Fréttablaðið - 26.11.2006, Blaðsíða 74
Magnús Scheving fékk
nýverið heiðursverðlaun
Eddunnar fyrir framlag sitt
til íslensks kvikmyndaiðn-
aðar. Hann hefur staðið í
ströngu undanfarin ár við
gerð Latabæjar og segist
hvergi nærri vera hættur.
Freyr Bjarnason ræddi við
Magnús um Walt Disney,
vinsældirnar og spíkat-
hoppin endalausu.
Latibær hefur verið að hasla sér
völl sem eitt vinsælasta barnaefni
í heimi. Þættirnir eru sýndir í 103
löndum og ná því til milljóna
áhorfenda. Miklu hefur verið til-
kostað við gerð þeirra hér á
Íslandi. Um 160 manns starfa við
þá og yfir 400 brellur eru notaðar
í hverjum þætti. Allt þetta skilar
sér svo beint á sjónvarpsskjáinn í
stafrænum gæðum. Sjálfur hefur
Magnús Scheving leikstýrt 40 af
þeim 53 þáttum sem hafa verið
framleiddir, auk þess sem hann
hefur séð um handritsgerð í sam-
vinnu við fleiri.
Magnús segir að Edduverðlaunin
hafi komið sér mjög á óvart. „Þetta
er hvatning fyrir allt fólkið í kring-
um mig sem er að vinna að þessu.
Ég tók ekki alveg til mín þessi
verðlaun. Mikið af því fólki sem
hefur komið að þessu hefur aldrei
verið nefnt. Það sem er kannski
enn mikilvægara eru menn sem
ruddu hálfgerðan farveg fyrir
Íslendinga, eins og Jón Þór í Saga
film, Snorri í Pegasus og náttúru-
lega Hrafn Gunnlaugsson og Frið-
rik Þór og fullt af öðrum kvik-
myndagerðarmönnum sem hafa
kannski sett húsin sín undir og líf
sitt til þess að mennta og þjálfa
fólk í þessum bransa sem maður
getur síðan gengið í og notað. Það
er efst í huga hjá mér að einhver
hafi þorað að gera þetta á undan
manni.“
Magnús viðurkennir að hafa sjálf-
ur lagt nánast líf sitt undir. „Það
kemur eiginlega ekkert af sjálfu
sér nema kannski maður sé hepp-
inn og heppni er ekki til nema þá
tímabundið,“ segir hann. „Ég er að
gera eitthvað sem ég hef ánægju
af og get ekkert vælt yfir því að
það sé eitthvað erfitt. En auðvitað
hefur maður tekið á því. Maður
hefur komið heim og þurft að sofa
í 40 mínútur áður en næsta törn
hefst. Þegar við tókum upp þessa
35 þætti þá vorum við að koma
heim klukkan fimm og fórum
kannski út aftur hálf átta. Þetta
gerðum við í fjórtán mánuði alla
daga vikunnar.“
En hvernig hefur hann eiginlega
farið að þessu? „Ég held að ég hafi
verið ótrúlega heppinn að því leyt-
inu til að vera í mjög góðu formi
áður en ég fór í þetta og ég segi að
heimsmeistarakeppnin [í þolfimi]
hafi bara verið góð upphitun,“
segir hann og hlær.
Magnús segist vera inn-
byggður jógi og það hafi
komið sér vel. „Ég hef kom-
ist að því á seinni árum að
ég get fengið orku úti um
allt. Að verða bensínlaus
gerist ekki oft hjá mér en
auðvitað verður maður
þreyttur og þá tekur maður
rangar ákvarðanir,“ segir
hann og líkir sér að sumu
leyti við Walt Disney, sem
var einmana því enginn
skildi hann til að byrja með.
Einnig átti Disney oft átt í
fjárhagserfiðleikum og
varð til að mynda þrisvar
sinnum gjaldþrota. Sjálfur
segist Magnús aldrei hafa
verið nálægt gjaldþroti en
samt hafi hann aldrei tekið
pening úr Latabæ fyrir
sjálfan sig.
Magnús hefur verið duglegur, í
gervi Íþróttaálfsins, við að styðja
gott málefni. Hefur hann fengið
þúsundir bréfa þar sem óskað
hefur verið eftir kröftum hans.
Nýverið var hann staddur í London
til að opna íþróttahús sem var nefnt
í höfuðið á honum og einnig hefur
hann heimsótt veik börn. „Það sem
hafði mest áhrif á mig var veikur
strákur í Bandaríkjunum sem átti
lítið eftir. Ég ákvað að fara strax og
spurði hvað ég ætti að koma með
til hans. Þá sagði hann íþróttana-
mmi, eða eitt epli. Þá áttar maður
sig á því þegar maður flýgur um
hálfan hnöttinn með eitt epli í far-
teskinu hversu rosaleg ábyrgð
fylgir þessu og hversu mikil áhrif
þetta hefur.“
Nýverið birtist grein eftir íslensk-
an bókmenntafræðing þar sem
Latibær var gagnrýndur fyrir að
vinna gegn öllu sem þátturinn
predikar. Þátturinn væri sjálf-
ur skyndibiti sem hvetti
krakka til að vera inni hjá sér,
glápa á sjónvarpið og kaupa
síðan alls konar Latabæjar-
vörur. Magnús segir að
ekkert sé hafið yfir
gagnrýni og tvær
hliðar séu á
öllum málum.
