Fréttablaðið - 28.10.2007, Blaðsíða 4

Karlmaður hefur verið
sviptur ökurétti í tvö ár og
dæmdur til að greiða 160 þúsund
krónur í sekt fyrir ölvunarakstur.
Héraðsdómur Suðurlands kvað
upp dóminn.
Maðurinn var ákærður fyrir að
hafa ekið kófdrukkinn frá
stöðvarhúsinu við Nesjavalla-
virkjun út að Grafningsvegi efri
þar sem lögreglan stöðvaði hann.
Í lögregluskýrslu kom fram að
við hlið bílstjórasætis í bifreið-
inni hefði verið opin og átekin
vodkaflaska. Maðurinn kvaðst
hafa gripið óátekna flösku með
sér, eftir missætti í sumarbústað,
lagt bílnum á rútustæði við
Nesjavallavirkjun og sturtað í sig
til að reyna að sofna í bílnum.
Sekt og svipting
Talið er að vopnum sé
smyglað gegnum alþjóðaflugvöll-
inn í Vantaa í Finnlandi. Vélar
rússneska auðjöfursins Viktor
Bout hafa lent 76 sinnum á
flugvöllum í Finnlandi án
athugasemda af hálfu finnskra
yfirvalda. Finnska dagblaðið
Hufvudstadsbladet greinir frá.
Bout er eftirlýstur af Interpol
en flugfélag hans flýgur meðal
annars fyrir Sameinuðu þjóðirnar.
Vélar hans fá að lenda í Finnlandi
ef öll leyfi og öryggismál eru í
lagi. Bout hefur hafnað ásökunum
um að stunda vopnaviðskipti.
Talinn stunda
vopnasmygl
Allir útlendingar sem
koma til Japans verða frá og með
20. nóvember næstkomandi
ljósmyndaðir og tekin af þeim
fingraför við komu. Undanþegnir
reglunum verða börn yngri en
sextán ára, stjórnarerindrekar og
fólk með ótímabundið dvalarleyfi.
Upplýsingarnar verða bornar
saman við alþjóðlegar og
japanskar skrár yfir grunaða
hryðjuverka- og glæpamenn og
verður fólki sem finnst þar á skrá
vísað úr landi.
„Við vonum að kerfið haldi
hryðjuverkamönnum frá landinu
og veiti bæði Japönum og
ferðamönnum hér hugarró,“
sagði Takumi Sato hjá útlendinga-
stofnun Japans.
Fingraför tekin
af útlendingum
Tvö fyrirtæki hafa
tilkynnt áætlanir um að umbreyta
nýju Airbus A380 risaþotunni í
einkaþotur aðeins degi eftir að
slík þota í eigu Singapore Airlines
flaug sitt fyrsta áætlunarflug.
Svefnherbergi, kvikmynda-
salur, líkamsræktarsalur með
gufubaði og nuddpottum verða
meðal þæginda í einkaþotunni og
er milljarðamæringurinn Roman
Abramovich sagður þegar hafa
lagt inn pöntun fyrir slíkri.
Kaup á einkaþotum færast
sífellt í aukana og er áætlað að
um þúsund einkaþotur verði
afhentar á árinu 2007.
Risaþota til
einkanota
Tekist hefur að ráða niðurlögum
margra þeirra elda sem geisað hafa í Kaliforníu í
Bandaríkjunum undanfarna daga. Margir þeirra sem
þurftu að yfirgefa heimili sín hafa snúið aftur til síns
heima. Sumir komu þó að rústum einum, því að
minnsta kosti 1.800 heimili og aðrar byggingar
eyðilögðust í eldinum.
Eftirköst eldanna valda fólki einnig erfiðleikum því
magn sóts og ösku í loftinu er yfir hættumörkum í
sumum hlutum ríkisins. Loftið í San Diego-sýslu er
sérlega slæmt, en þar gekk verr að halda eldunum
niðri en annars staðar.
Íbúar á þeim svæðum þar sem loftið er verst eru
beðnir um að forðast það að reyna mikið á sig. Einnig
var mælst til þess að börn og fólk sem á við öndunar-
erfiðleika að stríða héldi sig innandyra. Á gervihnatta-
myndum sést hvernig stórt reykjarský liggur yfir
nær öllu svæðinu þar sem eldar brunnu.
