Fréttablaðið - 05.12.2007, Blaðsíða 9

H A U S
MARKAÐURINN 9MIÐVIKUDAGUR 5. DESEMBER 2007
Ú T T E K T
10. ÁGÚST 2007 - Í kynningu á hálfsársuppgjöri
segir Hörður Arnarson forstjóri Marels samþættingu á
rekstri Marels, Carnitech, Scanvægt og AEW/Delford
undir merkjum Marel Food Systems ganga samkvæmt
áætlun. Hann bendir á að órói á fjármálamörkuðum
kunni að fela í sér tækifæri í ytri vexti fyrir vel fjár-
mögnuð skráð félög.
4. SEPTEMBER 2007 - Eignarhaldsfélag Candover,
London Acquisition, framlengir yfirtökutilboð í allt
hlutafé Stork í Hollandi til 18. september. LME, sem
á 43 prósent í Stork, á í viðræðum við bæði London
Acquisition og Stork varðandi tilboðið og mögulegar
leiðir til úrlausnar. Þrýst er á um samruna Marel og
Stork Food Systems og ljóst að LME muni ekki ganga
að yfirtökutilboði Candover.
17. SEPTEMBER 2007 - Candover fellur frá yfir-
tökutilboði sínu í Stork þar sem ljóst er orðið að lág-
marksfjöldi hluthafa samþykkir það ekki. Formlegum
viðræðum er engu að síður haldið áfram hjá félögun-
um og niðurstaða boðuð fyrir miðjan október.
15. OKTÓBER 2007 - Tilkynnt að formlegar viðræð-
ur LME eignarhaldsfélags, Stork N.V. og Candover
haldi áfram, en engin tímamörk sett á niðurstöðu.
„Tilkynning um árangur viðræðna verður birt þegar
það er viðeigandi,“ segir í frétt til Kauphallar.
28. NÓVEMBER 2007 - Marel Food Systems
tilkynnir að félagið hafi náð samkomulagi við Stork
N.V. um kaup á Stork Food Systems. Kaupverðið er
415 miljónir evra. „Með kaupunum tvöfaldast velta og
umfang Marel auk þess sem grundvöllur fyrir áfram-
haldandi innri vöxt og arðsemi hefur verið styrktur,“
segir í tilkynningu. Áætlað er að kaupin verði frágeng-
in og fyrirvarar uppfylltir fljótlega eftir áramót.
29. NÓVEMBER 2007 - Á kynningarfundi vegna
kaupanna á Stork Food Systems fagna forsvarsmenn
Marels því að markmiðum sem átt hafi að ná á þremur
til fimm árum hafi náðst og vel það á innan við tveimur
árum. Áhersla félagsins er nú sögð munu verða lögð
á samþættingu og innri vöxt. Boðuð er útgáfa nýs
hlutafjár að upphæ 147 milljónir evra til að fjármagna
kaupin á SFS.
3. DESEMBER 2007 - Marel lýkur lokuðu hluta-
fjárútboði þar sem safnað var rúmum 2,7 milljörðum
króna. „Með útboðinu sem lauk á föstudag aflaði
Marel sem samsvarar um 30 milljónum evra og
breikkaði jafnframt og stækkaði hluthafahóp félagsins.
Fyrirhugað er forgangsréttarútboð á næsta ári að
fjárhæð um 117 milljónir evra,“ segir í tilkynningu til
Kauphallar.
I G N A R H A L D I Á H A U S T D Ö G U M 2 0 0 5
hvert um sig með um átta prósenta
markaðshlutdeild. Félögin höfðu átt í
nánu samstarfi í átta ár og voru aug-
ljóst sameiningarkostur vegna þess að
starfssvið þeirra sköruðust ekki.
Fjölmiðlar ytra höfðu nokkrum
dögum fyrr fjallað um viðhorf fjár-
festingarsjóðanna, en stjórn Stork
setti sig upp á móti sölu. Hluthafa-
fundur um miðjan október kaus hins
vegar á þá leið að selja bæri jaðar-
starfsemi frá Stork. Í Hollandi var
sagt að í deilunni tækjust á köld pen-
ingahyggja bandarísku fjárfestingar-
sjóðanna og eldri gildi sem forstjóri
Stork stæði fyrir. Forstjór-
inn, Sjoerd Volle-
brecht,
var á móti skipt-
ingu félagsins og kvaðst
hafa meiri áhuga á vexti þess, svo
sem með yfirtöku á Marel.
Hlutafélagalög í Hollandi eru þannig
að stjórn Stork var í sjálfsvald sett
hvort hún færi að vilja hluthafa og
kaus að gera það ekki. LME, eignar-
haldsfélag Marels, Landsbankans og
Eyris Invest, sem þarna átti um átta
prósenta hlut í Stork, hélt sig til hlés
í deilunni. „Við erum ekkert frekar
á bandi hedge-sjóðanna en stjórnar-
innar. Stjórnendur Stork og Marel eru
sammála um að þessi fyrirtæki séu
fremst á sínu sviði og passi vel saman.
