Fréttablaðið - 19.06.2007, Blaðsíða 49

Fyrrum trommari Bítlanna, Ringo
Starr, ætlar að gefa út á netinu
lögin sem hann sendi frá sér á
vegum plötufyrirtækisins Capitol/
EMI á árunum 1970 til 1975.
Frá og með 28. ágúst verður
hægt að hlaða niður lögum af
plötunum Beacoups of Blues frá
árinu 1970, Ringo, sem kom út
þremur árum síðar, og safnplöt-
unni Photograph: The Very Best
of Ringo Starr. Kemur sú plata
einnig út á geisla- og mynddiski
á næstunni. Á meðal laga á þeirri
plötu eru It Don´t Come Easy og
Sentimental Journey. Ný sólóplata
frá Ringo, Liverpool 8, er síðan
væntanleg í janúar á næsta ári.
Ekki er langt síðan Paul
McCartney, fyrrum félagi Ringo í
Bítlunum, gaf út sína 21. sólóplötu,
Memory Almost Full. Hingað til
hafa lög Bítlanna ekki verið fáan-
leg til niðurhals á netinu. Plötufyr-
irtækið EMI hefur þó lýst því yfir
að slíkt sé í undirbúningi.
Ringo á netinu
Kaffi Edinborg er nýtt kaffi-
hús sem opnaði á Ísafirði fyrir
um tveimur vikum. Það er Helga
Vala Helgadóttir bæjarstjórafrú á
Bolungarvík sem hefur tekið við
rekstri þess og segir viðtökurnar
hafa farið fram úr öllum hennar
væntingum. „Kaffihúsið mitt er í
hinu nýuppgerða menningarhúsi
hér, Edinborgarhúsi sem var byggt
árið 1907. Þarna voru fiskgeymsl-
ur og beitingaskúrar en nú verður
hægt að halda hér tónleika, leik-
sýningar og alls kyns skemmtileg-
ar uppákomur,“ segir Helga sem
unir sér vel í nýju vinnunni.
„Jeminn, það er svo gaman hjá
mér. Þetta er í fyrsta sinn sem ég
rek kaffihús en ég hef nú unnið
sem þjónn og barþjónn með nám-
inu. Viðtökurnar eru frábærar en
Ísfirðingar eru kaffiþyrstir með
meiru. Kaffihúsið er opið fram á
kvöld eða til eitt á virkum dögum
og til þrjú um helgar og fólk getur
því komið hérna við og haft það
notalegt með rauðvínsglasi og
góðum ostum,“ segir Helga en á
kaffihúsinu er einnig hægt að fá
sér í gogginn.
„Við erum með alls kyns dýr-
indis kökur og gerum út á að hafa
létta og góða rétti. Það er alltaf
einn réttur dagsins og upphaflega
ætlaði ég nú að sjá um eldamennsk-
una sjálf. Ég áttaði mig þó á því
bara fyrsta daginn að aðsóknin
var allt of mikil til þess að ég gæti
séð um þetta ein og sendi neyðar-
kall til kokksins. Í dag er ég komin
með fullt af starfsfólki og litla
kaffihúsið mitt er eiginlega orðið
risastórt.“
Bæjarstjórafrú býður bakkelsi