Fréttablaðið - 22.01.2008, Blaðsíða 38

22 22. janúar 2008 ÞRIÐJUDAGUR
folk@frettabladid.is
Salma Hayek og unnusti hennar,
Francois-Henri Pinault, eru efst á
lista yfir ríkustu pörin í Holly-
wood, sem tímaritið In Touch
hefur tekið
saman. Fyrir
utan að vera
vinsæl leikkona
er Hayek
framleiðandi
þáttanna Ugly
Betty, sem hafa
notið gríðar-
legra vinsælda.
Pinault er hins
vegar fram-
kvæmdastjóri
tískurisans PPR, sem á meðal
annars Gucci og Yves Saint-
Laurent.
Önnur pör sem prýða listann
eru tónlistarmógúllinn Simon
Cowell og kona hans, Terri
Seymour, Justin Timberlake og
Jessica Biel, og svo Jessica
Simpson og nýi kærastinn hennar,
ruðningsmaðurinn Tony Romo.
Hayek ríkust
SALMA HAYEK
Björk Guðmundsdóttir segir að textar
annarra poppara séu allt of alvarlegir og
lítið pláss sé fyrir grín og glens. Telur
hún að Bush Bandaríkjaforseti og stjórn
hans eigi þar hlut að máli.
„Íhaldssemin hefur aukist mikið í
valdatíð Bush. Því miður hef ég áttað
mig á því eftir því sem ég hef orðið eldri
að forsetinn hefur mikil menningarleg
áhrif á heiminn. Það er ömurlegt að vita
til þess en það er satt,“ sagði Björk í við-
tali við ástralska dagblaðið The Age. „Ég
held að í átta af hverjum tíu textum
mínum sé ég að gera grín að sjálfri mér.
Flestir vina minna sem ég hef átt í
tuttugu ár vita þetta en þegar ég er borin
saman við aðra poppara er andrúms-
loftið öðruvísi í þeirra textagerð.“
Að sögn Bjarkar telja íhaldsmenn
ástandið í heiminum vera of alvarlegt til
að hægt sé að hlæja að því. „Þeir gleyma
því að þá er einmitt rétta stundin til að
hlæja. Ég held að skýringin á þessu sé
óttinn við dauðann. Fólk vill ekki kafa
djúpt í hlutina. Þeir verða að vera yfir-
borðskenndir þannig að fólk feli sig í
brynju á bak við sólgleraugu. Kannski
misskilur fólk mig en það er allt í lagi,
því nógu margir kunna að meta mig. En
ég vona að þegar Bush hætti í embætti
muni fólk sleppa aðeins meira fram af
sér beislinu,“ sagði hún.
Segir Bush hafa áhrif á popptexta
BJÖRK GUÐMUNDSDÓTTIR Björk
gagnrýnir Bandaríkjaforseta í viðtali við
ástralska dagblaðið The Age.
Jennifer Lopez mun halda veislu
til heiðurs væntanlegum erfingja í
New York í vikunni. Slíkar veislur
eru hefðum samkvæmt vestan-
hafs, þar sem þær kallast „baby
showers“. Vinir og ættingjar færa
þá verðandi foreldrum sæg gjafa
fyrir barnið og þiggja kaffi og
köku í staðinn.
Lopez ku hins vegar ætla að
gera enn betur við sína gesti og
hyggst gefa hverjum og einum
barnasnuð með demantsskrauti til
minningar. Á gestalistanum eru
meðal annars stjörnur eins og
Victoria Beckham, Katie Holmes
og Matthew McConaughey, sem er
sjálfur að verða faðir á árinu og
ætti því að geta notað snuðið
góða.
Lopez ljóstraði því nýlega upp
að hún hefði fundið fyrir miklum
þrýstingi varðandi barneignir frá
fjölskyldu sinni. „Þegar Marc og
ég vorum nýgift hringdi mamma
mín í mig á hverjum degi til að
spyrja hvort ég væri með ein-
hverjar fréttir. Ég kem úr stórri
fjölskyldu þar sem allt snýst um
að eignast börn, svo það var rosa-
legur þrýstingur alveg frá byrjun,“
segir söngkonan.
J-Lo gjafmild
VEISLA FYRIR BARNIÐ Jennifer Lopez
heldur veglega veislu fyrir væntanlegan
erfingja þar sem hún hyggst gefa gest-
um demantsskreytt snuð.
NORDICPHOTOS/GETTY
Tónleikar til heiðurs
bandarísku söngkonunni
Janis Joplin voru haldnir
á skemmtistaðnum Organ
á laugardag. Þá hefði hún
orðið 65 ára en hún lést
langt fyrir aldur fram árið
1970, aðeins 27 ára.
Á meðal þeirra sem stigu á svið og
fluttu lög Joplin á tónleikunum
voru Andrea Gylfadóttir, Daníel
Ágúst, Didda, Jenni, Lay Low og
Ragnheiður Gröndal. Stemningin í
salnum var góð enda Joplin fyrir
löngu orðin goðsögn í tónlistar-
heiminum.
Goðsögnin Joplin hyllt
INNLIFUN Andrea Gylfadóttir syngur lag Janis Joplin af mikilli innlifun við undirleik
Guðmundar Péturssonar og félaga. FRÉTTABLAÐIÐ/ARNÞÓR
DANÍEL ÁGÚST Daníel Ágúst Haraldsson
var á meðal þeirra sem sungu lög Joplin.
SAMAN Á ORGAN Frosti Jón Runólfsson,
Hrafnhildur Hólmgeirsdóttir og Didda,
sem einnig steig á svið á Organ, stilltu
sér upp fyrir ljósmyndara.
STEMNING Gleðin skein úr andlitum
þeirra Guðfinnu, Hafdísar og Þóris á
tónleikunum.
> VISSIR ÞÚ?
Dollaramerkið, $, var fundið upp árið
1788 af Oliver Pollock, viðskiptamógúl
frá New Orleans.
Bjó hann merkið til
með því að blanda
saman spænskum
peningatáknum. Á
meðal þjóða sem
nota dollaramerkið
en hafa ekki dollara sem gjaldmiðil eru
Argentína, Brasilía og Mexíkó.
í Þjóðleikhúsið
Ef þú lumar á góðu lagi, hvort
sem þú ert 14 eða 54 ára,
fræg/ur eða ekki þá viljum við
heyra frá þér.
Ef þú lumar á góðu lagi, hvort
sem þú ert 14 eða 54 ára,
fræg/ur eða ekki þá viljum við
heyra frá þér.
í Þjóðleikhúsið
ÞJÓÐLEIKHÚSIÐ
Pönklög óskast
Keppnin verður kynnt í kastljósinu í kvöld
Þjóðleikhúsið, í samstarfi við Rás 2, lýsir eftir tveimur
nýjum pönklögum fyrir söngleikinn Ástin er diskó –
lífið er pönk eftir Hallgrím Helgason. Verkið verður
frumsýnt á Stóra sviðinu í apríl. Leikstjóri er Gunnar
Helgason en tónlistarstjóri Þorvaldur Bjarni Þorvaldsson.
Þegar er búið að semja textana og er þá að finna á
www.leikhusid.is og www.ruv.is ásamt öllum nánari
upplýsingum. Lögunum þarf að skila fyrir 31. janúar.
www.ms.is
Fyrsti þáttur í kvöld
á Skjá einum kl. 20
Ekki missa af spennandi
keppni í kvöld milli grunnskóla
landsins í Skólahreysti.
Hver sigrar í kvöld?
19 jan uppselt
25 jan uppselt
30 jan örfá sæti laus
27 febrúar
28 febrúar