Fréttablaðið - 28.10.2007, Blaðsíða 58
Lyfjatæknar starfa aðallega við afgreiðslu í apótek-
um eða lyfjaverslunum. Þeir starfa einnig í lyfjabúr-
um sjúkrahúsa, heildsölu, lyfjaverksmiðjum og opin-
berum stofnunum. Lyfjatæknar eru lyfjafræðingum til
aðstoðar og vinna ýmis verk undir þeirra leiðsögn, svo
sem við blöndun lyfja og afgreiðslu lyfja samkvæmt
lyfseðli. Starfsheiti lyfjatækna er lögverndað af heil-
brigðis- og tryggingamálaráðuneytinu.
Lyfjatækninámsbraut er í Fjölbrautaskólanum við Ár-
múla. Námið tekur að meðaltali fjögur og hálft ár og er
um 162 einingar. Því má skipta niður í almennt nám sem
tekur um eitt og hálft ár (3 annir) og þriggja ára sér-
nám (6 annir). Þar af er 14 vikna starfsþjálfun í lyfja-
verslun. Fyrstu þrjár annirnar eru kallaðar aðfarar-
nám og því verður að ljúka að mestu leyti áður en nem-
andi getur hafið nám í séráföngum lyfjatæknabrautar.
Að loknu námi og starfsþjálfun útskrifast nemendur og
fá sérstaka löggildingu frá heilbrigðisráðherra. Þeir
mega þá kalla sig lyfjatækna.
Í aðfararnáminu eru kenndar almennar greinar á borð
við íslensku, tjáningu, ensku, dönsku, sálarfræði, efna-
fræði, líffærafræði, lífeðlisfræði og stærðfræði. Að
aðfararnámi loknu taka sérgreinar við; svo sem af-
greiðslutækni, almenn lyfjafræði, hjúkrunarvörur og
sjúkragögn, lyfhrifafræði, lyfjahvarfafræði, lyfjagerð
og sjúkdómafræði.
Sérgreinar er einungis hægt að læra á lyfjatækni-
braut Fjölbrautaskólans við Ármúla.
Umsækjendur þurfa að hafa lokið grunnskólaprófi.
Þeir sem hafa lokið stúdentsprófi af náttúrufræðibraut
geta farið beint í nám í sérgreinum lyfjatæknibrautar.
Mögulegt er að bæta við lyfjatækninámið og ljúka
stúdentsprófi á starfsmenntabraut.
Lögverndað
starfsheiti
Auglýsingasími
– Mest lesið
Vegna ört vaxandi verkefna óskar Landform að ráða til starfa
landfræðing, tæknifræðing, landslagsarkitekt og tækniteiknara
sem unnið geta í Autocad eða hliðstæðum forritum. Um er að
ræða framtíðar störf. Áhugaverð verkefni í vinnslu hjá fyrirtækinu
og góð laun fyrir hæfa aðila. Sjá nánar á heimasíðu Landform,
www.landform.is Skrifleg umsókn sendist Landform Austurvegi
6, 800 Selfoss fyrir 9. nóvember 2007. Hafa má samband við
Odd Hermannsson, allar umsóknir verða merktar trúnaðarmál.