðarmat sérbýlis hækkar að
jafnaði um 101% en lóðarmat
fjölbýlis enn meir, eða um 135%
að jafnaði. Fasteignamat íbúðar-
húsnæðis, sem samanstendur af
húsmati og lóðarmati, hækkar
samtals um 37% en einstakar
eignir hækka á bilinu 6-65%.
Húsmat nýbyggingar er eftir
hækkun um 63% af samsvarandi
nýbyggingu á höfuðborgarsvæð-
inu.
Fréttavefurinn www.skessu-
horn.is greindi frá þessu.
Íbúðaverð
hækkar
Fasteignaverð hækkar mikið samkvæmt
nýlegu endurmati Fasteignamati ríkisins.
SELDAR EIGNIR Á
HÖFUÐBORGARSVÆÐINU*
*þinglýstir kaupsamningar, heimild Fasteignamat ríkisins.
300
250
200
150
100
50
0
FJÖLDI
7/7-
13/7
116
14/7-
20/7
126
21/7-
27/7
104
28/7-
3/8
107
4/8-
10/8
67
11/8-
17/8
90
550 5000
AUGLÝSINGASÍMI