„Ég er ekkert
viss um að Latibær sé heimsins
besta prógramm en ég er viss um
að Latibær hefur gert sitt besta.
Án þess að vita neitt um það efast
ég um að hún [greinarhöfundur]
eigi börn. Það skiptir töluverðu
máli þegar maður eignast börn, þá
hugsar maður öðruvísi,“ segir
Magnús. „Ég held reyndar að ef
Latibær væri skyndibitaboðskapur
þá myndi hann vera auglýstur eins
og 99% af öllu barnaefni á sælgæti.
Þar er 300% álagning og þar færðu
peningana þína til baka. Á Íslandi
er Latibær ekki einu sinni kominn
á djús, hann fór bara í vatn, sem er
ekki mikill gróðabissness. Við
eigum íslenskt prumpulag sem er
örugglega ekki sú fyrirmynd sem
Íslendingar vilja hafa. Mér finnst
Prumpulagið hans Dr. Gunna vera
með fyndari lögum sem ég hef
hoppað með mínum börnum en
Latibær er bara að reyna að vera
með jákvæðan boðskap og gera
hlutina á skemmtilegan hátt.“
Orðróm um að Latibær ætli að
hasla sér völl á leikfanga-
markaðnum segir Magn-
ús á rökum reistan en
það sé einungis gert
til að hægt sé að
framleiða þætt-
ina. Hver þátt-
ur af Latabæ
kostar 42 til
56 milljón-
ir króna, sem er mun dýrara en
gengur og gerist. Magnús segist
vilja tryggja að gæðin séu fyrir
hendi og því þurfi að fá inn pening
til að borga þetta allt saman, því
sjónvarpsstöðvar borgi lítið fyrir
barnaefni.
Magnús er nýkominn heim frá
Bretlandi þar sem hann fór í fjölda
viðtala hjá blöðum og í sjónvarpi.
Fór hann m.a. í spjallþátt þar sem
Michael Bolton var á meðal gesta.
Latabæjar-smáskífa verður jafn-
framt gefin þar út á næstunni og er
henni spáð miklum vinsældum.
Vinsældir í S-Ameríku eru einnig
að aukast og á næsta ári verða sett-
ar myndir af Íþróttaálfinum á 4,5
milljónir mjólkurferna á dag í
Mexíkó. Einnig ætla Brasilíumenn
og Argentínumenn að setja upp
stórar Latabæjarsýningar.
Fyrir utan þetta er verið að leggja
drög að fyrstu Latabæjar-bíómynd-
inni sem mun fjalla um uppruna
Íþróttaálfsins. „Latibær er á kross-
götum. Latibær getur sameinast
stórfyrirtæki, hann gæti verið
keyptur af öðru fyrirtæki og við
gætum ákveðið að stækka Latabæ
og blása til sóknar. Latibær hefur
að vísu aldrei fengið styrki. Við
sóttum um en höfum alltaf fengið
nei, en ég mjög ánægður með að
ríkisstjórnin ætli að setja meiri
pening í íslenskan kvikmyndaiðn-
að,“ segir hann.
Magnús segist eiga mörg ár
eftir í Latabæ. „Í gær [á
fimmtudag] þurfti ég að gera
50 spíkathopp og 150 arm-
beygjur og ég verð að viður-
kenna að þetta er orðið erfið-
ara og erfiðara. Ég varð 42 ára
um daginn og það er farið að
taka lengri tíma að jafna sig.
Ég hef ekki mikinn tíma til að
æfa mig en ég er að reyna
eftir bestu getu að gera þetta.
Þú þarf að vera heitur í öllum
tökum. Maður þarf kannski að
hoppa í splitt klukkan níu um
morguninn, aftur klukkan tvö
og síðan klukkan sex. Maður
þarf að vera heitur líkamlega
allan daginn, dag eftir dag, og
það er meira en að segja það.
Þessu gerði ég mér ekki grein
fyrir þegar ég samdi þetta.“
Söngkonan Gwen Stefani hefur
látið hafa það eftir sér að hún sé
tilbúin að ganga aftur til liðs við
gömlu hljómsveitina sína No doubt
þegar önnur sóló plata hennar er
komin út. Önnur plata söngkon-
unnar „The sweet escape“ kemur
út 4. desember næstkomandi.
„Ég er viss um að ég vilji ekki
gera fleiri plötur ein. Ég held að
við hjá No Doubt komum saman
aftur á næsta ári til að gera nýja
plötu,“ segir Stefani við tónlistar-
vefinn NME. Hún er nýbúin að
eignast sitt fyrsta barn með eigin-
manni sínum Gavin Rossdale
söngvara hljómsveitarinnar Bush.
Aftur í
No Doubt
Popparinn Michael Jackson verð-
ur viðstaddur jólasamkomu í
Tókýó í Japan hinn 19. desember.
Miðinn á samkomuna kostar
hvorki meira né minna en 245 þús-
und krónur. Þrátt fyrir það mun
Jackson ekki syngja heldur mun
hann fylgjast með þeim skemmti-
atriðum sem verða í gangi á sér-
stöku VIP-svæði. Einnig mun hann
tjá sig lítillega við áhorfendur.
Jackson steig á svið í London á
dögunum í fyrsta sinn síðan hann
var sýknaður af ákæru um barna-
níðingshátt á síðasta ári. Vakti
frammistaða hans blendin við-
brögð.
Jackson
til Tókýó