Fréttablaðið - 11.08.2007, Síða 94

1
6 7 8
10
13
119
12
15
16
18
21
20
17
14
19
2 3 4 5
Ylfa Lind Gylfadóttir
Þriggja hæða glæsisnekkja banda-
rísks auðkýfings með tólf manna
áhöfn liggur nú bundin við austur-
bakka Reykjavíkurhafnar. Snekkj-
an kom til landsins í fyrrakvöld og
hefur vakið mikla athygli vegfar-
enda enda öll hin glæsilegasta og
með þyrlu á þakinu. Mikil leynd
hvílir yfir eigendum snekkjunnar.
Hún er skráð á fyrirtækið Turmoil
Marine og er skráð í Georgetown
á Cayman-eyjum og siglir undir
flaggi þeirra. Áhöfn snekkjunnar
vildi ekki tjá sig um hver ætti bát-
inn þegar Fréttablaðið leitaði til
hennar í gær og vísaði blaðamanni
frá. Áhöfnin var enda á fullu að
þrífa snekkjuna og taka vistir um
borð. Ekki var heldur hægt að fá
upplýsingar um eigandann frá
hafnarstjórn né Eimskip, sem er
umboðsaðili snekkjunnar hér á
landi.
Fréttablaðið hefur þó heimildir
fyrir því að eigandi snekkjunnar
sé bandarískur auðkýfingur frá
Chicago sem hefur tvívegis áður
komið hingað til lands.
Snekkjan er öll hin glæsilegasta,
hvít og blá að lit, 63 metra löng og
tólf metra breið. Hún var smíðuð
af Assens Skibsværft og heitir
Turmoil. Nafnið sótti eigandinn til
sögunnar um danska skipstjórann
Henrik Kurt Carlsen, sem varð
heimsfrægur þegar hann hélt til í
sökkvandi skipi sínu í þrettán daga
í janúar árið 1952. Skipið sökk að
lokum sextíu kílómetrum fyrir
utan hafnarmynnið í Cornwall á
Bretlandi, nokkrum mínútum eftir
að skipstjórinn hafði yfirgefið það.
Bandaríski auðkýfingurinn er svo
heillaður af sögunni að hann hefur
átt fjögur skip sem hann hefur öll
nefnt Turmoil. Hann náði meira að
segja að hafa uppi á messastrák
Carlsen sem dvaldist í stutta stund
með skipstjóranum á sökkvandi
skipinu.
Samkvæmt heimildum Frétta-
blaðsins er snekkjan nýkomin frá
Grænlandi og verður á Íslandi í
tvær vikur.
Glæsisnekkja í Reykjavíkurhöfn
Fjórða Ástarvikan í Bolungarvík
hefst á morgun, þegar þrjú hundr-
uð gasblöðrum með ástarkveðjum
til heimsins verður sleppt til him-
ins. „Ég held að ástarvikan sé enn
stærri og veglegri í ár en áður, og
við erum með mikið af nýjungum,“
sagði Birna Hjaltalín Pálmadóttir,
framkvæmdastjóri Ástarvikunnar,
sem er ætlað að hvetja til kærleiks-
ríkra samskipta og fjölga Bolvík-
ingum.
Á meðal dagskrárliða eru þrenn-
ir tónleikar með hljómsveitunum
Myst, Pitchfork Rebellion og djass-
dúettinum Dúo Jazz Bonnie and
Clyde, uppistand með Eddu Björg-
vins og skútusigling. „Svo ætlum
við að sýna Grease í bílabíói, sem
verður algjört æði, og halda faðm-
laganámskeið á mánudagskvöldið.
Þá fer Lísbet Harðardóttir yfir bók
sem heitir Faðmlög og kennir fólki
hvað mismunandi faðmlög heita og
hverjum þau henta,“ útskýrði
Birna.
