Fréttablaðið - 28.10.2007, Blaðsíða 2
Sýningin er opin
alla daga frá 10–17
Aðalstræti 16
101 Reykjavík
www.reykjavik871.is
Lífið á
landnámsöld
„Það er verið að selja þessa lóð til að
fjármagna kaup á orgeli,“ segir Þórður Þórðarson,
kirkjuvörður í Háteigskirkju.
Söfnuðurinn í Háteigskirkju hefur óskað eftir
leyfi borgaryfirvalda til að skipuleggja lóð fyrir sex
íbúða hús í norðvesturhorni kirkjulóðarinnar. Á
sínum tíma var þar gert ráð fyrir prestsbústað sem
aldrei var byggður.
Þórður segir að stefnt sé að því að kaupa orgel
fyrir Háteigskirkju. Slíkt hljóðfæri kosti sennilegast
um 50 milljónir króna. „Þetta er ekkert venjulegt
kirkjuorgel heldur barokkorgel. Það sem kemst
næst því er orgelið í Hallgrímskirkju,“ útskýrir
Þórður.
Borgin hefur enn ekki gefið grænt ljós á nýju
lóðina sem sóknarnefndin bindur vonir við að færi
söfnuðnum svo mikið í aðra hönd að peningarnir
slagi hátt upp í kostnaðinn við orgelið. „Við erum
búin að vera í um fimm ár að safna í orgelsjóð og
það gengur alveg rosalega hægt,“ segir Þórður.
Fjörutíu börn fengu
ferðastyrk frá Vildarbörnum
Icelandair í gær. Styrkirnir eiga
að gera börnunum kleift að
komast í draumaferðina sína
ásamt fjölskyldu og aðstoðar-
fólki. Áttatíu börn hafa þá hlotið
slíkan styrk á árinu, en hann er
veittur tvisvar á ári. Athöfnin fór
fram í Víkingasal Hótel Loftleiða.
Vildarbörn Icelandair er
ferðasjóður fyrir langveik börn
og börn sem búa við sérstakar
aðstæður. Sjóðurinn var stofnað-
ur af Icelandair sumardaginn
fyrsta árið 2003, og er verndari
hans frú Vigdís Finnbogadóttir,
fyrrverandi forseti Íslands.
Ferðastyrkir til
fjörutíu barna
Íslenskt innflutn-
ingsfyrirtæki hefur áhuga á því
að flytja danskt svínakjöt til
Færeyja, vinna úr því skinku þar
og flytja skinkuna svo inn til
Íslands og hefur þetta verið
kannað hjá Landbúnaðarstofnun.
Útilokað er að slíkur innflutning-
ur geti átt sér stað.
Halldór Runólfsson yfirdýra-
læknir segir að þær kjötvörur
sem Íslendingar megi flytja inn
skuli samkvæmt reglugerð koma
úr afurðastöðvum sem séu
viðurkenndar af Evrópusamband-
inu eða bandarískum yfirvöldum.
„Það er engin viðurkennd
afurðastöð í Færeyjum sem hefur
svona leyfi. Þar af leiðandi getum
við ekki heimilað innflutning til
Íslands með þessari millileið.
Málið er einfalt, reglugerðin
heimilar ekki innflutning á kjöti
með þessari viðkomu,“ segir
hann.
Má ekki vinna
svínakjötið í
Færeyjum
Fimm þurftu að fara
á sjúkrahús í gærmorgun eftir að
tvítugur maður réðst að þeim með
eldhúshníf að vopni í samkvæmi á
Akureyri.
Lögreglunni á Akureyri barst
tilkynning klukkan hálf sjö í gær-
morgun um að maður hefði verið
stunginn með hníf í heimahúsi.
Þegar hún kom á staðinn voru þar
tveir með stungusár á öxl og þrír
minna sárir. Þeir höfðu meiðst í
átökum við manninn.
Mennirnir voru á aldrinum 17 til
23 ára. Þeir fóru allir á Sjúkrahús
Akureyrar til aðhlynningar. Fjórir
fengu að fara eftir skoðun en einn
gekkst undir aðgerð í gær.
Lögregla fékk lýsingu á árásar-
manninum, handtók hann skömmu
síðar og yfirheyrði í gær. Maður-
inn, sem hefur komið við sögu lög-
reglu áður, gekkst við verknaðin-
um. Aðdragandi árásarinnar er
ekki ljós, en svo virðist sem deilur
hafi sprottið upp milli samkvæm-
isgesta sem lyktaði með því að
einn þeirra sótti hníf inn í eldhús
og lagði til hinna.
Gunnar Jóhannsson rannsóknar-
lögreglumaður segir hnífinn ekki
hafa verið ýkja stóran.
