Fréttablaðið - 30.10.2006, Qupperneq 24

30. október 2006 MÁNUDAGUR4
Síðasta laugardag var form-
leg opnun í Mosfellsbakaríi á
Háaleitisbraut 58-60. Bakaríið
hefur vakið töluverða athygli
fyrir flott og nýstárlegt útlit.
Ekki þykja góðar veitingar
skemma fyrir.
„Síðastliðinn laugardag var form-
leg opnun hjá okkur og af því til-
efni mættu hönnuðir frá ítalska
fyrirtækinu Costa Group á svæðið,
en það á heiðurinn að hönnun stað-
arins,” segir Hafliði Ragnarsson,
súkkulaðimeistari og einn eigenda
fjölskyldufyrirtækisins Mosfells-
bakarí.
Hafliði segist lengi hafa langað
til að gera útlitsbreytingar á bak-
aríinu, sem hefur verið rekið í
fjögur ár, áður en hann uppgötvaði
Costa Group á Ítalíu. „Ég varð
samstundis hrifinn af hugmynda-
fræði þess og verkum og ákvað að
láta slag standa,“ segir hann.
Að sögn Hafliða er eitt af sér-
sviðum Costa Group að skapa rétt
andrúmsloft hjá viðskiptavinum
sínum. Hönnuðir þess reyna að
vinna út frá hugmyndum við-
skiptavinanna svo að útkoman
verði sem best.
Samstarfið hefur greinilega
borgað sig í tilfelli Mosfellsbakar-
ís, sem skiptist niður í gamaldags
bakarí og lítið, nýtískulegt kaffi-
hús. Þar er ýmislegt gert til að
gleðja augað, hvort sem það gildir
um útlit staðarins, þar sem hlýleg-
ur appelsínugulur litur er áber-
andi, eða girnilegt góðgætið sem
er á boðstólum.
„Innréttingarnar voru valdar af
kostgæfni, en þær eru sérsmíðað-
ar af Costa Group,” segir Hafliði.
„Hér eru líka alls kyns skemmti-
legir hlutir sem setja sterkan svip
á bakaríið, þar á meðal kaffikanna
sem býr til alveg frábært kaffi og
er algjört augnakonfekt. Hún er
frá ítölsku fyrirtæki, sem hefur í
heila öld framleitt kaffikönnur í
fremsta flokki. Hér er líka fallegt
borð undir heimalagaðan ís, sem
var sérstaklega valið til að lífga
upp á staðinn.”
Að auki er hin myndarlegasta
súkkulaðigerð í bakaríinu, þar
sem fyrsta flokks handgert kon-
fekt er framleitt. Hafliði hófst
handa við konfektgerð fyrir um
það bil þremur árum, sem hefur
frá þeim tíma vakið óskipta
athygli, enda lagað úr ósviknu
súkkulaði og selt í sérlega falleg-
um umbúðum. Þá hefur hann verið
ófeiminn við að prófa alls kyns
nýjungar í súkkulaðigerðinni,
meðal annars notað framandi
krydd og sérvalinn pipar og salt,
sem hefur mælst vel fyrir hjá
kúnnunum.
„Eitt af okkar helstu markmið-
um er að viðskiptavinirnir njóti
komunnar til okkar og viðskipt-
anna,“ segir Hafliði. „Við viljum
gera allt til að sá góði andi sem
ríkir hér í bakaríinu fylgi vör-
unni.“ roald@frettabladid.is
Þessi myndarlega kaffikanna er á
meðal þeirra skemmtilegu hluta sem
fyrirfinnast í bakaríinu. Hafliði sést hér í
bakgrunni.
Smekkvísin ræður för ekki aðeins í
útliti staðarins heldur framsetningu á
veitingum.
Heimalagaði ísinn þykir með eindæm-
um góður, ekkert síðri en súkkulaðið.
Umbúðirnar utan um konfektið er fallegt eins og innihaldið.
Þægilegt andrúmsloft
og lokkandi ilmur
Hafliði hefur verið ófeiminn við að prófa
alls kyns nýjungar í súkkulaðigerðinni,
meðal annars notað framandi krydd,
pipar og salt.
Hönnun bakarísins þykir hafa heppnast vel, en þar kallast rómantíska stefnan á við nýjustu tísku. FRÉTTABLAÐIÐ/HEIÐA
Hinar vinsælu
dönsku bókahillur
komnar aftur
Tekk - Kirsuberja - Hlynur
Hringið og biðjið um mynda- og verðlista
PGV ehf. ı Bæjarhrauni 6 ı 220 Hafnafjörður ı Sími: 564 6080 ı Fax: 564 6081 ı www.pgv.is
PGV ehf. sérhæfir sig í smíði glugga,
hurða, sólstofa og svalalokanna úr
PVC-u
Öllum framleiðsluvörum PGV fylgir
10 ára ábyrgð
Gluggarnir eru viðhaldsfríir og á
sambærilegum verðum og gluggar
sem stöðugt þarfnast viðhalds
GLUGGI TIL FRAMTÍÐAR …
• ENGIN MÁLNINGAVINNA
• HVORKI FÚI NÉ RYÐ
• FRÁBÆR HITA OG HLJÓÐEINANGRUN
• FALLEGT ÚTLIT
• MARGIR OPNUNARMÖGULEIKAR
• ÖRUGG VIND- OG VATNSÞÉTTING
Handrið og
stigasmíði
Mikið úrval af handriðum inni
sem úti. Stigar fáanlegir á lager
- Gerum tilboð í sérsmiði.