Fréttablaðið - 25.08.2007, Qupperneq 33

Afríka er flestum Frónbúum
alls ókannaður heimur, en
ógleymanleg paradís þeim
sem til þekkja.
„Töfrar Afríku felast ekki síst í
litadýrðinni, því náttúran er öll í
svo sterkum litum. Indlandshafið
er fagurgrænt og -blátt, strend-
urnar með snjóhvítum púðursandi
og sólin eins og eldrauð, risavaxin
kúla á fjólubláum himni við sól-
setur. Þá eru innfæddir yndislega
vingjarnlegir og glaðir í sinni,“
segir Inga Sólnes, eigandi Gesta-
móttökunnar sem hingað til hefur
staðið fyrir ráðstefnum og ferða-
lögum innanlands, en færir nú út
kvíarnar og býður til lúxusferðar
í Watamu-þjóðgarðinn í Kenýa í
september.
„Við lendum í höfuðborginni
Naíróbí og skoðum okkur þar um
fyrsta sólarhringinn. Þaðan förum
við í Masai Mara-þjóðgarðinn þar
sem við verðum í fjóra daga,“
segir Inga, en þess má geta að
kvikmyndin Out of Africa um ævi
Karenar Blixen var að hluta tekin
í Masai Mara. „Þar förum við í
safari-jeppaferðir við sólarupp-
rás og sólsetur til að sjá frum-
skóginn vakna og sofna með sínu
fjölskrúðuga dýralífi. Við gistum í
tjöldum sem útbúin eru öllum
hugsanlegum þægindum og verð-
ir standa fyrir utan sem verja
okkur fyrir hættulegri villidýrum
skógarins,“ segir Inga og nefnir
fíla og villihunda sem hættuleg-
ustu dýrin, meðan ljón og aðrir
villikettir Afríku eru jafnhræddir
við manninn og maðurinn er við
þá.
„Frá Masai Mara förum við yfir
á strönd Indlandshafsins í
Watamu-þjóðgarðinn, nokkuð
fyrir norðan Mombasa. Þjóðgarður-
inn er friðlýstur og einkennist af
friði, ró og stórkostlegri náttúru-
fegurð, en ferðamannastraumur
er ennþá lítill þar um slóðir. Í
Watamu njótum við lífsins á fimm
stjörnu hóteli við grænblátt hafið
og eyðum dögunum í siglingar,
sverðfiskveiðar, snorkling-köfun
og fleira dásamlegt,“ segir Inga,
en hægt verður að fara í skoðun-
arferðir á snákabúgarð og hand-
verksmarkað innfæddra, ásamt
fleiru sér-afrísku að sögn Ingu.
„Kenýa er fyrrum bresk
nýlenda og ber þess enn glöggt
merki. Kenýabúar tala góða ensku
og hótelið er í ensk-afrískum stíl,
með guðdómlegum mat, þjónustu
og fínheitum. Það er má segja
orðið uppselt í þessa ferð, en ég
hygg á fleiri ferðir til Afríku á
næsta ári.“
Afrísk paradísarheimt
við Indlandshaf
Skaftholt í Gnúpverjahreppi
verður með lífrænan markað
á laugardag.
Lífræna búið Skaftholt í Gnúp-
verjahreppi mun opna dyr sínar
nú í haust eins og undanfarin
fimmtán ár. Að Skaftholti er
starfrækt heimili fyrir þroska-
hefta sem lifa þar og starfa í
sátt við náttúruna.
Að Skaftholti hefur verið
stundaður lífrænn búskapur allt
frá árinu 1980 og er heimilið
með sjálfbæra ræktun. Að
Skaftholti er ræktað lífrænt
grænmeti bæði úti og í gróður-
húsum auk þess sem ræktað er
lífrænt korn.
Á laugardaginn gefst gestum
tækifæri á að kynna sér starf-
semina og kaupa grænmeti en
auk grænmetis vinnur búið
einnig sjálft mjólkurvörur til
heimilisins.
Á laugardaginn verður einnig
veitingasala þar sem er í boðið
kaffi og jurtate með heima-
bakkelsi. Opið verður laugar-
daginn 25. ágúst klukkan 14-17
og er Skaftholt um 5 km frá Sel-
fossi. Allir velkomnir.
Lífrænn markað-
ur í Skaftholti
Fljótsdalsdagur verður haldinn
hátíðlegur á Héraði á sunnudag.
Ormsteiti sem stendur yfir á Hér-
aði í Fljótsdal lýkur á sunnudag
með Fljótsdalsdegi. Dagurinn
hefst með gönguferð um Tröll-
konustíg og veiðikeppni Veiðiflug-
unnar í Bessastaðaá kl. 10.
Í Víðivallaskógi verða grillaðar
pylsur og hellt upp á ketilkaffi í
hádeginu. Eftir hádegi kl. 14. verð-
ur fjölbreytt dagskrá á Skriðu-
klaustri sem hefst með tónleikum
Ljótu hálfvitanna en sveitin Wit-
hout the Balls hitar upp fyrir Hálf-
vitana.
Síðan verður víkingahópurinn
Rimmugýgur með bardaga og
handverkssölu. Hinir árlegu Þrist-
arleikar munu svo fara fram á
flötunum við hús Gunnars skálds
og að venju verður keppt í poka-
hlaupi, fjárdrætti, steinatökum og
rabarbarakasti.
Auk þess er fólk hvatt til að
mæta með sultur og taka þátt í
sultukeppni þar sem keppt verður
í tveimur flokkum; besta rabar-
barasultan og aðrar sultur eða
hlaup. Einnig verður lengsti rabar-
barinn verðlaunaður.
Hádegis- og kaffihlaðborð verð-
ur hjá Klausturkaffi og gefst gest-
um meðal annars kostur á að skoða
sýninguna um Lagarfljótsorminn
sem stendur yfir á Skriðuklaustri.
Nánari upplýsingar veitir Skúli
Björn Gunnarsson, forstöðumað-
ur Gunnarsstofnunar, í síma 471-
2990 eða 860-2985.
Hálfvitar, víkingar
og fjárdráttur
FERÐATORG.IS1
Hringdu í síma
ef blaðið berst ekki