„En það er nú oft tilviljun sem
ræður því hvernig áverkar hljót-
ast af. Það þarf ekki endilega stór-
an hníf til að valda miklum skaða.“
Hnífamaður særði fimm
Tengdadóttir og sonur
Jónínu Bjartmarz, fyrrverandi
umhverfisráðherra, hafa stefnt
útvarpsstjóra og Kastljósi fyrir
ærumeiðingar og brot á friðhelgi
einkalífs. Þau Lucia Celeste Molina
Sierra og Birnir Orri Pétursson
vilja þrjár og hálfa milljón króna í
bætur, eftir því sem kom fram í
fréttatíma RÚV í gær.
Í stefnunni segir að látið hafi
verið að því liggja í umfjöllun
RÚV að umsókn Luciu um
ríkisborgararétt hafi fengið
sérmeðferð vegna tengsla við
ráðherrann. Það hafi verið
sérstaklega meiðandi fyrir hana og
Birni. Kastljós hafi einnig brotið
gegn friðhelgi hennar með því að
birta umsókn hennar.
Telja RÚV hafa
meitt æru sína
„Við verðum að vinna
hraðar en við ætluðum okkur að
því að koma Háskóla Íslands í
fremstu röð háskóla. Þetta kann
að hljóma djarft, en ég tel þetta
brýnt. Ég er líka sannfærð um að
til þess að þetta gangi eftir þurf-
um við að gera háskólann hratt að
alþjóðlegri stofnun,“ sagði Krist-
ín Ingólfsdóttir, rektor Háskóla
Íslands, við brautskráningar-
athöfn í gær.
Kristín rifjaði upp að fyrir
tæpum tveimur árum hefði hún
sett fram markmið um að koma
Háskóla Íslands í hóp hundrað
bestu háskóla í heiminum. Gerður
hefði verið afkastatengdur samn-
ingur um viðbótarfé frá ríkinu. Á
einu ári hefði vísindagreinum í
alþjóðlegum vísindatímaritum
fjölgað um átján prósent, doktors-
nemar væru fleiri og skólinn hefði
gert samstarfssamninga við
marga af bestu háskólum í heimi.
Mikilvægar skipulagsbreytingar
hefðu verið gerðar og leitað væri
til kennara skólans frá virtustu
háskólum heims.
Kristín taldi brýnt að fá hingað
til starfa framúrskarandi erlenda
vísindamenn.
„Við þurfum líka að nýta enn
betur þann ótrúlega styrk og þá
möguleika sem felast í getu skól-
ans til að ganga í vísindalegt
bandalag með bestu háskólum í
heimi,“ sagði hún og benti á nauð-
syn þess að auka samvinnu
íslenskra háskóla.
397 kandídatar brautskráðust
frá Háskóla Íslands í gær og 70
kandídatar frá Kennaraháskóla
Íslands. Í ræðu sinni gerði Ólafur
Proppé rektor KHÍ sameiningu
skólanna að umtalsefni. „Í sam-
einuðum háskóla verður væntan-
lega unnt að virkja enn betur en
nú er gert sérfræðiþekkingu í
báðum háskólum til að efla kenn-
aramenntun fyrir öll skólastig.“
Háskólinn færist
fyrr í fremstu röð
Kristín Ingólfsdóttir háskólarektor telur að vinna þurfi hraðar að því að koma
Háskóla Íslands í fremstu röð, gera þurfi skólann að alþjóðlegri stofnun, fá
framúrskarandi erlenda vísindamenn og efla samstarf íslensku háskólanna.
Tveir nýir stjórnar-
menn voru kjörnir
í stjórn Ásatrúar-
félagsins í gær.
Óttar Óttarsson,
fyrrverandi
lögsögumaður, tók
þar sæti, ásamt
Öldu Völu
Ásdísarsdóttur.
Tveir nýir
varamenn voru
jafnframt kjörnir í
stjórnina; Lára
Jóna Þorsteinsdóttir og Ólafur
Sigurðsson.
Kosning fór fram á árlegu
Allsherjarþingi og var það haldið
á Hótel Sögu. Farið var yfir
skýrslu stjórnar og nefnda,
reikninga og fleira.
Um kvöldið var blótað vættum
vetrarins og þær blíðkaðar, í
tilefni fyrsta dags hans.
Tveir nýir voru
kjörnir í stjórn
Hljóðfæraleikarar og
flestir áheyrenda á hljómleikum
Sinfóníunnar í gær klæddust
náttfötum.
Þar með var hugmynd átta ára
aðdáanda sveitarinnar hrint í
framkvæmd.
Þorgeir Tryggvason kynningar-
fulltrúi sagði að tónleikarnir
hefðu tekist vel og efnisskráin
einkennst af draumkenndri,
spennandi og svæfandi tónlist, í
hæfilegum hlutföllum.
Á náttfötunum
Hugi, var þetta prison-breikið
ykkar?