Fréttablaðið - 28.01.2008, Blaðsíða 2
2 28. janúar 2008 MÁNUDAGUR
ERTU AÐ VINNA?
Steinunn, á að sprengja upp
Atlantshafsbandalagið?
„Nei, það á að farga því á vistvænan
hátt.“
Fimm fyrrverandi hershöfðingjar hjá
Atlantshafsbandalaginu segja að
bandalagið eigi ekki að útiloka beitingu
kjarnorkuvopna að fyrra bragði. Steinunn
Þóra Árnadóttir, varaþingmaður Vinstri
grænna, vakti athygli á málinu á Alþingi.
FÓLK Frestur til að skila inn
tilnefningu til Samfélagsverðlauna
Fréttablaðsins rennur út á hádegi í
dag. Lesendur Fréttablaðsins eru
hvattir til að senda inn tilnefningar
sínar áður en fresturinn rennur út.
Þetta er í þriðja sinn sem
Samfélagsverðlaun Fréttablaðsins
eru veitt og koma allir til greina,
félagasamtök, óþekktir eða
þjóðþekktir einstaklingar sem
hafa með gjörðum sínum og
framgöngu verið öðrum fyrir-
mynd.
Verðlaunahafar verða kynntir í
febrúar. Tilnefningar má senda inn
á slóðinni www.visir.is/samfelags-
verdlaun. - sgj
Samfélagsverðlaunin:
Frestur rennur
út á hádegi
ÓLAFSFJÖRÐUR
Snjóflóð teppti veg
Snjóflóð féll á Ólafsfjarðarveg að
Ólafsfjarðarmúla við Sauðanes um
hádegi í gær. Tæplega tuttugu metra
kafli vegarins var undir rúmlega metra
þykkum snjó, en greiðlega gekk að
opna veginn á ný.
LÖGREGLUMÁL Maður gekk í
skrokk á öðrum fyrir utan
veitingahús í miðbæ Akureyrar
aðfaranótt sunnudags. Árásar-
maðurinn, sem taldi sig eiga
eitthvað sökótt við þolandann,
sló hann niður og sparkaði
tvisvar í höfuð hans með þeim
afleiðingum að hann rotaðist og
hlaut heilahristing.
Lögreglumenn og dyraverðir
urðu vitni að árásinni. Fórnar-
lambið var flutt á sjúkrahús en
var útskrifað að skoðun lokinni.
Árásarmaðurinn var yfirheyrð-
ur seinni partinn í gær og látinn
laus eftir það.
- sgj
Líkamsárás á Akureyri:
Barði mann og
sparkaði í höfuð
HEILBRIGÐISMÁL Breyting á lögum til að heimila
póstverslun með lyf verður væntanlega samþykkt
á Alþingi á vorþingi. Drög að frumvarpi
heilbrigðis ráðherra um málið eru tilbúin og
reiknar hann með því að frumvarpið verði lagt
fram á Alþingi á næstu vikum.
Í dag er ólöglegt að stunda póstverslun með lyf,
þótt heimilt sé að senda lyf í pósti á þá staði á
landsbyggðinni þar sem ekki er lyfjaverslun.
Guðlaugur Þór Þórðarson heilbrigðisráðherra
boðaði breytingar á þessu síðastliðið haust.
„Við höfum tekið talsverðan tíma í þetta því það
er að ýmsu að hyggja þegar kemur að faglega
þættinum, öryggiskröfum og öðru slíku,“ segir
Guðlaugur Þór.
„Þetta er í anda þess sem ég hef verið að tala
um, að opna markaðinn og auka samkeppnina, með
sérstaka áherslu á samnorrænan lyfjamarkað,“
segir Guðlaugur.
Lyfjaverslunin Lyfjaver tók í gær í notkun
róbóta sem raðar lyfjum á lager og tekur til
lyfjapantanir.
Magnús Már Steinþórsson, framkvæmdastjóri
Lyfjavers, segir verslunina bíða þess að póstversl-
un verði leyfð.
„Þá munum við geta boðið öllum landsmönnum
það verð sem er í boði á höfuðborgarsvæðinu og
veitt keðjunum úti á landi aðhald,“ sagði Magnús
áður en róbótinn var gangsettur í gær.
Nýi róbótinn mun auka afköstin í lyfjaafgreiðslu
um allt að fimmtíu prósent, en Magnús sagði að
það þýði ekki að starfsfólki yrði fækkað. Ætlunin
væri að auka markaðshlutdeild Lyfjavers veru-
lega, ekki síst í póstverslun með lyf.
„Meginverkefni stjórnvalda er að vinna gegn
fákeppni og ryðja burtu samkeppnishindrunum á
markaði,“ sagði Björgvin G. Sigurðsson viðskipta-
ráðherra áður en hann gangsetti róbótann. Ýmsar
aðferðir mætti nota til að auka samkeppni, og eitt
af því væri að rýmka reglur um póstverslun með
lyf, bæði innanlands og utan, sagði Björgvin. Skoða
yrði þetta mál með þeim sem reka lyfjaverslanir í
smærri byggðarlögum, til þess að slíkar verslanir
legðust ekki af.