Sjóðirnir vilja skerpa áherslur og að
Stork einbeiti sér að grunnþættinum,
flugiðnaði. Við erum sammála báðum,
en erum hins vegar ekki í neinu sam-
starfi við sjóðina,“ sagði Árni Oddur
og kvað meginástæðu þess að farið
var út í kaup á hlut í Stork á sínum
tíma hafa verið að tryggja áframhald-
andi gott samstarf fyrirtækjanna um
leið og tryggð væri aðkoma Marels ef
kæmi til breytingar á eignarhaldi eða
uppskiptingar hjá Stork.
Í hönd fór hatrömm deila milli fjár-
festingarsjóðanna og Stork. Sjóðirn-
ir lögðu fram kæru á hendur stjórn-
inni og blásið var til hluthafafundar
þar sem lýsa átti á hana vantrausti.
Stjórnin brá á það ráð að gefa út um
miðjan desember 2006 sérstök hluta-
bréf sem heimild er fyrir í hollenskum
lögum til að verjast yfirtöku. Málið
endaði á borði viðskiptaráðs áfrýjunar-
dómstóls í Amsterdam.
Hinn 18. janúar 2007 kom svo úr-
skurður dómstólsins þar sem vopnin
voru slegin úr hendi Stork og því
gert að draga til baka útgáfuna.
Um leið voru felldar niður
vantraustsályktanir hlut-
hafafundarins og Stork
skipaðir sérlegir til-
sjónarmenn og
hafin rannsókn á
viðskipta-
háttum fé- lagsins.
Þessi
þróun mála
hægði mjög á
öllum framgangi,
enda niðurstöðu rann-
sóknar ekki að vænta fyrr
en eftir nokkra mánuði. LME og Stork
tóku aftur upp viðræður, en þó ekki
nema óformlegar vegna deilunnar við
bandarísku sjóðina og þannig mölluðu
hlutir fram á sumar þegar enn urðu
vendingar. Hinn 19. júní kom fram
yfir tökutilboð frá breska fjárfesting-
arsjóðnum Candover upp á 47 evrur á
hlut. Í millitíðinni hafði LME tekið að
auka rólega við eign sína í félaginu.
Nokkrum dögum fyrr flaggaði félag-
ið 11 prósenta hlut. LME hóf að auka
hratt við hlut sinn og varðist með því
yfirtökunni. Þá voru aðrir hluthafar
ekki uppnumdir yfir tilboðinu, töldu
það heldur of lágt.
Í byrjun júlí nálgaðist eign LME í
Stork 20 prósent og ljóst að félagið
gæti jafnvel eitt staðið á móti yfirtöku
Candover, sem þurfti stuðning 80 pró-
senta hluthafa. Lækka mátti þó það
hlutfall með heimild stjórnar Stork
og því ekki unninn varnarsigur. LME
jók hins vegar hlut sinn jafnt og þétt,
gengi bréfa Stork var heldur yfir yfir-
tökutilboðinu á markaði og því eng-
inn þrýstingur á hluthafa að taka því.
Um miðjan ágúst var LME með þriðj-
ungshlut í Stork og orðið stærsti hlut-
hafinn. Orðaður var sá möguleiki að
félagið réðist í sína eigin yfirtöku á
Stork í samvinnu við aðra fjárfesta.
Candover framlengdi boð sitt um
hálfan mánuð í byrjun september, á
sama tíma og hlutur LME í Stork var
kominn í 43 prósent. Árni Oddur, sem
er framkvæmdastjóri Eyris, sagði
með fjárfestingunni vera sýnda
langtímaskuldbindingu gagn-
vart Stork-samstæðunni.
„Aukinn eignarhlutur
er jafnframt ætlaður
til að tryggja og
vernda þá fjár-
festingu sem þegar
hefur verið lögð í
félagið,“ sagði
hann.
Í hönd fóru
þríhliða viðræð-
ur Candover, Stork
og LME um lausn máls-
ins. Um miðjan septemb-
er dró Candover (eða Lond-
on Acquisition, eignarhaldsfé-
lag Candover) tilboð sitt til baka,
en um leið héldu áfram viðræður fé-
laganna. Stefnt var að niðurstöðu fyrir
miðjan október, en hún skilaði sér
ekki. Yfirlýsing var gefin út um að
viðræður héldu áfram þar sem unnið
væri að lausn öllum hagfelldum. Ljóst
var orðið að markmið LME var ekki
bara að tryggja samruna Marel og
Stork Food Systems, heldur taldi fé-
lagið Stork álitlegan fjárfestingarkost
með mikla vaxtarmöguleika.
