Fréttablaðið - 11.09.2007, Page 42

Eiður Smári Guðjohnsen
var kominn á fulla ferð á æfingu
íslenska landsliðsins í gær. Hann
mátti ekki taka þátt í leiknum
gegn Spáni þar sem yfirlæknir
Barcelona og læknir landsliðsins
komust að þeirri niðurstöðu að
hann væri ekki búinn að æfa nóg.
„Þegar sú ákvörðun verður
tekin að ég megi spila verð ég að
hafa reynt almennilega á mig á
æfingum og prófað alla hluti,“
sagði Eiður við Fréttablaðið í gær.
Hann sagðist hafa verið
svekktur yfir því að missa af
leiknum. „Já, mjög svekktur. Ég
hafði vonast til að taka þátt í
leiknum í 15-20 mínútur. Ég iðaði í
skinninu lokamínúturnar í
leiknum. Það skapaðist mikið rými
á vellinum og ég sá fyrir mér að
geta nýtt mér plássið og skapað
einhver færi.“
Eiður sagði jafn miklar líkur á
því að hann byrji gegn Norður-
Írum og að hann yrði á varamanna-
bekknum. „Ég verð áfram í góðu
samstarfi við Eyjólf og þetta fer
líka eftir því hvernig hann leggur
leikinn upp. Kannski endist ég í
60-70 mínútur, kannski bara 20-30
mínútur. Þetta verður bara að
koma í ljós. Ég er allavega ekki
smeykur við að byrja inn á.“
Eiður fagnar viðbrögðum lands-
manna eftir leikinn á laugardag.
„Þetta var einmitt það sem liðið
vantaði og þjóðina líka. Við vorum
staðráðnir í að koma af stað
jákvæðri umræðu og vonandi
heldur hún áfram.“
Stuðningsmannahópur íslenska
landsliðsins, Tólfan, lét til sín taka
á laugardaginn þannig að leik-
menn tóku vel eftir því.
„Þeir stóðu sig frábærlega, rétt
eins og í leiknum gegn Kanada.
Það er svo vonandi að þeir standi
við loforðið sitt og mæti á leikinn
við Norður-Íra. Þetta er einmitt
það sem hefur vantað, að fólk fari
á völlinn og skemmti sér. Strák-
arnir taka eftir þessu og þetta
gefur þeim aukinn kraft. Það má
líka velta fyrir sér hvenær þörfin
fyrir stuðning sé mest. Er það ekki
þegar gengi liðsins er ekki upp á
sitt besta?“
Eiður blæs á allar sögusagnir að
hann hafi komið í landsliðið til
þess eins að selja miða á leikinn
gegn Spáni en ekki taka þátt í
honum. „Sú umræða er það eina
sem mér fannst leiðinlegt í tengsl-
um við þennan leik. Þetta tal er
auðvitað fjarri sannleikanum enda
hefði ég aldrei komið hingað til
þess eins að taka þátt í einhverju
samsæri.“
Eiður Smári Guðjohnsen segir jafn miklar líkur á því að hann byrji gegn Norður-
Írum á morgun og að hann verði á varamannabekknum. Hann var svekktur yfir
að missa af Spánarleiknum og átti erfitt með sig á lokamínútum leiksins.
Það mátti heyra á fyrir-
liða og aðalmarkverði norður-
írska landsliðsins að liðið þyrfti
nauðsynlega á þremur stigum að
halda í leik liðsins gegn því
íslenska á Laugardalsvelli annað
kvöld. Norður-Írland er enn í öðru
sæti riðilsins í undankeppni EM
2008 og má einfaldlega ekki mis-
stíga sig ef liðið ætlar sér að kom-
ast í úrslitakeppnina í Austurríki
og Sviss.
„Það er núna eða aldrei fyrir
okkur,“ sagði Chris Baird, fyrirliði
og leikmaður Fulham í ensku
úrvalsdeildinni. „Við höfum ekki
efni á því að misstíga okkur frekar.
Eftir þennan leik eigum við þrjá
mjög erfiða leiki eftir en við erum
enn í öðru sæti í riðlinum og því er
þetta í okkar höndum enn sem
komið er.“
Á eftir Íslandi mæta Norður-
Írar Svíum á útivelli, þá Dönum
heima og að síðustu Spánverjum
ytra.
