Fréttablaðið - 17.01.2007, Síða 30

MARKAÐURINN 17. JANÚAR 2007 MIÐVIKUDAGUR2
F R É T T I R
G E N G I S Þ R Ó U N
Vika Frá áramótum
365 -6% -3%
Actavis 3% 8%
Alfesca 1% -1%
Atlantic Petroleum 1% -1%
Atorka Group -1% 3%
Bakkavör -1% 0%
FL Group 3% 11%
Glitnir 2% 6%
Hf. Eimskipafélagið 2% 2%
Kaupþing 0% 8%
Landsbankinn 0% 9%
Marel -2% -1%
Mosaic Fashions 1% -1%
Straumur 1% 4%
Össur 0% 0%
Miðað við gengi í Kauphöll á mánudaginn
Novator, fjárfestingarfélag
Björgólfs Thors Björgólfssonar,
hagnaðist um 2,5 milljarða króna
við sölu á 19 prósenta hlut í gríska
fjarskiptafélaginu Forthnet. Ætla
má að hluturinn hafi hækkað um
50-60 prósent á rúmum tveimur
árum.
Félag Björgólfs fékk 90 millj-
ónir evra fyrir hlutinn, eða um
6,4 milljarða króna, en heldur
eftir sem áður utan um tæplega
fimmtungshlut.
Auk Novators seldu tveir
af stærstu eigendum Forthnet,
Cycladic Catalyst Master Fund
og Foundation for Research and
Technology, samtals tvö prósent.
Seljendur ákváðu að auka það
magn sem í boði var vegna mikils
áhuga fjárfesta. - eþa
Novator græðir í Grikklandi
Óli Kristján Ármannsson
skrifar
Hagvöxtur verður 2,2 prósent í ár, en ekki eitt
prósent, samkvæmt endurskoðaðri þjóðhagsspá
fjármálaráðuneytisins sem kynnt var í gær. Þá er
í spánni gert ráð fyrir að hagvöxtur á nýliðnu ári
verði heldur minni en áður var gert ráð fyrir, 2,5
prósent í stað fjögurra. Þorsteinn Þorgeirsson,
skrifstofustjóri efnahagsskrifstofu ráðuneytisins,
kynnti nýja spá en í henni hefur verið tekið tillit
til framvindu efnahagsmála frá því síðasta spá var
gefin út í október og til breyttra forsenda.
Þjóðhagsreikningar Hagstofunnar fyrir þrjá
fyrstu fjórðunga síðasta árs eru sagðir veita mikil-
vægar vísbendingar um framvinduna, en í spánni er
efnahagsþróunin á nýliðnu ári sögð hafa einkennst
öðru fremur af vaxandi ójafnvægi sem birtist í vax-
andi viðskiptahalla við útlönd, aukinni verðbólgu á
miðju ári og sveiflum í gengi krónunnar. Þorsteinn
segir breytingar að stórum hluta til komnar vegna
nýrra hagtalna um jöfnuð þáttatekna. „Þær hafa að
gera með flæði peninga inn og út úr hagkerfinu og
ekki auðvelt að spá fyrir um slíkar stærðir,“ segir
hann.
Á þessu ári er gert ráð fyrir miklum samdrætti
í fjárfestingu við lok núverandi stóriðjufram-
kvæmda og nokkrum samdrætti einkaneyslu vegna
veikingar á gengi krónunnar og auknu aðhaldi í
efnahagsstjórn. Vegna áframhaldandi bata í utan-
ríkisviðskiptum er spáð 3,1% hagvexti árið 2008.
Greiningardeild Kaupþings birti í gær hagvaxt-
arspá þar sem gert er ráð fyrir að hagvöxtur
verði rúmu prósenti meiri en í þjóðhagsspá fjár-
málaráðuneytisins. Munur liggur í að ráðuneytið
tekur ekki með í reikninginn áhrif af mögulegri
stækkun álversins í Straumsvík, líkt og bankinn,
enda enn óvíst að af henni verði. „Við höfum það
sem vinnureglu að taka þessa hluti ekki inn fyrr en
þeir hafa verið ákveðnir,“ segir Þorsteinn og kveð-
ur stóriðju því einn af óvissuþáttunum í spánni.
Sömuleiðis segir hann óvissu um þróun mála á
fjármálamarkaði þar sem landið sé orðið næmara
fyrir breytingum, auk þess sem óvissa sé um gengi
krónunnar bæði tengt útgáfu erlendra skuldabréfa
í krónum, svokallaðra jöklabréfa, á fyrri hluta árs
og innlausnar jöklabréfa á seinni hluta ársins. Í
spánni segir að búist sé við meiri viðskiptahalla
en áður hafi verið gert ráð fyrir og það þrýsti á
gengi krónunnar. Á þessu ári er því gert ráð fyrir
að gengisvísitalan verði að meðaltali 129 stig í stað
126 og 130 stiga á næsta ári.
