Fréttablaðið - 18.07.2007, Blaðsíða 4

edda.is
Komin
í kilju!
Aðeins
1.290 kr.
Unglingabók
ársins 2006
Eftir við-
ræður við Shimon Peres, forseta
Ísraels, og Tzipi Livni, utanríkis-
ráðherra og varaforsætisráðherra
Ísraels, í Jerúsalem í gær segir
Ingibjörg Sólrún Gísladóttir utan-
ríkisráðherra að það séu „ákveðin
tækifæri“ í stöðunni í deilu Ísra-
ela og Palestínumanna „þótt það
kannski líti ekki þannig út“.
Formleg dagskrá vinnuheim-
sóknar Ingibjargar Sólrúnar til
Ísraels hófst í gær með heimsókn
í helfararminningarsafnið Yad
Vashem, en á mánudag fór hún í
skoðunarferð að landamærum
Ísraels að Líbanon og Sýrlandi.
Ingibjörg var fyrsti erlendi
ráðamaðurinn sem átti fund með
Peres eftir að hann tók við emb-
ætti forseta á sunnudaginn og
sýndu ísraelskir fjölmiðlar fund-
inum því talsverðan áhuga. Um
fundinn sagði Ingibjörg að það að
hitta Peres væri eins og að ganga
á vit sögunnar. „Hann hefur verið
á hinu pólitíska sviði í 60 ár, eða
jafnlengi og Ísraelsríki hefur
verið til. Að hitta slíkan mann er
auðvitað mjög merkilegt og fá að
heyra hans hliðar á málunum.“
Í samtali við Fréttablaðið að
loknum fundunum með Peres og
Livni sagði Ingibjörg að erindi
hennar á þessar slóðir væri að
„átta sig á þessum flóknu málum
sem hér er um að ræða“. Hún
minnti á að í stefnuyfirlýsingu
ríkisstjórnarinnar segði að hún
muni beita sér fyrir friði og mann-
réttindum í Miðausturlöndum, og
því væri hún að framfylgja með
heimsókninni.
Í viðræðum gærdagsins hefði
hún fengið að heyra hvernig þessi
mál horfðu við ísraelskum stjórn-
völdum. Hina hliðina fengi hún
síðar í vikunni á fundum með leið-
togum Palestínumanna.
„Þetta hafa verið mjög gagnleg-
ar viðræður. Maður fær miklu
skýrari heildarmynd af þeim
flóknu úrlausnaratriðum sem hér
er að fást við,“ segir Ingibjörg.
Hún hafi lært að í stöðunni séu
ákveðin tækifæri, „þótt það
kannski líti ekki þannig út“.
Um fundinn með Livni segir
Ingibjörg aðspurð að sér finnist
það tvímælalaust skipta máli að
þær séu báðar konur. „Það skiptir
verulegu máli í okkar samræðum.
Það gerir þær auðveldari, opin-
skáari, hreinskiptari en þær
kannski ella væru.“
Ingibjörg fyrst til að
ræða við forsetann
Ingibjörg Sólrún Gísladóttir utanríkisráðherra ræddi í gær við Tzipi Livni og
Shimon Peres, nýkjörinn forseta Ísraels. Hún segir viðræðurnar hafa verið
mjög gagnlegar en hún eigi eftir að heyra sjónarmið leiðtoga Palestínumanna.
Svissneski Evrópu-
þingmaðurinn Dick Marty, sem
hefur rannsakað í hálft annað ár
leynileg
fangelsi og
leynilegt
fangaflug á
vegum CIA í
Evrópulöndum,
var í gær
gagnrýndur á
Evrópuþinginu
fyrir að nota
nafnlausar
heimildir fyrir ásakanir sínar á
hendur nafngreindum stjórn-
málamönnum í Rúmeníu og
Póllandi.
Marty svaraði því til að
heimildarmenn sínir væru
sumir hverjir opinberir emb-
ættismenn sem gætu aðeins tjáð
sig í skjóli nafnleyndar.
Höfundurinn
gagnrýndur
Tæplega þrítugur íslenskur ríkisborgari
hefur verið dæmdur í Bremen í Þýskalandi fyrir fíkni-
efnasmygl. Maðurinn var handtekinn 21. janúar síðast-
liðinn með fimm kíló af hassi og 700 grömm af örvandi
efnum í fórum sínum. Hann hlaut tveggja ára skilorðs-
bundinn fangelsisdóm 6. júlí síðastliðinn.
