Fréttablaðið - 25.11.2007, Side 28

SVAÐALEGAR
BREKKUR og
unaðsleg „aprés-
ski“ stemning
8 FERÐALÖG
RENNDI SÉR NIÐU
SIGURÐUR KÁRI KRISTJÁNSSO
Skíðaferðir hafa lengi notið vinsælda en hvað er það
sem gerir það að verkum að ef fólk fer einu sinni vill
það helst strax fara aftur? Ferðalög spurði nokkra
skíðamenn og -konur hvert þau færu og hvað þau
gerðu – annað en að skíða.
HVERT FÓRSTU Í
BESTA SKÍÐAFRÍIÐ
ÞITT? Það eru hiklaust
þær ferðir sem við
höfum farið í Dalina þrjá
eða „Les Trois Vallées“
í frönsku Ölpunum sem
er stærsta skíðasvæði
í heimi. Við höfum
verið í Meribel Mottaret
sem er pínulítið þorp
efst í miðjum dalnum. Svæðið er
það stórt að við ákveðum alltaf á
morgnana á hvaða veitingastað við
hittumst í hádeginu og þar er alltaf
einhver gómsætur réttur dagsins.
Við fjölskyldan höfum verið þar tvö
undanfarin jól vegna þess að ekkert
er betra en snjór og franskur matur
og vín. Við eigum örugglega eftir að
fara þangað aftur og aftur.
HVERNIG SKÍÐI ÁTTU? Frekar stutt
og stíf Atomic-skíði.
HVAÐ ER NAUÐSYNLEGT AÐ TAKA
MEÐ SÉR Í GOTT SKÍÐAFERÐA-
LAG FYRIR UTAN SKÍÐIN OG
KLÆÐNAÐ? Fjölskylduna. Til þess
er maður nú að þessu.
HVERT ER BESTA SKÍÐAHÓTEL
SEM ÞÚ HEFUR DVALIÐ Á? Það
var pínulítið austurrískt skíðahótel
í Lech en þar var ég til dæmis í
næsta herbergi við Júlíönu Hol-
landsdrottningu. Ég varð þó ekki
var við neinar konunglegar hrotur.
Hótelið var svo sjarmerandi því týr-
ólahefðir voru svo áberandi í rekstri
þess. Það lá við að maður jóðlaði
við morgunverðarborðið.
HVER ER ÆSILEG-
ASTA BREKKA SEM
ÞÚ HEFUR BRUNAÐ
NIÐUR? Hún er í Selva
á Ítalíu. Þar er heims-
meistaramót í bruni oftar
haldið en ekki og það
er mjög gaman að vera
fyrstur þar niður þegar
snjórinn í brekkunni er
enn eins og flauel.
EFTIRLÆTIS SKÍÐAMÁLTÍÐIN?
Þegar lyftunum er lokað klukkan
hálffimm verslum við í lítilli kjörbúð
og kaupum meðal annars gæsa-
lifrarkæfu, osta og ískalt kampavín
og húsfreyjan töfrar eitthvað gott
úr því.
HVAR ER BESTI SNJÓRINN? Utah.
Ég hef ekki skíðað þar en er á
leiðinni þangað.
FALLEGASTA SKÍÐASVÆÐIÐ? Dal-
irnir þrír eru langfallegasta svæðið.
HVAÐ ER ANNAÐ SKEMMTILEGT
AÐ GERA Í SKÍÐAFERÐUM EN
AÐ SKÍÐA? Það er einfaldlega
bara samveran með fjölskyldunni,
að vera með konu og börnum.
Notalegt að vera úti saman, rjóður í
kinnum og reyna á sig.
HVAÐ ER BEST AÐ GERA Á
KVÖLDIN Í GÓÐU SKÍÐAFERÐA-
LAGI? Við skíðum frá því er opnað
og fram að lokun og tökum ekki
mikil hlé. Því erum við svo þreytt
á kvöldin og spennt að vakna til
að halda áfram að við förum mjög
snemma í háttinn.
HVERT MYNDIRÐU VILJA FARA
NÆST Á SKÍÐI? Ég er á leiðinni
til Bandaríkjanna, nánar tiltekið
Klettafjallanna. Þar förum við í
Jackson Hole, Wyoming og Deer
Valley og verðum um jólin.
GÆSALIFUR OG KAMPAVÍN
BESTA EFTIRSKÍÐA-SNAKKIÐ
PÁLL STEFÁNSSON LJÓSMYNDARI
HVERT FÓRSTU Í BESTA
SKÍÐAFRÍIÐ ÞITT? Besta
skíðafríið sem ég hef farið
í var til Fashina Fontanella
í Austurríki, enda það eina
sem ég hef farið í, en það
var alveg frábært og stóð
undir öllum mínum vænting-
um. Þarna vorum við með
öllum okkar bestu vinum í
ótrúlega góðu veðri, frábæru
færi og fallegu umhverfi í austurrísku
Ölpunum.
HVERNIG SKÍÐI ÁTTU? Ég á því miður
engin skíði eins og stendur og hef því
þurft að taka þau á leigu. En það stendur
vonandi til bóta.
HVERT ER BESTA SKÍÐAHÓTEL SEM
ÞÚ HEFUR DVALIÐ Á OG HVAÐ VAR
ÞAÐ SEM GERÐI ÞAÐ SVO FRÁBÆRT?
Walserhof-hótelið í Fashina Fontanella.
Þar er allt til alls.
HVER ER ÆSILEGASTA BREKKA SEM
ÞÚ HEFUR BRUNAÐ NIÐUR? Ætli það
STÆRSTA SKÍÐASVÆÐI HEIMS Páll Stefáns-
son ljósmyndari hefur farið oftar en einu
sinni í Dalina þrjá í frönsku Ölpunum og
dvalið þá í litlu krúttlegu þorpi sem heitir
Meribel Mottaret.
BESTI SNJÓRINN Arnar Sigurðsson, markaðsstjóri og skíðaspekúlant segir besta snjóinn vera í Colorado.
FASHINA FONTANELLA Sigurður Kári
Kristjánsson heimsótti þetta skemmtilega
skíðasvæði í Austurríki á síðasta ári og var
þar á skíðum allan daginn og skellti sér svo
í gufubað að degi loknum.
SLÖKUN PAR EXCELLENS
Skíðaferðir eru að mati
flestra ekki fullkomnaðar
nema með arineld, slökun
og gufubaði að lokinni
útiveru.