Fréttablaðið - 18.07.2007, Blaðsíða 39

Hljómsveitin Dúndurfréttir heldur
nokkurs konar „best of“ kvöld á
Gauki á Stöng í kvöld. Sveitin ætlar
að spila lög með fjórum uppáhalds-
hljómsveitum sínum, Pink Floyd,
Led Zeppelin, Deep Purple og
Uriah Heep. Verður meiri áhersla
lögð á Pink Floyd en venjulega.
Dúndurfréttir eru í fantaformi um
þessar mundir. Skemmst er að
minnast tónleika sveitarinnar í
Laugardalshöll þar sem hún spilaði
plötuna The Wall með Pink Floyd í
heild sinni ásamt Sinfóníuhljóm-
sveit Íslands við frábærar undir-
tektir. Fyrir skömmu spiluðu þeir
félagar síðan í Valaskjálfi á Egils-
stöðum og voru móttökurnar ekki
síðri. „Þetta var þvílíka stuðið,“
segir söngvarinn Matthías Matthí-
asson. „Þetta gaf nánast Höllinni
ekkert eftir. Þetta var ótrúlegt. Ég
hef varla spilað svona skemmtilegt
gigg lengi fyrir færri áhorfendur.“
Framundan hjá Dúndurfréttum
eru tónleikar á landsbyggðinni, þar
á meðal á Akureyri. Einnig ætlar
sveitin að halda stóra tónleika síðar
á árinu þar sem lög Eagles verða í
fyrirrúmi, eins og Fréttablaðið
hefur áður greint frá.
Spila blöndu af því besta
Fulltrúar frá barnaverndar-
yfirvöldum í Malaví eru á
leiðinni til Bretlands þar
sem þeir hyggjast rannsaka
hjónaband poppdrottningar-
innar Madonnu og leikstjór-
ans Guys Ritchie. Niður-
staðan mun ráða því hvort
hjónin fái að ættleiða David
Banda.
Ættleiðingin vakti mikla athygli
á sínum tíma og var talið að Mad-
onna hefði brotið lög þegar hún
fór til Malaví og kom heim með
David. Faðir drengsins sagðist
ekki hafa gefið leyfi fyrir ættleið-
ingunni og yfirvöld töldu söng-
konuna hafa eitthvað óhreint í
pokahorninu. Yfir fimmtíu mann-
réttindahópar mótmæltu þessari
aðferð Madonnu en hún stóð föst á
sínu og sagðist ekkert rangt hafa
gert. David og Madonna fóru síðar
til Bretlands þar sem strákurinn
hefur búið í góðu yfirlæti en nú er
komið að úrslitastundu.
Fulltrúar barnaverndaryfir-
valda Malaví ætla að skoða hjóna-
band Guy og Madonnu ofan í kjöl-
inn og verða þau spurð fjölmargra
erfiðra spurninga um sambúð
sína. Malaví er samkvæmt breska
blaðinu The Sun mjög íhaldssamt
land sem hefur horn í síðu áfeng-
isdrykkju, lyfjanotkunar og skiln-
aða. Hjónaband skötuhjúanna
hefur verið þó nokkuð á milli tann-
anna á bresku slúðurpressunni
sem hefur margoft spáð því að það
sé að fara í hundana. Sögusagnir
um framhjáhald hafa verið nokk-
uð lífseigar en svo virðist sem þau
Guy og Madonna hafi staðið storm-
viðrið af sér. Ef einhverjir maðkar
eru í mysunni munu barnavernd-
aryfirvöldin vafalítið koma auga á
það því þau hafa í hyggju að dvelja
á heimili þeirra í heila viku og
vera með þeim í allt að fimm
stundir á dag.
Madonna hefur lýst því yfir að
hún sé hvergi nærri hætt ættleið-
ingum og vilji ólm ættleiða afr-
ísku stelpuna Grace. Madonna á
fyrir dótturina Lourdes með einka-
þjálfaranum Carlos Leon og Rocco
með Guy en þau hafa verið gift í
sjö ár.
Djasskvartettinn Bonsom er á leiðinni í stutta tónleikaferð sem
hefst í Krákunni á Grundarfirði í kvöld. Annað kvöld spilar kvart-
ettinn í Deiglunni á Akureyri og á föstudags- og laugardagskvöld
spilar hann á Mývatni.
Bonsom er að fylgja
eftir samnefndri plötu
sinni sem kom út um
miðjan síðasta mánuð. Að
sögn bassaleikarans Þor-
gríms Jónssonar hafa
þeir félagar undanfarið
verið að fikra sig í átt að
rokki og þjóðlagatónlist
og má því búast við
skemmtilegri tónlistar-
blöndu á væntanlegum
tónleikum.
Vertu með frá byrjun
Við leitum að kraftmiklu og hressu fólki
sem vill takast á við áskorun í starfi.
Starfið felur í sér að veita viðskiptavinum
NOVA ráðgjöf í tengslum við hina nýju
3G þjónustu fyrirtækisins.
Við leggjum áherslu á gott og
skemmtilegt starfsumhverfi hjá nýju
og spennandi fyrirtæki.
NOVA er nýtt 3G félag sem mun bjóða
nýja tegund farsíma- og netþjónustu
síðar á þessu ári. 3G mun breyta með
hvaða hætti fólk á í samskiptum, miðlar
upplýsingum og afþreyingu.
Vilt þú takast á við nýja og skemmtilega
hluti að loknu sumarfríi og ganga til liðs
við NOVA?
NOVA · Sætúni 8 · 105 Reykjavík · Sími 517 6660 · nova.is
Verslanir
NOVA leitar að öflugum sölu-
og þjónusturáðgjöfum í verslanir.
Hæfniskröfur
Lífsgleði og jákvætt viðhorf.
Góð tölvukunnátta.
Stúdentspróf eða sambærileg menntun.
Nánari upplýsingar á nova.is
Sölu- og þjónustuver
NOVA leitar að öflugum sölu- og
þjónusturáðgjöfum í sölu- og þjónustuver.
Vinnutími
Unnið er á vöktum.
Í boði er fullt starf og hlutastarf.
Nýir starfsmenn munu fá yfirgripsmikla þjálfun
áður en þeir hefja störf.
Áhugasamir sendi inn ferilskrá með upplýsingum
um menntun og fyrri störf á netfangið
nova@nova.is fyrir 1. ágúst nk. Gætt verður
fyllsta trúnaðar varðandi allar umsóknir.
Vi
nn
in
ga
r v
er
ða
a
fh
en
di
r h
já
B
T S
m
ár
al
in
d.
K
óp
av
og
i.
M
eð
þ
ví
a
ð
ta
ka
þ
át
t e
rt
u
ko
m
in
n
í S
M
S k
lú
bb
. 9
9
kr
/s
ke
yt
ið
.
9. HVERVINNUR
3 VIKUR ÁTOPPNUM ÍUSA!
SMS
LEIKUR
ÞESSAR 8 KONUR MUNU
HITTA 1 BRJÁLAÐAN MANN
FRUMSÝND
18.07.07
SENDU SMS J
A DPF
Á NÚMERIÐ 1
900
OG ÞÚ GÆTIR
UNNIÐ
MIÐA FYRIR
TVO!
FLOTTIR AUK
AVINNINGAR
Í BOÐI!