Fréttablaðið - 17.01.2007, Síða 83

Ekki eru allir tilbúnir að
ganga til liðs við Eggert Magnús-
son og félaga hjá West Ham.
Ashley Young, framherji
enska liðsins Watford, neitaði að
fara til West Ham eftir að Eggert
Magnússon var búinn að ná
samkomulagi við Watford um að
kaupa þennan 21 árs strák fyrir
9,65 milljónir enskra punda eða
1,3 milljarða íslenskra króna.
Watford hafnaði fyrst 7 milljóna
punda tilboði en Eggert bauð þá
hærra í strákinn.
Eftir að Young lokaði á Upton
Park er talið líklegt að Aston
Villa og Tottenham berjist um
kappann, sem hefur skorað 4
mörk í 23 leikjum á tímabilinu.
Vildi ekki fara
til West Ham
Unndór Sigurðsson,
þjálfari kvennaliðs Grindavíkur í
Iceland Express-deildinni, hefur
tekið þá ákvörðun ásamt stjórn
körfuknattleiksdeildarinnar að
láta nýjan serbneskan miðherja
liðsins fara aftur til sín heima.
Grindavík fékk til sín um
áramótin 190 sm stelpu, Tönju
Goranovic, sem lék sinn fyrsta og
eina leik í 96-50 sigri á Hamri.
Goranovic var með 2 stig og 4
fráköst á 30 mínútum í þessum
leik en samkvæmt yfirlýsingu á
heimasíðu körfuknattleiksdeildar
Grindavíkur kemur fram að
Tanja hafi engan veginn staðið
undir væntingum hjá stjórn og
þjálfara Grindavíkur en þar sem
félagaskiptafresturinn er runninn
út getur Grindavík ekki fengið
annað leikmann í staðinn.
Grindavík fær í kvöld Keflavík
í heimsókn en Keflavíkurliðið er
á mikilli siglingu og hefur unnið
síðustu sjö leiki sína í deild og
bikar.
Sú serbneska
send aftur heim
Chris Webber mun
spila með Detroit Pistons í NBA-
deildinni í vetur. Nú er að sjá
hvort hann geti hjálpað Pistons á
svipaðan hátt og Rasheed
Wallace gerði á meistaraárinu
2004. „Ég get ekki beðið eftir því
að fara að spila með hæfileika-
ríkum leikmönnum og vinna að
því að færa Detroit sinn fjórða
meistaratitil,“ sagði Webber
eftir að hann tilkynnti að hann
myndi spila með Detroit.
Webber er fæddur í Detroit og
spilaði frábærlega með Michig-
an-háskólanum á sínum tíma.
„Við teljum að Chris muni passa
vel inn í okkar leik. Það eru allir
mjög spenntir, leikmenn,
þjálfarar sem og borgin öll,“
sagði Flip Saunders, þjálfari
Detroit Pistons. Philadelphia
76ers keypti upp samning
Webbers, sem hafði bara spilað
18 leiki í vetur og aðeins skorað í
þeim 11 stig að meðaltali.
Ætlar sér að
vinna titil
Annar keppnisdagur opna
ástralska meistaramótsins í tennis
einkenndist af gífurlega miklum
hita. Sumar er í Ástralíu og fór hit-
inn allt undir 40 gráður. Maria
Sharapova frá Rússlandi lenti í
miklum vandræðum með and-
stæðing sinn, Camille Pin frá
Frakklandi, vegna hitans og maga-
verkja.
Sharapova vann fyrsta settið
en Pin það næsta. Sú rússneska
komst svo 5-0 yfir í lokasettinu en
tapaði næstu fimm settum. Svo
fór að Sharapova vann með mikilli
þrautseigju, 9-7, eftir næstum
þriggja klukkustunda langa viður-
eign.
Mótsreglur voru gagnrýndar
harkalega í gær en þær kveða á
um að ekki megi loka þaki á leik-
vanginum eftir að leikur er haf-
inn. Leikmenn þurftu því að spila í
brennandi hita.
Þær Kim Clijsters og Martina
Hingis áttu ekki í vandræðum með
andstæðinga sína í gær.
Skotinn Andy Murray hrein-
lega valtaði yfir Spánverjann
Alberto Martin sem vann aðeins
eina lotu í settunum þremur. Þá
vann Rafael Nadal Bandaríkja-
manninn Robert Kendrick í hörku-
viðureign og David Nalbandian
frá Argentínu vann Janko Tipsar-
evic eftir að hafa lent tveimur
settum undir.
Heimamaðurinn Lleyton
Hewitt vann ævintýralegan sigur
á Michael Russell frá Bandríkjun-
um en hann lenti einnig tveimur
settum undir.
Sharapova vann í miklum hita
Liverpool hefur mikinn
áhuga á að fá miðjumanninn
Javier Mascherano á láni frá
West Ham en til þess þarf liðið
sérstaka undanþágu frá FIFA.
Mascherano má samkvæmt
reglum ekki spila með öðru liði
þar sem hann hefur spilað bæði
með Corinthians og West Ham á
þessu tímabili.
Mascherano hefur aðeins
spilað í heilar 6 mínútur síðan
West Ham tapaði fyrir Tottenham
22. október en hann kom á Upton
Park 31. ágúst síðastliðinn. FIFA
hefur tekið við beiðni Liverpool
og er að skoða málið.
Þurfa að sækja
um undanþágu