Fréttablaðið - 22.01.2008, Blaðsíða 8
8 22. janúar 2008 ÞRIÐJUDAGUR
ÍS
L
E
N
S
K
A
/S
IA
.I
S
/O
R
K
4
07
10
0
1/
08
Óþarfa gluggapóstur finnur sér leið inn á of mörg heimili í dag.
Á tímum rafrænna greiðslna og vefvæðingar ætti gluggapóstur
fyrir löngu að vera leifar gamals tíma, sóunar og óskynsemi.
Svo ekki sé minnst á umhverfisspjöllin.
Með því að fara inn á www.or.is/bodgreidslur getur þú lagt þitt af mörkum
til umhverfisverndar og borgað reikningana þína með boðgreiðslum.
Enginn pappír, enginn gluggapóstur, ekkert vesen.
Skiptu yfir í boðgreiðslur
• Ef allir viðskiptavinir OR skipta yfir í boðgreiðslur sparast 7068 kg
af pappír á ári eða 295 tré.
www.or.is
Fyrstu 100 sem skipta
yfir í boðgreiðslur
fá glaðning frá
Orkuveitu Reykjavíkur
Er þetta
ekki orðið
ágætt?
SJÁVARÚTVEGUR Um sextíu starfs-
mönnum í landvinnslu HB
Granda á Akranesi verður sagt
upp um næstu mánaðamót vegna
gagngerra breytinga á land-
vinnslu fyrirtækisins. Tuttugu
starfsmenn verða endurráðnir til
að starfa við flakavinnslu og
loðnuhrognavinnslu í sumar.
Ástæðan fyrir breytingum á land-
vinnslu fyrirtækisins er skerðing
aflamarks í þorski.
Gísli S. Einarsson, bæjarstjóri
á Akranesi, segir að ákvörðun
HB Granda sé reiðarslag fyrir
bæjarfélagið. „Ég held að for-
svarsmenn fyrirtækisins séu að
gera mikil mistök, og ég harma
þetta mjög. Frá fyrirtækinu eru
þeir að missa mikinn mannauð;
mikla þekkingu. Þetta fólk hefur
áratuga reynslu við fiskvinnslu-
störf.“
Gísli segir að bæjaryfirvöld
muni verða þeim sem missa vinn-
una innan handar við atvinnuleit
og bindur vonir við að störf sé að
hafa í verksmiðjunum á Grundar-
tanga.
Sérstaklega lítur Gísli þá til
starfa fyrir fjölda kvenna sem
missa vinnuna í HB Granda.
Á heimasíðu HB Granda kemur
fram að forsvarsmenn gera sér
grein fyrir að uppsagnirnar séu
alvarleg tíðindi fyrir fjölda fólks
og harmar að til þessa þurfi að
koma. Stjórnendur HB Granda
munu eftir megni liðsinna fólki
við að komast í vinnu annars
staðar. - shá
HB Grandi dregur saman seglin á Akranesi:
Um sextíu starfs-
mönnum sagt upp
FRÁ AKRANESI Mikið áfall fyrir atvinnu-
lífið á Akranesi.
VIÐSKIPTI „Þetta er í samræmi við
það sem við bjuggumst við, en
þetta endar ekki með þessum
fundi,“ segir Orri Hauksson, tals-
maður Novators í Finnlandi.
Kröfu Novators, félags Björg-
ólfs Thors Björgólfssonar, um að
fá tvo menn í stjórn finnska fjar-
skiptafélagsins Elisa var hafnað
á fjölmennum hluthafafundi sem
haldinn var í skautahöllinni í
Helsinki í gær.
Handhafar 53 prósenta hluta-
fjár greiddu atkvæði gegn tillögu
Novators.
Björgólfur Thor segir í frétta-
tilkynningu að það komi á óvart
„að finnskir fjárfestar vilji
standa í vegi fyrir því að lang-
stærsti hluthafi í félaginu, með
47% atkvæða á bak við sig, eigi
sæti í stjórn“.
Novator er stærsti einstaki
hluthafinn og ræður einn og sér
yfir um 15 prósentum atkvæða.
Novator krafðist hluthafa-
fundarins í gær. Auk stjórnar-
sæta vildi félagið einnig breyta
samþykktum Elisa, en féll frá
þeirri kröfu fyrir fundinn.
Orri Hauksson segir að áfram
verði sóst eftir stjórnarsæti.
Stutt sé þangað til aðalfundur
félagsins verði haldinn. Hugsan-
lega verði þá búið að semja um
sætið. - ikh
Kröfu Novators um stjórnarsæti í Elisa hafnað:
Meirihluti gegn Novator