Fréttablaðið - 05.12.2007, Blaðsíða 18

5. DESEMBER 2007 MIÐVIKUDAGUR2 ● fréttablaðið ● tölvur & tækni
Með tilkomu stafrænna myndavéla
spáðu margir að dagar filmuvéla væru
taldir. Að mörgu leyti virðast þessir
spádómar vera að rætast, enda fátt
eðlilegra miðað við yfirburði stafrænu
tækninnar. Ein tegund myndavéla
heldur þó merki filmutækninnar á lofti
og er vinsælli en aldrei fyrr, Holga-
myndavélin.
Holga-myndavélin
hefur unnið sér
það til frægð-
ar að taka upp
á eigið eindæmi
myndir sem líta
út eins og ljós-
myndari hafi
legið yfir þeim
tímunum saman í
Photoshop eða öðrum myndvinnsluforrit-
um, abstrakt-myndir þar sem fókusinn er
margskiptur, ljós og litir blæða og stundum
skeytir hún myndum saman með óvæntum
og mjög svo ánægjulegum árangri.
Ástæðan fyrir þessum sjálfstæða vilja
Holgunnar er einfaldlega að hún er svo illa
smíðuð. Hún er öll úr plasti, jafnvel linsan
er plast í flestum gerðum hennar. Hún er
svo illa samsett að rúlla af svörtu límbandi
fylgir vélinni til að líma fyrir allar þær rifur
sem hugsanlega geta hleypt ljósi inn að
filmunni með ófyrirsjáanlegum afleiðing-
um. En þar liggja líka töfrarnir. Engar tvær
vélar eru eins og eftir óteljandi pirrandi til-
raunir, þar sem myndirnar eru aldrei eins
og ljósmyndarinn ætlar sér, áttar hann sig
á því að myndavélin tekur myndirnar, ekki
ljósmyndarinn.
Þessir kostir Holgunnar hafa gert hana
gríðarlega vinsæla meðal áhuga- og atvinnu-
ljósmyndara sem og þeirra sem hafa áhuga
á því að leika sér að mismunandi tækni.
Myndavélin hefur selst í fleiri hundruðum
þúsunda eintaka um heim allan síðan hún
kom á markað og stendur sem sönnun þess
að stundum er minna meira.
Hægt er að nálgast Holga-myndavélar í
gegnum netið, til dæmis á www.lomography.
com, og kostar hún almennt um 70 evrur,
eða rúmlega 6.500 krónur. Einnig er hægt
að fá hana hér á landi í verslunum Hans
Petersen sem er með umboð fyrir vörur
Lomography. - tg
Myndavél með sjálfstæðan vilja
Á vefsíðunni www.lomography.com má finna
ýmislegt um Holga-myndavéiina.
Myndirnar úr Holgunni eru oftar en ekki ævintýra-
legar. Þetta er að stórum hluta að þakka 120 mm
filmunni, en hefðbundnar filmuvélar notast við 35
mm filmur.
Holga-myndavélin kom á markað árið 1982 í Kína.
Henni var ætlað að verða fjölskyldumyndavél lýðs-
ins og þess vegna var kostnaði haldið í lágmarki.
Leó Kolbeinsson starfar sem
kerfisfræðingur hjá Kerfis-
þróun ehf. og er með MS-
gráðu í upplýsingaöryggi frá
Royal Holloway University of
London. Hann hefur því víð-
tæka þekkingu á öllu sem lýtur
að öryggi við tölvunotkun.
Starf Leós snýst um að gera
tölvunotkun fólks og fyrirtækja
sem öruggasta og segir hann að
margt þurfi að hafa í huga til að
fyllsta öryggis sé gætt. „Ég sé
um alla ráðgjöf í sambandi við
tölvu öryggiskerfi varðandi gögn,
notkun á internetinu og öllu sem
snýr að tölvuumhverfi,“ segir Leó
sem hefur að undanförnu unnið
mikið í að setja upp varnir gegn
spilliforritum eins og vírusum og
njósnaforritum, auk uppsetning-
ar eldveggja en þessir hlutir falla
undir upplýsingaöryggi og miða
að því að verja gögn.