Um síðustu helgi töpuðu Norður-
Írar fyrir Lettum, sem sátu í neðsta
sæti riðilsins fyrir leikinn. Baird
skoraði eina mark leiksins en því
miður fyrir hann í eigið mark.
Í svipaðan streng tók Maik
Taylor markvörður. „Við viljum
koma okkur á rétta braut á nýjan
leik á morgun en það verður erfitt.
Ísland náði frábærum úrslitum
um helgina og mætir í leikinn með
mikið sjálfstraust.“
Það rigndi mikið á æfingu
Norður-Íra í gær en Taylor óttaðist
ekki veðurfarið. „Þetta er ekkert
sem við erum ekki vanir.“
Núna eða aldrei fyrir Norður-Írland
Eins og búast mátti við
voru spænskir fjölmiðlar allt
annað en sáttir við leik landsliðs-
ins við það íslenska á Laugardals-
vellinum um helgina. Luis Ara-
gones og hans menn máttu þakka
fyrir stigið en Andrés Iniesta,
leikmaður Barcelona, jafnaði
metin skömmu fyrir leikslok.
„Iniesta bjargaði okkur frá
algerri niðurlægingu,“ sagði í
fyrirsögn Marca. Varnarleikur
liðsins sem leiddi til marks Emils
Hallfreðssonar var einnig harka-
lega gagnrýndur, sem og rauða
spjaldið sem Xabi Alonso fékk
fyrir að traðka á Arnari Þóri
Viðarssyni.
El Mundo Deportivo hælir
Árna Gauti Arasyni mikið fyrir
frammistöðu hans í marki
Íslands og Sport hampar sínum
manni, Börsungnum Iniesta.
As fór ekki mildum höndum
um Aragones þjálfara. Það sagði
Iniesta hafa nú bjargað starfi
þjálfarans enn eitt skiptið.
„Luis, kauptu íbúð handa
Iniesta!“ stóð í fyrirsögninni.
„Íbúð. Venjuleg. Kannski á
tveimur hæðum og með háalofti.
Lítil og sæt íbúð í því hverfi sem
hann vill búa í. Kannski í Alba-
cete. Í Barcelona. Í Miami. Í
Kuala Lumpur. Kauptu íbúð
handa honum, Luis. Strax. Hann
hefur enn og aftur bjargað þér.“
Iniesta bjargaði Luis
Hvað
er að
frétta?
Eyjólfur Sverrisson
landsliðsþjálfari sagði eftir
æfingu íslenska liðsins í gær að
sínir menn væru vel stemmdir
fyrir næsta leik. „Nú er málið að
koma sér aftur á jörðina og
undirbúa næstu viðureign. Ég
býst við hörkuleik gegn Norður-
Írum, þetta verður stál í stál. Nú
gildir bara að menn séu ein-
beittir.“
Eyjólfur sagði að það kæmi til
greina að breyta um leikaðferð.
„Ég er ekki alveg búinn að ákveða
hvort ég haldi leikskipulaginu úr
Spánarleiknum eða breyti í 4-4-2.
Við eigum eftir að fara yfir
upptöku úr leik Norður-Írlands og
Lettlands og sjá hvaða veikleika
þeir hafa.“
Gæti breytt um
leikaðferð
Berum enga virðingu fyrir andstæðingnum
Helena Sverrisdóttir
mun spila með íslenska kvenn-
alandsliðinu í lokaleik liðsins í b-
deild Evrópukeppninnar sem fer
fram á Írlandi næsta laugardag.
Helena, sem er farin aftur til
Forth Worth í Texas þar sem hún
stundar nám við TCU-háskólann,
hefur fengið leyfi frá skólanum
sínum til að fara til Dublin og
leika með íslenska landsliðinu.
Helena er efst í stigum (16,6),
fráköstum (10,4) og stoðsend-
ingum (4,0) hjá íslenska liðinu
það sem af er keppninni.
Flýgur beint í
Írlandsleikinn
U-21 árs landslið
Íslands tekur á móti Belgum á
Akranesi í dag klukkan 17.30.
Leikurinn er liður í riðlakeppni
EM 2009. Þetta verður þriðji
leikur íslenska liðsins í keppninni
en það tapaði fyrir Kýpur í
Grindavík og gerði svo jafntefli
við Slóvakíu ytra.
Ein breyting hefur verið gerð á
hópnum en Hjálmar Þórarinsson
hefur tekið sæti Guðjóns Baldvins-
sonar, sem er meiddur.
Mætir Belgum