Maðurinn er íslenskur ríkisborgari en hafði verið
búsettur í Danmörku þegar hann var handtekinn.
Alþjóðalögreglan Interpol hafði þá látið lýsa eftir
honum.
Íslenskir lögreglumenn fóru utan fyrr í sumar til að
yfirheyra manninn í tengslum við annað fíkniefnamál.
Þrettán kíló af hassi og 200 grömm af kókaíni höfðu
fundist í Kaupmannahöfn í hraðsendingu sem fara átti
til Íslands. Maðurinn var grunaður um að hafa pakkað
sendingunni í félagi við annan. Hann neitaði sök, líkt
og allir aðrir grunaðir í málinu, og var málið að end-
ingu látið niður falla þar sem ólíklegt þótti að nokkur
yrði sakfelldur.
Ekki fengust upplýsingar um það hjá embætti Ríkis-
lögreglustjóra hvort maðurinn hefði snúið aftur til
Íslands, eða hvort hann dvelur enn í Þýskalandi eða
jafnvel Danmörku þar sem hann var búsettur áður eins
og fyrr segir.
Lögreglan í Taílandi
handtók á dögunum mann sem
hugðist selja meira en tonn af
eitruðum kúlufiski til veitinga-
staða þar sem gera átti fiskibollur
úr kúlufisknum. Árið 2002 létust
sex Taílendingar eftir að hafa
borðað kúlufisk og var þá sala á
honum bönnuð í landinu.
Eitrið er í ákveðnum hlutum
fisksins og í Japan sækjast
hugaðir sælkerar eftir að borða
kúlufisk, sem þeir kalla fugu.
Þeir telja eitrið auka bragðskerpu
fisksins.
Árlega eru skráð tilfelli þar
sem fólk veikist eða deyr eftir að
hafa borðað kúlufisk.
Hugðist selja
eitraðan fisk
Fjórtán þorp í
vesturhluta Úkraínu urðu í
fyrrakvöld fyrir mengun eftir að
eldur kviknaði í flutningalest með
gulum fosfór þegar hún fór út af
sporinu. Aðstoðarforsætisráð-
herra Úkraínu, Oleksandr
Kuzmuk, líkti slysinu við kjarn-
orkuslysið í Tsjernóbyl og sagði
ómögulegt að spá fyrir um
afleiðingarnar.
Átta hundruð íbúar voru fluttir
brott. Hinum var ráðlagt að halda
sig innandyra, drekka ekki vatn úr
brunnum, borða ekki grænmeti úr
görðum og drekka ekki mjólk úr
kúm.
Líkt við slysið í
Tsjernóbyl
Icelandic Glacial, sem er
í eigu Jóns Ólafssonar og sonar
hans, hefur gert samning við
stærsta dreifingaraðila á
drykkjarvörum í Bandaríkjunum,
Anheuser-Busch, um dreifingu á
íslensku vatni þarlendis. Tilkynnt
verður formlega um samninginn í
dag. Þetta kom fram í kvöldfrétt-
um Stöðvar 2 í gær.
Samningurinn er sagður sá
stærsti sem gerður hefur verið
um sölu á íslensku vatni, en ný
átöppunarverksmiðja nærri
Þorlákshöfn mun geta framleitt
100-200 milljónir lítra af vatni á
ári. Anheuser-Busch er einna
frægast fyrir að brugga og selja
Budweiser-bjórinn.
Dreifir íslensku
vatni vestra
Allir Bretar verða
líffæragjafar nema þeir taki
annað fram nái tillaga landlæknis
Bretlands, Liams Donaldson,
fram að ganga. Donaldson segir
alvarlegan skort á líffærum í
Bretlandi þar sem að meðaltali
einn sjúklingur deyi daglega
meðan hann bíður eftir líffæri.
Samkvæmt breskum lögum
þarf fólk að hafa gefið samþykki
sitt fyrir líffæragjöf eða, hafi það
ekki tekið neitt fram, þurfa
aðstandendur að gefa samþykki.
Donaldson, sem er helsti ráðgjafi
breskra stjórnvalda í heilbrigðis-
málum, telur núgildandi lög letja
líffæragjöf.
Spánn, Belgía, Tékkland og
Austurríki hafa þegar tekið upp
svipaðar reglur og Donaldson
leggur til.
Vill gera alla að
líffæragjöfum