Fréttablaðið - 18.07.2007, Blaðsíða 34

„Afi has added you to
his/her contact list“
birtist einn dag þegar
ég kveikti á MSN-inu
mínu. Ég velti því fyrir
mér hver það væri
sem kallaði sig Afa á
MSN og datt ekki í hug
að það væri tæplega áttræður faðir
mömmu. Svo reyndist hins vegar
vera og stundum á ég skemmtilegt
spjall við afa í gegnum MSN. Efast
um að margir geti sagt hið sama.
Viðbót afa míns við MSN-list-
ann minn hefði svosum ekki átt að
koma mér neitt á óvart þar sem ég
veit varla um tækniglaðari mann.
Hann var sá fyrsti sem ég vissi af
sem eignaðist GSM-síma og ég man
hversu stoltur hann var þegar hann
spilaði fyrir mig allar hringingarn-
ar sem í boði voru á símanum. Álíka
stoltur er hann þegar hann sýnir
mér hversu margar stöðvar eru í
sjónvarpinu hans, hve nuddstóllinn
nuddar vel eða hve blóðþrýstings-
mælirinn hans er nákvæmur. Ég
get ekki annað en dáðst að mínum
stórgáfaða afa og hversu móttæki-
legur hann er fyrir nútímatækni
enda gerir hann óspart grín sjálfur
að þeim tíma þegar hann var ekki
eins tæknivæddur.
Amma rifjaði nýlega upp sög-
una af því þegar hún lá veik í rúm-
inu einn daginn og afi neyddist til
að elda. Greip hann þá til þess ráðs
að setja postulínsdisk á eldavél-
ina og leggja pylsu ofan á. Amma
fékk því sjóðheitan sprunginn disk
og kalda pylsu í rúmið og að sjálf-
sögðu hló afi hæst og mest að þess-
ari sögu. Í dag er afi alls ekki van-
kunnur eldhúsinu og vaskar upp og
aðstoðar við eldamennskuna eins
og atvinnumaður. Ég verð að við-
urkenna að ég er ansi stolt af því
hversu opin afi og amma eru fyrir
nútímanum hvort sem það er í sam-
bandi við tækninýjungar eða það að
endurskoða gamlar staðalímyndir.
Ég er líka spennt að sjá hvort fólk
verði viðtækilegra með aldrinum
en mér hefur ekki ennþá tekist að
kenna föður mínum að kveikja á
tölvu. Kannski ég setji afa í málið.
Ég vona allavega að það sé ekki of
langt í að birtist á MSN-inu mínu:
„Pabbi has added you to his/her
contact list.“