Fréttablaðið - 17.02.2007, Side 35

Dísiltæknin sækir stöðugt á og
nú er svo komið að bílasmiðir í
Formúlu 1 eru farnir að athuga
smíði dísilvéla. Þeir líta helst
til árangurs dísilvélar Audi í
Le Mans kappakstrinum.
Fleiri og fleiri kjósa að kaupa bíla
með dísilvélum. Ástæðurnar eru
ýmsar. Þær menga minna, eru
ódýrari í rekstri og skila mun
meira togi en frændur sínir bens-
ínvélarnar. Ýmsir ókostir hafa þó
fylgt þeim, hávaði, grófleiki og
mikil þyngd sem er það síðasta
sem ökumaður vill í bílinn. Með
auknum áhuga almennings og
áherslu framleiðenda á þróun
þeirra eru dísilvélarnar hins
vegar að ná bensínvélunum og
margir sérfræðingar spá
því að brátt muni
þær fara fram úr
þeim.
Úrslitin í Le Mans
kappakstrinum á síð-
asta ári eru vitnis-
burður um sókn dísiltækninn-
ar. Í fyrsta skipti í sögunni sigraði
dísilknúinn bíll kappaksturinn og
það með nokkrum yfirburðum.
Þar var á ferð Audi R10 en
hann sigraði einnig í Sebring
kappakstrinum fyrr á
árinu. Það verður að
teljast frábær
árangur á
jómfrúar-
ári.
Sigrarnir
gáfu skýrt til
kynna möguleika
dísiltækninnar
og nú keppast
aðrir framleið-
endur við að
skoða kosti sína
og hefur Peug-
eot þegar ákveðið að keppa á dís-
ilbíl á næsta ári, Peugeot 908 LM.
Með þessu vonast þeir eftir að ná
í skottið á keppinautum sínum í
Audi og um leið þróa dísilvélar
sem koma sér vel á dísilþyrstum
Evrópumarkaði.
Hugmyndir eru einnig uppi
um notkun dísilvéla í Formúlu 1.
Það er þó ákveðnum vandkvæð-
um bundið vegna flókinna reglu-
gerða og enn flóknari reglu-
breytinga sem ganga þyrftu í
gegn áður en hægt væri að
hleypa dísilbílum á brautina.
Allt er þó mögulegt. Hver veit
nema eftir fimm ár að Schuma-
cher hafi fengið nóg af ljúfa líf-
inu og snúi aftur í Formúluna og
rifji upp gamla takta á dísilknún-
um Ferrari?
Dísilvélar í Formúlunni?