„Stór þáttur í mínu starfi er
að sjá til þess að utanaðkom-
andi aðilar komist ekki inn í
gögn fólks og fyrirtækja. Svo
erum við með afritunarþjón-
ustu en það er ákveðinn þáttur í
öryggismálum að til séu afrit af
öllum gögnum ef eitthvað kemur
fyrir. Þá hjálpa ég fyrirtækjum
að ákvarða hversu oft þarf að
taka afrit, hverjir hafa aðgang að
ákveðnum upplýsingum og fleira
slíkt,“ segir Leó.
Leó kennir fólki einnig að nota
netið á öruggan hátt þannig að
það smiti ekki vélarnar eða tapi
gögnum og peningum. „Þá sé ég
um allar öryggisstillingar í sam-
bandi við rafræn viðskipti, dul-
kóðun og almennt netöryggi og
set upp netkerfi fyrir fyrirtæki
með þessa þætti í huga,“ segir
Leó sem er eini kerfisfræðingur-
inn hér á landi sem hefur MS-
gráðu í upplýsingaöryggi en að
auki er hann með hæstu vottun
frá Microsoft. - sh
Örugg tölvunotkun
Starf Leós snýst um að gera tölvunotkun fólks og fyrirtækja sem öruggasta. FRÉTTABLAÐIÐ/VILHELM
Óhætt er að segja að ýmsar skemmtilegar
tækninýjungar hafi litið dagsins ljós það
sem af er árinu 2007, en víða eru farn-
ir að birtast listar yfir þær sem þykja
skara fram úr. Þar á meðal hefur
vef tímaritið Tech Republic birt lista
yfir helstu tækninýjungar í við-
skiptalífinu og sjálfsagt kemur
fáum á óvart að þar skuli iPhone
frá Apple tróna á toppnum.
- rve
Topp fimm við-
skiptatækninýjungar
1 Apple iPhone. Greinarhöfundur-inn Jason Hiner setur símann í
fyrsta sæti aðallega vegna þeirra
víðtæku áhrifa sem hann hefur
haft á árinu. Bæði þykir honum
síminn hafa skapað eftirspurn
eftir fjölnota símum í Banda-
ríkjunum og eins sé auðvelt að
vafra um netið á honum.
2 OQO. PC-tölva frá fyrir-tækinu OQO, sem passar
í vasann. Þetta tæki, sem
er í senn sími og tölva með
þráðlausu nettengi, rýkur
út eins og heitar lummur
að sögn greinarhöfundar,
sem þykir það hafa skapað
ný viðmið í framleiðslu
PC-tölva.
3 Microsoft Outlook 2007. Skipulagstól sem er nauðsynlegt öllum í viðskipta-lífinu að mati greinarhöfundar og tekur forverum sínum fram í ýmsu tilliti.
Meðal annars sé auðvelt að nálgast viðburðaskrá, finna gömul skilaboð og líma
texta úr skjali í tölvupóst án þess að textasniðið breytist.
5 Zoho Office. Zoho býður viðfangsforrit á netinu sem virka betur en forrit og Google og Microsoft að mati greinahöfundar. Þar nefnir hann Zoho Writer,
Zoho Sheet og Zoho Shoe, sem eru sambærileg Word, Excel og PowerPoint.
NOKKUR ATRIÐI TIL HLIÐSJÓNAR FYRIR ÖRUGGA NETNOTKUN:
1. Taka reglulega öryggisafrit, uppfæra stýrikerfið og annan hugbúnað
reglulega.
2. Nota eldveggi til að stjórna hvaða upplýsingar fara inn og út úr vélinni
en þetta virkar eins og sía.
3. Nota varnir gegn spilliforritum eins og vírus eða njósnaforritum.
4. Opna ekki fylgiskjöl í rusltölvupósti.
5. Senda aldrei viðkvæmar upplýsingar í tölvupósti eins og lykilorð að
reikningum eða öðru slíku.
6. Forðast að smella á vefföng sem koma með tölvupósti.
7. Þegar koma „pop-up“ auglýsingar á að loka þeim með því að smella á x-
hnappinn á auglýsingunni en ekki já, nei eða cancel.
8. Forðast að hlaða niður ólöglegri tónlist eða myndböndum eða öðru efni.
Það eru helstu smitleiðirnar á netinu í dag.
4 Cisco Tele-Presence. Hiner
setur símafundi með
aðstoð Cisco-sím-
stöðva í fjórða sæti,
meðal annars þar
sem slíkir fundir
dragi úr ferðatengd-
um kostnaði hjá
stórfyrirtækjum
með dreifða starf-
semi.