Fréttablaðið - 02.05.2007, Page 16

2. MAÍ 2007 MIÐVIKUDAGUR8 fréttablaðið verk að vinna
Landslagsarkitektar vinna
með eigendum garða að hent-
ugu skipulagi. Garðar fylgja
tískusveiflum og arkitektarnir
finna fyrir því.
Það er ekki hlaupið að því að gera
garð að notalegum stað sem nýtist
vel. Þar koma landslagsarkitektar
inn í myndina en það færist í vöxt
að sérþekking þeirra sé nýtt bæði
við skipulagningu nýrra garða og
endurnýjun þeirra eldri.
Björk Guðmundsdóttir er lands-
lagsarkitekt og rekur hún, ásamt
Ingu Rut Gylfadóttur, landslags-
arkitektúr- og skipulagsstof-
una Forma. „Við vinnum fjölþætt
verkefni út frá óskum viðskipta-
vinanna,“ segir Björk. „Flestir
koma til okkar með ákveðnar hug-
myndir í huga, vilja leiksvæði
fyrir börnin, pall eða heitan pott,
og við vinnum út frá þeim.“
Þegar Björk hefur fengið ósk-
irnar á hreint fer hún á staðinn,
skoðar aðstæður, tekur myndir og
verður sér úti um grunnteikning-
ar að húsi og lóð. „Í framhaldi af
því teiknum við upp frumdrög að
lóðarhönnun. Svo hittum við við-
skiptavininn aftur og förum yfir
teikningarnar,“ segir Björk. „Þá
er algengt að smá athugasemdir
komi fram, einhverju sé breytt og
öðru bætt við, allt eftir því hvað
fólk vill. Því næst er bara að full-
vinna teikningarnar.“
Engir tveir garðar eru eins og
sömuleiðis eru engir tveir við-
skiptavinir eins. Hver verður að
sníða sér stakk eftir vexti og hefur
Björk stundum þurft að draga úr
væntingum viðskiptavina. „Sumir
vilja mikla gróðursæld, langar
innkeyrslur og risastórar styttur í
garðinn án þess að garðurinn bjóði
beint upp á það. Þá vinnur maður
bara með fólki og kemst að lokum
að góðri niðurstöðu,“ segir Björk.
Rétt eins og flest í manngerðu
umhverfi okkar fylgja garðar
ákveðnum tískusveiflum. „Í dag
vilja flestir fá viðhaldslitla og ein-
falda garða, svona fúnkís garða.“
segir Björk. „Pallar og pottar eru
alltaf mjög vinsælir og núna eru
útisturtur einnig orðnar vinsælar.
Það er einhver sjarmi yfir því að
fara í sturtu undir berum himni,
sjarmi sem fólk sækist eftir.“
- tg
Engir tveir garðar eru eins
Einn af görðunum sem Björk hefur hannað.
Björk Guðmundsdóttir landslagsarkitekt segist vinna út frá þeim hugmyndum sem viðskiptavinirnir komi með. FRÉTTABLAÐIÐ/VALLI
SérEfniehf. Lágmúli 7, bakhús. Sími 517 0404
Opið frá 0800-1800 alla daga og á laugardögum frá 10-14
Þegar gæðin skipta máli við að mála...