SAMRUNI Á NÆSTA ÁRI
Niðurstaða viðræðnanna leit svo
dagsins ljós 28. nóvember síðastlið-
inn þegar tilkynnt var um kaup Marel
Food Systems á Stork Food Systems
á 415 milljónir evra, nálægt 38 millj-
örðum íslenskra króna. Með kaupun-
um tvöfaldast velta og umfang Marels
auk þess sem grundvöllur fyrir áfram-
haldandi innri vöxt og arðsemi er
sagður hafa verið styrktur. Fjármögn-
un er sögð að fullu tryggð með sölu
hlutabréfa í LME Eignarhaldsfélagi,
útgáfu hlutabréfa, sem Landsbanki
hefur sölutryggt, og með langtíma-
lánsfjármögnun. Um leið var samið
um þátttöku Eyris Invest og Lands-
bankans í yfirtöku á því sem eftir
stendur af Stork með Candover.
Hörður Arnarson, forstjóri Marel
Food Systems, var að vonum hæst-
ánægður með áfangann. „Við erum
að ná því markmiði sem við sett-
um okkur í byrjun síðasta
árs að verða eitt af leið-
andi fyrirtækjunum á
markaðnum. Það sem
við ætluðum að
gera á þremur til
fimm árum gerum
við á tveimur
árum og göngum
heldur lengra
en við ætluðum,“
sagði hann í við-
tali við Fréttablaðið.
Samþættingarferli fyrir-
tækjanna hefst að fengnu
samþykki samkeppnisyfirvalda
fyrir kaupunum, en það telur
Hörður að gæti orðið í febrúarbyrjun
næstkomandi. „Sú samþætting verður
mun einfaldari en í fyrri yfirtökum,“
segir hann, en vörulínur fyrir tækjanna
bæta hvor aðra upp og vegna sam-
starfsins þekkjast menn vel.
Eftir samrunann nemur markaðs-
hlutdeild Marel og Stork Food Syst-
ems um sextán
prósentum. Næsta
félag á eftir er með
um 10 prósenta
hlutdeild.
Nokkrir fyrirvara
eru þó á kaupunum,
en þeir snúa að því
að fyrirhugað yfir-
tökutilboð London
Acquisition N.V. um
að kaupa alla hluti
í Stork N.V. verði
skilyrðislaust, um-
sögn verkamanna-
ráðs Stork (Stork
Works Council)
verði jákvæð og
samþykki sam-
keppnisyfirvalda
fáist. Þar til öllum
formlegum skil-
yrðum hefur verið
fullnægt heldur
hvort fyrirtæki
áfram sjálfstæð-
um og óbreyttum
rekstri. Hjá Marel
telja menn ólíklegt
að vandkvæði finn-
ist á samrunanum,
yfirtakan á Stork njóti stuðnings bæði
stjórnar og stærstu hluthafa, verka-
mannaráðið horfi til þess hvort breyt-
ingin hafi slæm áhrif á verkafólkið,
en þar muni ekkert breytast. Þá sé
á markaði full samkeppni áfram og
líkur á frekari samrunum og því ólík-
legt að samkeppnisyfirvöld sjái sam-
runanum eitthvað til foráttu.
2007
290
milljó
nir ev
ra*
20
08
6
50
m
ill
jó
ni
r e
vr
a*
2 0 S T Æ R S T U H L U T H A F A R
M A R E L F O O D S Y S T E M S *
Hluthafi Eignarhlutur
Eyrir Invest 32,5%
Landsbanki Íslands 23,0%
Grundtvig Invest 14,0%
Atorka Group 3,8%
Lífeyrissjóðir Bankastræti 7 2,8%
Lífeyrissjóður verslunarmanna 1,8%
Ingunn Sigurðardóttir 1,5%
Helga Sigurðardóttir 1,4%
Súsanna Sigurðardóttir 1,4%
Eignarhaldsfélag Hörpu 1,1%
Egill Vilhjálmur Sigurðsson 1,0%
Stapi lífeyrissjóður 1,0%
Marel Food Systems 0,9%
Landsbanki Luxembourg 0,6%
Saga Capital 0,6%
Hörður Arnarson 0,4%
Kristín Henriksdóttir 0,4%
Sameinaði lífeyrissjóðurinn 0,3%
Landssjóður hf. 0,3%
LI-Hedge 0,3%
*Miðað við hluthafalista 29.11.2007
FRUMLEGT BOÐSKORT Svona lítur út
boðskort Marel Food Systems á kynningar-
fundinn vegna kaupanna á Stork Food
Systems í síðustu viku. Í kassanum var miði
þar sem fram kom að forstjóri og stjórnar-
formaður Marels, auk forstjóra SFS, myndu
kynna kaupin í höfuðstöðvum Marels í
Garðabæ. Einnig var í kassanum hvít fjöður,
en óvíst þó hvort hún er úr storki eða öðrum
fiðurfénaði. MARKAÐURINN/VILHELM
FORSTJÓRAR KYNNA SAMRUNA Hörður Arnarson, forstjóri Marel Food Systems, og Theo Hoen, forstjóri Stork Food
Systems, á kynningarfundi Marels vegna yfirtökunnar á Stork í síðustu viku. MARKAÐURINN/GVA