Fréttablaðið - 26.11.2006, Blaðsíða 8
Á næsta ári verða
minnst tveir friðargæsluliðar
sendir til Líberíu á vegum utanrík-
isráðuneytisins, í samstarfi við
barnahjálp Sameinuðu þjóðanna
(UNICEF) og þróunarsjóð SÞ í
þágu kvenna (UNIFEM), sagði Val-
gerður Sverrisdóttir á morgun-
verðarfundi UNIFEM í gær.
Verkefnin verða borgaralegs
eðlis og mun sá friðargæsluliði
sem fer í samvinnu við UNIFEM
starfa að uppbyggingu stjórnsýslu
í landinu, en UNICEF-liðinn að
öðru tveggja; heilsuvernd og nær-
ingu eða vatnsfrárennsli og -hrein-
læti. „Mikið verk er framundan
þar við að tryggja stöðugleika sem
er nauðsynlegur grundvöllur upp-
byggingar og framþróunar á svæð-
inu. Ég sé fyrir mér íslenska frið-
argæslu sem hentar báðum
kynjum, þar sem uppbygging og
friðarferli haldast í hendur og við
Íslendingar leggjum af mörkum til
alþjóðasamfélagsins sérkunnáttu
okkar og þekkingu. Þetta er sú
friðargæsla sem við stefnum að,“
sagði Valgerður og fagnaði sam-
starfi ráðuneytisins og UNIFEM.
Einnig stendur til að bæta við
friðargæsluliða á Balkanskaga á
næsta ári og verða alls tveir slíkir
þar. Friðargæslan breiðir því út
vængi sína og er ráðgert að starfs-
menn hennar verði fleiri en þrjá-
tíu á næsta ári. Það er langtíma-
markmið utanríkisráðuneytisins
að um fimmtíu karlar og konur
starfi víðs vegar um heim á vegum
friðargæslu Íslands.
Þetta er ekki í fyrsta sinn sem
íslenska friðargæslan lætur mál-
efni Líberíu til sín taka, en síðasta
sumar var þar starfandi fulltrúi
gæslunnar í samstarfi við mat-
vælaáætlun SÞ.
Þess má geta að fyrsti kjörni
kvenkyns forseti Afríku er Ellen
Johnson-Sirleaf, forseti Líberíu.
Hún var kjörin í fyrra og var áður
stjórnandi þróunarhjálpar SÞ í
Afríku.
Friðargæslan snýr
aftur til Líberíu
Friðargæsluliðar fara utan á næsta ári til að vinna að uppbyggingu í Vestur-Afr-
íkuríkinu Líberíu. Verkefnin verða borgaraleg og valin út frá getu Íslendinga og
kunnáttu. Stefnt er að því að í framtíðinni verði fimmtíu manns í friðargæslu.
Ég sé fyrir mér íslenska
friðargæslu sem hentar
báðum kynjum, þar sem upp-
bygging og friðarferli haldast í
hendur.
Jónína Bjartmarz
umhverfisráðherra hefur skipað
starfshóp til að fara yfir og kanna
möguleika á stækkun friðlands í
Þjórsárverum og endurskoðun á
núverandi mörkum friðlandsins
og friðlýsingarskilmálum.
Starfshópurinn á að meta stöðuna
og ræða við sérfræðinga og
hagsmunaaðila á svæðinu og gera
tillögur um stækkun friðlandsins
svo og hugsanlegar breytingar
aðrar á mörkum friðlandsins og
einstökum atriðum friðlýsingar-
innar. Í hópnum eru fulltrúar
þriggja hreppa á svæðinu auk
fulltrúa umhverfisráðherra, Árna
Bragasonar, sem stýrir hópnum.
Stærra friðland
í Þjórsárverum
Stjórnir Lífeyris-
sjóðs Austurlands og Lífeyris-
sjóðs Norðurlands hafa staðfest
samruna þessara sjóða með þeim
fyrirvara að sameiningin verði
samþykkt á ársfundi sjóðanna í
byrjun næsta árs.
Starfssvæði sjóðsins mun ná
frá Hrútafirði í vestri að Skeiðar-
ársandi í austri og verða sjóðfé-
lagar í sameinuðum sjóði um 20
þúsund og lífeyrisþegar um sex
þúsund talsins.
Eignir sameinaðs sjóðs verða
ríflega 80 milljarðar króna og
árlegar lífeyrisgreiðslur um 2
milljarðar króna.
