Fréttablaðið - 11.09.2007, Side 46

1
6 7 8
10
13
119
12
15
16
18
21
20
17
14
19
2 3 4 5
Þátttaka mexíkóska leikarans Gael
García Bernal í nýjustu kvikmynd
sænska leikstjórans Lukas Moodys-
son mun ekki stangast á við leik
hans í uppfærslu Gísla Arnar
Garðarssonar á Tillsammans,
gerðri eftir samnefndri mynd
Moodyssons. „Það hefur
engin áhrif á okkar plön.
Þeir munu alltaf laga tökur
á myndinni að leikritinu
okkar,“ sagði Gísli Örn.
„Lúkas hefur hagsmuna að
gæta á báðum vígstöðvum,
svo þetta er allt gert í
mikilli og góðri sam-
vinnu,“ bætti Gísli við.
Honum var kunnugt
um viðræður Bernals
og Moodyssons áður
en tilkynnt var um þátttöku
leikarans.
Bernal mun fara með aðal-
hlutverkið í myndinni
Mammut, en tökur á henni eiga að
hefjast í nóvember. Kvikmyndin,
sem verður á ensku, fjallar um
velmegandi par í New York. Bernal
leikur viðskipta-
manninn Tom, sem ákveður að
breyta lífi sínu þegar hann er
staddur í viðskiptaferð í Taílandi.
„Ég er sannfærður um að enginn
geti farið betur með hlutverkið en
hann. Ég varð virkilega glaður
þegar hann tók það að sér,“ sagði
Moodysson í viðtali við Aftonbladet
í síðustu viku.
Frumsýning á uppfærslu Gísla á
Tillsammans er áætluð upp úr
áramótum. „Við erum ekki alveg
búin að negla tímasetninguna
niður. Við ætlum að fara með
sýninguna út líka,
og erum að reyna
að tímasetja þetta
saman. Þetta er
dálítið púsluspil,“
sagði Gísli.
Samvinna hjá Moodysson og Gísla Erni
Smári Ásmundsson er sjálfstætt
starfandi auglýsingaljósmyndari í
Bandaríkjunum, með viðskiptavini
á borð við Lexus og Rolex á
ferilskránni. Hann flutti til Banda-
ríkjanna um tvítugt og hefur
dvalist þar í sautján ár. Hann segist
þó langt frá því að vera orðinn
albandarískur. „Ég er alltaf með
annan fótinn heima. Fjölskyldan
mín er þar og ég kem heim á hverju
ári,“ sagði Smári, sem skilur
myndavélina ekki eftir úti. „Mér
finnst íslenska landslagið vera það
fallegasta í heimi, og íslenskt fólk
líka alveg einstakt. Ég er mikill
Íslendingur í mér og mér finnst
rosalega gaman að mynda heima.
Veðrið og birtan eru alveg einstök,“
sagði Smári, sem tók nýlega myndir
hér á landi fyrir Getty Images.
Smára hefur gengið afar vel
síðan hann fór til Santa Barbara til
að stunda nám við ljósmynda-
skólann Brooks. „Öll verkefni sem
ég tek að mér núna eru á landsvísu.
Það sem ég geri endar að mestu
leyti í stórum blöðum, eins og
Vogue og Rolling Stone, og á
auglýsingaskiltum, eða „bill-
board“,“ útskýrði Smári. Hann
hefur meðal annars starfað fyrir
Volkswagen, Land Rover, Lexus og
Toyota, Timberland-fatamerkið,
úraframleiðandann Rolex og Four
Seasons-hótelin. Þýska tímaritið
Archive, sem nýtur mikillar
virðingar í auglýsingabransanum,
gefur árlega út bók með 200 bestu
auglýsingaljósmyndurum heims
og Smári hefur prýtt þann lista
síðastliðin tvö ár.
Hann segir það þó hafa verið
erfitt fyrir ungan Íslending að
koma sér á framfæri. „Þetta er
náttúrlega mjög harður bransi, svo
það er erfitt fyrir hvern sem er. Af
því fólki sem var með mér í
skólanum eru bara örfáir sem
starfa við þetta. Ætli íslenska
þrjóskan hafi ekki hjálpað til,“
sagði hann og hló við.
Í frítíma sínum, sem er af
skornum skammti, sinnir Smári
gæluverkefni sem hann kallar
Walden: A Year. Tjörnin sú öðlaðist
frægð þegar bandaríski heim-
spekingurinn og rithöfundurinn
Henry David Thoreau gaf út bókina
Walden, um árslanga dvöl sína í
kofa á svæðinu. Smári hefur
myndað umhverfi tjarnarinnar á
öllum árstíðum. „Þetta mun verða
að ljósmyndabók á endanum, og
svo ætla ég að sýna myndirnar í
galleríum og söfnum líka,“ útskýrði
hann. Af því verður þó ekki alveg á
næstunni. „Ég vona að það verði
innan næstu þriggja ára. Þetta
gerist þegar tími vinnst til, ég verð
bara að hafa það þannig,“ sagði
Smári.
Steinunn Sigurðardóttir sýnir vor-
og sumarlínu sína á tískuvikunni í
New York í dag. Þegar Fréttablaðið
náði tali af henni í gær var hún í
óða önn að undirbúa daginn. „Við
erum að setja upp allar gínurnar og
allt dótið. Við erum með svona
„showroom“, sem er mjög algengt.
Tískusýningarnar kosta svo gígant-
ískt mikið,“ sagði hún. Steinunn er
nú í fyrsta skipti opinberlega hluti
af tískuvikunni í New York. „Fyrir
vikið vita miklu fleiri af mér,“
útskýrði hún. Í dag verður hún því
með boð fyrir um hundrað blaða-
menn og tískuspekúlanta.
Steinunn kom til borgarinnar á
sunnudag og dreif sig strax á tísku-
sýningu hönnuðarins Narciso
Rodriguez, sem Style.com hóf til
skýjanna í gær. „Hún var gjörsam-
lega frábær,“ sagði Steinunn. „Við
Narciso unnum líka lengi saman
hjá Calvin Klein og ég hitti þarna
fullt af fyrrverandi samstarfs-
mönnum,“ sagði Steinunn, sem naut
kvöldsins til hins ítrasta.
„Það er ofsalega gaman að sjá
sýningar þar sem það er lögð svona
mikil áhersla á fullkomnun; módelin
kunna að ganga rétt og hár og
förðun eru til fyrirmyndar,“ sagði
hún dreymin. „Narciso er alveg
snillingur í sníðagerð. Það skiptir
líka miklu máli að fatahönnuðir fái
að sjá þetta; því meiri fullkomnun
sem þeir sjá, því meira læra þeir,“
bætti hún við.
Steinunn sýnir í New York
„Er það ekki bara súpan hjá
Hjálpræðishernum? Hún er
bæði ódýr og góð.“
Hvað er að frétta?