Fréttablaðið - 05.12.2007, Blaðsíða 20

5. DESEMBER 2007 MIÐVIKUDAGUR4 ● fréttablaðið ● tölvur & tækni
Margir elska að hata söngkon-
una ólukkulegu Britney Spears.
Það sýnir sig kannski best í því
að nafni hennar er slegið lang-
oftast upp í leitarvélinni Yahoo.
Leitar vélin birti nýlega topp tíu-
lista yfir þau orð sem er hvað oft-
ast leitað að.
Britney er reyndar
enginn nýgræð-
ingur á listanum
og hefur trón-
að á toppnum
síðastliðin sex
ár fyrir utan
árið 2004 þegar
vinkona henn-
ar, Paris
Hilton,
ruddi
henni úr
fyrsta sæt-
inu. Þetta árið
er Hilton hins
vegar í þriðja
sæti yfir upp-
flettingar en
var í fimmta sæti
í fyrra. Er talið að
nýleg fangelsis-
vist hennar á þessu
ári hafi hresst
upp á vinsældir
hennar meðal net-
verja. Leikkonan
Lindsay Lohan,
sem einnig
dvaldi stutta
stund í fang-
elsi á árinu,
varð sjötta á
listanum og
því ljóst að slæmt siðferði stjarn-
anna hefur jákvæð áhrif á fjölda
leitarniðurstaðna á Yahoo.
Í öðru sæti, líkt og á síðasta ári,
var WWE, World Wrestling Enter-
tainment. Aðalástæðan er líklega
lát atvinnuglímukappans Chris
Benoit sem myrti eiginkonu sína
og son og hengdi sig að lokum. Í
fjórða sæti voru Naruto, japönsku
manga-teiknimyndirnar. Netleik-
ir urðu í tveimur sætum á listan-
um, annars vegar leikurinn Rune-
Scape sem var númer sjö og hins
vegar Fantasy Football sem var
númer átta.
Fólk hefur þó ekki aðeins
áhuga á föllnum stjörnum því
söngkonan Beyoncé Knowles
var í fimmta sæti og söng-
konan Fergie númer níu.
Jessica Alba varð síðan í tí-
unda sæti enda var hún ný-
lega valin kynþokkafyllsta
kona veraldar árið 2007.
Nokkrar voru á listan-
um í fyrra en eru fallnar
burt: þær Jessica Simp-
son, Pamela Anderson
og Shakira.
Mest leitað
eftir Britney
1. Britney Spears
2. WWE
3. Paris Hilton
4. Naruto
5. Beyoncé Knowles
6. Lindsay Lohan
7. RuneScape
8. Fantasy Football
9. Fergie
10. Jessica Alba
Félag kvenna í upplýsingatækni hefur
verið starfrækt í tvö ár. Eitt af aðalmark-
miðum þess er að hvetja fleiri konur í
nám og störf innan fagsins.
„Meginmarkmið félagsins er að hvetja
konur í upplýsingatækni, bæði í nám og
starf. Það er mikil þörf á hæfu fólki innan
geirans og í konum búa afburðatækifæri
og mannauður, ekki síður en í körlum,“
segir Anna Ingólfsdóttir, prófessor í tölv-
unarfræði við Háskólann í Reykjavík, sem
er í stjórn félagsins.
Anna segir það bagalegt að svo fáir sæki
í nám í upplýsingatækni og vitnar jafn-
framt í ráðstefnuna „Upplýsingatækni – á
leið úr landi?“ sem fór fram í október. Þar
ávarpaði forsætisráðherra, Geir H. Haarde,
ráðstefnuna þar sem hann taldi það mikið
áhyggjuefni að lítið framboð sé á sérmennt-
uðu fólki í upplýsingatækni hérlendis, sér-
staklega þar sem fagið er framtíðar þekk-
ingarauður landsins.
„Okkur finnst það miður hvað konur
sækja lítið í upplýsingatækni, og þá sér-
staklega í tölvunarfræði. Líklega eru við-
horf kvenna til fagsins byggð á einhverj-
um misskilningi og að konur haldi að fagið
gangi út á annað en það gerir. Sannleikur-
inn er að hugbúnaðargerð reynir ekki
síður á sköpunargáfur og samskiptahæfi-
leika en tæknilega færni, enda er fólk að
leysa krefjandi vandamál frá ýmsum sjón-
arhornum. Þarna ættu hæfileikar kvenna
svo sannarlega að njóta sín ekki síður
en karla. Við þetta bætist svo að nám og
þjálfun í hugbúnaðargerð er góður grunn-
ur fyrir ýmiss konar störf eins og ótal
dæmi sýna,“ segir Anna.
Hún segir enn fremur að sumar félags-
kvenna starfi innan háskólanna en einnig
nefnir hún félagskonur hjá Íslenskri erfða-
greiningu og hjá ýmsum bönkum og fjár-
málastofnunum. „Þessar stofnanir kalla
mikið á færa tölvunarfræðinga og þá er
ekki eingöngu verið að falast eftir fólki
með góða tæknikunnáttu heldur fólki sem
er með skapandi hæfileika á hinum ýmsu
sviðum fagsins,“ segir Anna.
Félagið hefur verið starfrækt í rúm tvö
ár og allar konur sem starfa innan upp-
lýsingatækni, auk þeirra sem hafa áhuga
á eflingu kvenna innan fagsins, eru vel-
komnar í hópinn. Á heimasíðu félagsins
kemur fram að meðal markmiða er að
vera vettvangur skoðanaskipta um störf
kvenna í upplýsingatækni, stuðla að fjölg-
un kvenna í stjórnunarstöðum og stjórnum
fyrirtækja og auka sýnileika kvenna í upp-
lýsingatækni. En hvað flokkast undir upp-
lýsingatækni? „Upplýsingatækni fjallar
um alla þætti varðandi skráningu, með-
höndlun, vinnslu og framsetningu gagna
og upplýsinga sem notuð eru á flestum
sviðum samfélagsins þar sem unnið er með
gögnin með aðstoð tækninnar.“
Fram undan er áframhaldandi kynningar-
starf hjá félaginu og nefnir Anna þar meðal
annars heimsóknir í grunn- og framhalds-
skóla til að bera út boðskapinn. „Það þarf að
ná til barna og unglinga sem allra fyrst ef
það á að nást að leiðrétta þennan útbreidda
misskilning um eðli fagsins og vekja áhuga
sérstaklega stelpnanna,“ segir Anna.
Þeir sem þegar eru skráðir félagar í
Skýrslutæknifélagi Íslands, Ský, geta verið
meðlimir í faghópnum með því að tilkynna
sig til skrifstofu félagsins, en einnig er
hægt að vera eingöngu félagi í faghópnum.
Formaður félagsins er Þóra Halldórs-
dóttir en allar nánari upplýsingar má sjá á
vefsíðu félagsins: http://utkonur.wordpress.
com/um-stjornina - rh
Auður kvenna í upplýsingatækni
Anna Ingólfsdóttir, prófessor í tölvunarfræði og stjórnarmeðlimur í Félagi kvenna í upplýsingatækni, vill
auka hlut kvenna innan upplýsingatæknigeirans. FRÉTTABLAÐIÐ/GVA