Fréttablaðið - 11.09.2007, Side 13

[Hlutabréf]
Velta á gjaldeyrismarkaði nam
750 milljörðum króna í ágúst og
hefur aldrei verið meiri í einum
mánuði. Mánaðarleg meðalvelta á
gjaldeyrismarkaði var um 350
milljarðar fyrstu átta mánuði árs-
ins.
Ástæðuna fyrir mikilli veltu-
aukningu í ágúst segir greiningar-
deild Glitnis vera óróa á fjármála-
mörkuðum heims í kjölfar
vandræða á bandarískum hús-
næðisskuldabréfamarkaði. Krónan
veiktist um 6,3 prósent í ágúst, en
greiningardeildin segir hana
undanfarin misseri hafa fylgt
gengi annarra hávaxtamynta, en
tilkoma krónubréfaútgáfu hafi
verið stór þáttur í að færa íslenskan
gjaldeyrismarkað nær öðrum
hávaxtamyntum á alþjóðlegum
gjaldeyrismarkaði.
Metvelta með
gjaldeyri í ágúst
Gengi hlutabréfavísitalna lækkaði nokkuð á sveiflukenndum
degi á helstu hlutabréfamörkuðum í Asíu, Bandaríkjunum
og Evrópu í gær.
Hlutabréfamarkaðir í Asíu slógu taktinn strax við opnun
viðskipta skömmu eftir miðnætti aðfaranótt mánudags að
íslenskum tíma en þá féll Nikkei-vísitalan um 2,5 prósent.
Inn í lækkunina spilaði lækkun á gengi Bandaríkjadals
gagnvart japanska jeninu auk þess sem nýbirtir hagvísar
benda til að dregið hafi úr hagvexti í Japan um 1,2 prósent á
öðrum ársfjórðungi.
Fjárfestar þykja uggandi um stöðu mála í Bandaríkjunum.
Þar hefur atvinnulausum fjölgað umfram spár og óttast er
að í kjölfar aukinna vanskila á fasteignalánamarkaði vestra
geti dregið úr eftirspurn og hagvexti í kjölfarið. Það getur
svo dregið úr útflutningi frá Asíu.
Fjárfestar í Bandaríkjunum hlýddu vongóðir í gær á
stjórnendur seðlabanka Bandaríkjanna tjá sig um stöðu
efnahagsmála þar í landi. Tónninn var með harkalegra móti
og endurspeglaði áherslur Ben Bernanke, seðlabankastjóra
Bandaríkjanna, sem hefur sagt að stýrivextir verði ekki
lækkaðir fyrr en draga taki úr verðbólgu.
Lækkun á hlutabréfamarkaði
FL Group hefur keypt alla hluthafa
Kjarrhólma ehf. út úr félaginu og
með því eignast 37,57 prósent
hlutafjár í Tryggingamiðstöðinni.
Ætla má að kaupverð nemi um 10,5
milljörðum króna en hluti þess er
greiddur með bréfum í FL Group.
Kjarrhólmi er annar stærsti
hluthafinn í TM á eftir Glitni, sem
keypti stærsta hluthafann út í síð-
ustu viku en ætlar að selja hlutina
áfram til fjárfesta.
FL Group og Sund ehf. áttu fyrir
viðskiptin hvort um sig 45 prósent
í Kjarrhólma en Imon ehf., félag í
eigu Magnúsar Ármanns, átti
fimm prósent og Sólstafir ehf.,
sem er í eigu Þorsteins M.
Jónssonar, stjórnarformanns Vífil-
fells og Glitnis, átti fimm prósent.
Þeir Magnús og Þorsteinn, sem
báðir eru stjórnarmenn í FL
Group, juku á sama tíma við sig í
FL Group fyrir 2,3 milljarða
króna.
FL Group næst-
stærst í TM