Eftir að athafnamaðurinn Grím-
ur Atlason varð bæjarstjóri í
Bolungarvík jókst árang-
ur Ástarvikunnar til
muna. Á árunum
tveimur þar áður hafði
eitt barn komið í heim-
inn níu mánuðum eftir
þemavikuna, en með
komu Gríms komu tvö
börn undir á Ástarviku. Þó
skal ósagt látið hvort beint
samband sé þar á milli. Á setning-
unni í ár verða börnin tvö, afrakst-
ur síðustu Ástarviku, verðlaunuð,
og segist Birna vonast til að kom-
andi vika verði að minnsta kosti
helmingi afkastameiri. Í fyrra
heyrðist því fleygt að sökum viða-
mikillar dagskrár gæfist Bolvík-
ingum vart færi á að fjölga íbúum,
en Birna hefur fundið ráð við því.
„Við reynum að hafa dagskrána
þannig að hún vari ekki lengi,
þannig að fólk getur auðveldlega
farið heim og lagt sitt af mörkum
eftir hana,“ sagði Birna. „Við hvetj-
um fólk eindregið til þess,“ bætti
hún ákveðin við.
Bolvíkingar hvattir til bólfara í vikunni
„Ég vona að með þessu sé búið að taka laugardags-
kvöldin í vetur frá hjá íslenskum fjölskyldum,“
segir Þórhallur Gunnarsson, dagskrárstjóri Sjón-
varpsins, um nýjan skemmtiþátt sem fer í loftið í
næsta mánuði. Þórhallur hefur kynnt fyrir starfs-
fólki sínu glæsilega vetrardagskrá. Rúsínan í
pylsuendanum er laugardagsþáttur stöðvarinnar þar
sem mikill fjöldi þekktra andlita verður áberandi.
„Þetta verður skemmtiþáttur með alls kyns
uppákomum, gríni og glensi. Meðal þeirra sem koma
fram í þáttunum eru Jón Gnarr, Sigurjón Kjartans-
son, Selma Björnsdóttir og fleiri en meginþemað
verður lagakeppni á milli níu þekktra lagahöfunda,“
segir Þórhallur. Þessir níu lagahöfundar eru
Guðmundur Jónsson úr Sálinni, Dr. Gunni, Barði í
Bang Gang, Magnús Þór Sigmundsson, Magnús
Eiríksson, Hafdís Huld Þrastardóttir, Svala Björg-
vinsdóttir, Fabúla og Andrea Gylfadóttir. Hvert
þeirra leggur til þrjú lög og í hverjum laugardags-
þætti eru spiluð þrjú lög sem keppa um sigur það
kvöldið. Þjóðin kýs á milli þessara þriggja laga og
sigurlagið kemst í úrslitaþáttinn. Þegar þessari
útsláttarkeppni er lokið fá aðrir lagahöfundar, sem
sendu inn lög eftir auglýsingu, að reyna sig í
tveimur þáttum. Að síðustu verður aukaþáttur þar
sem eins konar „wildcard“ lag verður valið. Þannig
verða eftir 12 lög sem keppa um að verða framlag
Íslands í Eurovision-keppninni næsta vor.
Þórhallur leggur áherslu á að hér sé verið að búa
til stórskemmtilega lagakeppni sem þjóðin taki þátt
í. Þannig kjósi fólk á milli laganna með símakosn-
ingu. Hlé verður gert á laugardagsþættinum og
öðrum dagskrárlið hleypt að en síðan verða úrslitin
kynnt í sérstökum þætti, svipað og gert var í Idol og
X-Factor á Stöð 2. „Þarna verða 33 glæný lög sem
frumflutt verða í þættinum í vetur, dúndurlög með
toppflytjendum. Lagahöfundarnir hafa líka frjálsar
hendur, þeir mega spreyta sig í öllu frá Eurovision-
lögum upp í þungarokk.“
Þorvaldur Bjarni Þorvaldsson verður tónlistar-
stjóri þáttarins og þrír útsetjarar hjálpa lagahöfund-
unum að vinna lögin. Þeir eru Óskar Páll Sveinsson,
Vignir Snær Vigfússon og Kiddi í Hjálmum. Fyrsti
þátturinn fer í loftið 29. september en Þórhallur
hefur ekki enn ákveðið hverjir verða stjórnendur
hans. Ekki er enn komið nafn á þáttinn. „Ég auglýsi
hér með eftir því,“ segir Þórhallur.