Í það minnsta fjórtán hafa látist af völdum eldanna,
og yfir hálf milljón manns hefur þurft að yfirgefa
heimili sín. „Við munum hjálpa ykkur að slökkva
eldana, að komast í gegnum þetta, og að endurbyggja
líf ykkar,“ sagði George Bush Bandaríkjaforseti í
ávarpi sínu til þjóðarinnar í gær. Skemmdir af völdum
eldanna eru metnar á yfir sextíu milljarða króna.
Jóna Valdez, einn Íslendinga á svæðinu sem þurftu
að yfirgefa heimili sín vegna eldanna, var komin heim
þegar Fréttablaðið hafði samband við hana. Hún fór
ásamt eiginmanni sínum og þremur börnum heim til
Rancho Penasquitos á fimmtudag eftir að nágranni
þeirra hafði lýst fyrir þeim aðstæðum.
„Hverfið okkar slapp sem betur fer en það er mikið
öskuryk í grasinu og á jörðinni; börnin geta ekki enn
farið út að leika sér. Loftið er samt ágætt hjá okkur,
við erum það nálægt sjónum að við fáum sjávar-
rakann til okkar.“
Jóna segir vissulega hafa verið erfitt að yfirgefa
heimili sitt ásamt eiginmanni og þremur börnum, en
það hafi ekki verið hennar fyrsta skipti. „Ég ólst upp
á Patreksfirði og ég veit ekki hversu oft ég hef þurft
að yfirgefa húsið mitt vegna snjóflóðahættu. Þetta
var ekkert nýtt fyrir mér, en ég vona bara að þetta sé
búið.“
Íbúar í Kaliforníu
bölva sóti og ösku
Slökkviliðsmenn hafa náð tökum á stórum hluta skógareldanna í Kaliforníu.
Fólk er farið að snúa aftur heim til sín, en öskuryk í loftinu veldur vandræðum.
Vona bara að þetta sé búið, segir Íslendingur sem þurfti að yfirgefa heimili sitt.
Kona liggur enn á gjörgæslu
eftir bílslysið á Holtavörðuheiði á
föstudagskvöld.
Læknir á gjörgæsludeildinni
sagði lífsmörk konunnar stöðug,
en í gærkvöldi var ekki útséð með
hvort hún þyrfti að fara í frekari
aðgerðir.
Konan var á leiðinni suður með
manni sínum þegar slysið varð og
óku þau í pallbíl. Eftir slysið voru
þau hjónin flutt á Landspítalann
með þyrlu Landhelgisgæslunnar.
Búið var að flytja manninn á
almenna deild í gær.
Sú sem lést í bílslysinu var ind-
versk og á sextugsaldri. Hún var á
ferðalagi með tveimur samlönd-
um sínum á leiðinni norður heið-
ina og í fólksbíl.
Samlandar hennar voru fluttir
eftir slysið með sjúkrabíl á Heil-
brigðisstofnunina í Borgarnesi og
voru meiðsl þeirra ekki talin alvar-
leg.
Færð var léleg þegar slysið
varð, mikil hálka og snjókoma, og
var alhvítt yfir. Í gær snjóaði enn
á heiðinni og þurfti að moka til að
halda veginum opnum.
Lögreglan á Vestfjörðum fer
með rannsókn málsins og leitar
hún vitna að slysinu. Þeir sem geta
upplýst nokkuð um slysið eru
beðnir um að hafa samband við
lögregluna í síma 450 3730.
Fundarlaun
25.000 kr.
Tvö af fjórum skiltum við nýja bensínstöð
Atlantsolíu við Aktu Taktu Skúlagötu
hurfu af plani stöðvarinnar fyrir skömmu.
Dælulykill með 25.000 króna inneign
er til handa þeim sem vísað getur á skiltin.
Upplýsingar sendist til:
hugi@atlantsolia.is eða í síma 591-3100.
Ef fleiri en ein rétt ábending berst verður
einn heppinn dreginn út.
Sími 591 3100 - www.atlantsolia.is