Lífeyrissjóðir
sameinast
Á fundi íþrótta- og
tómstundaráðs Reykjavíkur í
vikunni var til meðferðar tillaga
um hækkun gjalda á frístunda-
heimili og sundstaði um 8,8
prósent.
Nái tilllagan fram að ganga
mun mánaðargjald á frístunda-
heimili hækka úr 7.500 krónum á
mánuði í 8.160 krónur.
Tillögur um
8,8% hækkun
Karlmaður á þrítugs-
aldri var dæmdur til fimmtán
mánaða óskilorðsbundinnar fang-
elsisvistar fyrir vopnað rán í Hér-
aðsdómi Reykjaness í fyrradag.
Maðurinn fór inn í verslunina
Apótekarann í Kópavogi í febrúar
síðastliðnum með hulið andlit og
vopnaður búrhnífi. Hann ruddist
inn fyrir afgreiðsluborð verslun-
arinnar og heimtaði að sér yrði
afhent lyfið contalgin en tók fram
að hann vildi enga peninga. Þegar
starfsmenn sögðu honum að það
lyf væri ekki til heimtaði hann
ritalín. Hann fékk afhenta níu
kassa af því lyfi og hljóp síðan í
burtu.
Maðurinn var handtekinn fimm
dögum síðar og færður til skýrslu-
töku. Þar sagðist hann vera sak-
laus af verknaðinum. Daginn eftir
var lýst eftir honum og fannst
hann þá á hóteli í Reykjavík með
hnífinn sem notaður var í ráninu.
Hann játaði brot sitt síðar þann
dag. Maðurinn kvaðst fyrir dómi
hafa verið í fíkniefnaneyslu síð-
astliðin tólf ár og sprautað sig
helming þess tíma. Eftir ránið og
handtökuna leitaði hann sér hjálp-
ar við fíkn sinni og hefur að eigin
sögn verið allsgáður síðan.
Maðurinn hefur hlotið fjöl-
marga aðra dóma og var meðal
annars dæmdur í tólf mánaða
fangelsi í október í fyrra vegna
annars ráns. Hann situr þann dóm
af sér um þessar mundir og því
mun dómurinn í gær bætast við þá
fangelsisvist.
Vopnaður með hulið andlit
Samband íslenskra sveitarfélaga hefur
opnað skrifstofu í Brussel með það að markmiði að
hafa áhrif á mál hjá Evrópusambandinu sem hafa
áhrif á íslensk sveitarfélög og tengja íslensk sveitar-
félög betur við verkefni sem Evrópusambandið
stendur fyrir.
Halldór Halldórsson, formaður sambandsins,
segir að það sé síðasta sveitarfélagasambandið í
Evrópu til að opna skrifstofu í Brussel. Hann segir
það mikilvægt fyrir íslensk sveitarfélög að komast
nær málum á vinnslustigi og geta þannig haft áhrif á
útkomu þeirra fyrir íslenska hagsmuni. „Dæmi um
mál sem við hefðum að öllum líkindum getað haft
áhrif á og sparað íslenskum sveitarfélögum veru-
lega fjármuni er frárennslistilskipunin,“ segir
Halldór. „Hún segir til um hvernig frárennslismál-
um skuli háttað í Evrópu og kostaði íslensk sveitar-
félög 20 milljarða króna,“ segir hann. Halldór telur
að hægt hefði verið að sýna fram á íslenska sérhags-
muni og þar með losna við mikinn óþarfakostnað.
Anna Margrét Guðjónsdóttir veitir skrifstofunni
forstöðu.
Þrjátíu og fjögurra ára
gömul norsk móðir hefur verið
úrskurðuð í fjögurra vikna gæslu-
varðhald, grunuð um að hafa
reynt að fá fimmtán ára stúlku til
að drepa óvin hennar.
Mun konan hafa boðið stúlk-
unni 10.000 norskar krónur fyrir
verknaðinn, eða jafnvirði 112.000
íslenskra króna.
Konan, sem býr í Arendal,
sendi stúlkunni tíu textaskilaboð
þar sem þessar upplýsingar koma
fram, segir í frétt norska blaðsins
VG af málinu. Mun hún hafa lagt
til að stúlkan gæfi manninum
eiturlyf og myrti hann síðan.
Reyndi að leigja
táning til morðs
Hvaða íslenska sjónvarpsstöð
tryggði sér útsendingarrétt á
ensku knattspyrnunni á dög-
unum?
Hvað heitir skip Binna í Gröf,
aflakóngsins úr Vestmannaeyj-
um?
Hver er nýr rektor Háskólans
í Reykjavík?