Þorsteinn segir ráð fyrir því gert að hagkerfið sé
að komast í meira jafnvægi og að verðbólga verði
komin á markmið Seðlabankans á síðari hluta árs-
ins, en verði um 2,3 prósent á næsta ári.
Hagvöxtur verður
meiri en ráðgert var
Nýjar tölur um peningaflæði inn og út úr hagkerfinu benda
til þess að hagvöxtur verði meiri en áður hafði verið spáð.
Vaxandi ójafnvægi er sagt hafa einkennt nýliðið ár.
Hætta er á veikingu krónunnar
þegar horft er fram yfir næsta
hálfa árið, að sögn Steingríms
Arnars Finnssonar, sérfræðings
greiningardeildar Kaupþings. Til
lengri tíma litið segir hann að
krónan muni leita í átt að jafn-
vægisgildi sínu, 125 til 135 stig-
um. Ef horft er til skemmri tíma,
þriggja til sex mánaða, er gert
ráð fyrir að krónan haldi sig á
svipuðu bili og verið hefur.
Steingrímur kynnti spá grein-
ingardeildarinnar um gengi
krónunnar á morgunverðarfundi
bankans í gær. Hann kvaðst þó
tæpast öfundsverður af hlutverki
sínu, enda ríkti alltaf mikil óvissa
um gjaldeyrisspádóma. Hann
benti á að hér hefðu átt sér stað
vatnaskil á gjaldeyrismarkaði og
innreið erlendra fjárfesta gerði
að verkum að sjaldan eða aldrei
hefðu fleiri verið að nota krón-
una. „Að sama skapi hafa geng-
issveiflur aukist töluvert mikið,“
bætir hann við.
Töluvert fleiri þættir eru enda
farnir að hafa áhrif á gengið að
sögn Steingríms. Þar vísar hann
meðal annars til erlendra grein-
inga og frétta af efnahagsmálum
og þá hreyfist krónan orðið í takt
við aðrar hávaxtamyntir og geti
því orðið fyrir áhrifum. „Þannig
getur söluþrýstingur í Brasilíu
smitast hingað,“ segir hann og
bætir við að eins séu í dæminu
óræðari áhrif. - óká
Óbreytt króna næsta hálfa árið
Latcharter, lettneskt leiguflug-
félag í eigu Loftleiða-Icelandic,
dótturfélags Icelandair Group,
hefur gert samning við ísraelska
flugfélagið Israir um leigu á
tveimur Airbus A320-farþegaflug-
vélum til þriggja ára. Jafnframt
hefur Loftleiðir-Icelandic fram-
lengt leigu á Boeing 767-300ER-
breiðþotu til sama félags til loka
þessa árs. Verðmæti samninganna
nemur jafnvirði rúmra 3,5 millj-
arða króna. Loftleiðir eignuðust
Latcharter á miðju síðasta ári.
Félagið hafði þá tvær Airbus-vélar
í rekstri, en flotinn tvöfaldast frá
og með þessum samningi. - jab
Latcharter
semur við IsrairÍ fyrra var 844 einstaklingum af
erlendum uppruna veitt íslenskt
ríkisfang. Það eru 118 fleiri en
árið áður, eða rúmlega sextán
prósentum fleiri, samkvæmt
upplýsingum Hagstofu Íslands.
Greiningardeild Kaupþings
vekur á því athygli að mikil
breyting hafi orðið á milli ára-
tuga, en á síðasta áratug 20. aldar
hafi fjöldi þeirra sem veitt hefur
verið íslenskt ríkisfang að jafn-
aði aukist um níu prósent á milli
ára. Sprenging hafi hins vegar
orðið frá aldamótum. Þannig hafi
árin 2003 og 2004 árleg fjölgun
ríkisfangsveitinga verið í kring-
um tuttugu prósent að meðaltali.
„Konur hafa allt frá 1992
verið fjölmennari en karlar
í hópi ríkisfangsþega og sem
dæmi má nefna að árið 2001
voru þær tvöfalt fleiri,“ segir
í greiningunni og bent á að að
jafnaði hafi þær þó verið um og
yfir þriðjungi fleiri. „Og virðist
það hlutfall nokkuð stöðugt þrátt
fyrir mikla fjölgun verkamanna
í byggingariðnaði sem flestir
eru karlar.“ Þar með er dregin
sú ályktun að vinnuaflsþörfin
hafi verið mikil í umönnunar-
og þjónustustörfum hér á landi.
„En þeirri þörf hefur verið mætt
að einhverju leyti með vinnuafli
erlendra kvenna.“ - óká
Kynjahlutfall óbreytt þrátt fyrir framkvæmdir