Undir það tekur Guðlaugur Þór: „Ef við þurfum
að taka á því sérstaklega þá munum við gera það,
en á þessu stigi er ekkert sem bendir til þess að
svo sé.“
brjann@frettabladid.is
Póstverslun með lyf
heimiluð á vorþingi
Drög að frumvarpi sem breyta mun lögum til að heimila póstverslun með lyf eru
tilbúin í heilbrigðisráðuneyti. Áherslan á samnorrænan lyfjamarkað, segir ráð-
herra. Landsmenn munu allir fá lyf á sama verði, segir forsvarsmaður Lyfjavers.
RÓBÓTI Mannshöndin þarf
ekki lengur að raða lyfjum
og taka til pantanir í Lyfjaveri.
FRÉTTABLAÐIÐ/ANTON
VÉLVÆDD LYFJAAFGREIÐSLA
Lyfjaverslunin Lyfjaver tók
í gær í notkun róbóta sem
heldur utan um lyfjalager
verslunarinnar og afgreiðir lyf
samkvæmt lyfseðlum. Björg-
vin G. Sigurðsson viðskipta-
ráðherra gangsetti róbótann í
gær ásamt Magnúsi Má Stein-
þórssyni, framkvæmdastjóra
Lyfjavers. FRÉTTABLAÐIÐ/ANTON
INDÓNESÍA, AP Suharto, fyrrver-
andi einræðisherra Indónesíu,
var 86 ára þegar hann lést í fyrri-
nótt. Hann var einn grimmasti og
spilltasti einræðisherra 20. aldar,
ríkti í rúm þrjátíu ár og hélt
jafnan góðum vinskap við Banda-
ríkin.
„Faðir minn fékk hægt andlát,“
sagði Tutut, elsta dóttir Suhartos,
með tárin í augunum. „Megi guð
blessa hann og fyrirgefa honum
öll mistökin sem hann gerði.“
Susilo Bambang Yudhoyono
Indónesíuforseti hvatti lands-
menn sína til þess að „votta
einum af bestu sonum Indónesíu
virðingu sína“.
Suharto komst til valda árið
1965 og byrjaði valdatíð sína á
því að ráðast gegn kommúnistum
í landinu. Talið er að 300.000 til
800.000 andstæðingar stjórnar-
innar hafi týnt lífinu í þeim hildar-
leik. Að auki er talið að stjórn
hans hafi kostað um 300 þúsund
manns lífið næstu þrjá áratugina.
Verst úti urðu íbúar í héruðunum
Aceh, Papúa og Austur-Tímor,
þar sem tekið var hart á öllum til-
burðum til sjálfstæðisbaráttu.
Hann hrökklaðist frá völdum
árið 1998 og hafði þá notað tím-
ann óspart til að sanka að sér
auði. Fjölskylda hans naut einnig
góðs af því og börn hans eru enn
meðal auðugustu íbúa landsins.
- gb
Suharto, einn grimmasti einræðisherra 20. aldar, látinn í hárri elli:
Var aldrei dreginn fyrir rétt
VIÐ LÍK FÖÐUR SÍNS Tvö af börnum
Suhartos, sonurinn Tommy og dóttirin
Endang Hutami, standa við lík föður síns
á heimili hans í Jakarta. FRÉTTABLAÐIÐ/AP
VINNUMARKAÐUR Verkalýðsfélag
Akraness hyggst stefna HB Granda
fyrir dómstóla fyrir að hafa staðið
ólöglega að hópuppsögnum. Í
yfirlýsingu á vef verkalýðsfélags-
ins segir að HB Grandi hafi ekki
uppfyllt skilyrði um samráðsferli
áður en að uppsögnum kæmi.
Þar segir að lög geri ráð fyrir því
að samráðsferli taki alla jafna um
það bil þrjátíu daga, en þessar
uppsagnir hafi verið keyrðar í gegn
á sjö dögum.
„Þessi framkoma verður að
teljast með ólíkindum í ljósi
alvarleika málsins og er forsvars-
mönnum HB Granda til skammar“,
segir í yfirlýsingunni. - bj
Verkalýðsfélag stefnir Granda:
Segja hópupp-
sögn ólöglega
LÖGREGLUMÁL Einn þeirra þriggja
manna sem sitja í gæsluvarðhaldi
vegna gruns um að hafa átt aðild að
smygli á tæpum fimm kílóum af
amfetamíni og 600 grömmum af
kókaíni til landsins með hraðsend-
ingarpósti, starfaði hjá hraðsend-
ingarþjónustunni UPS á Keflavíkur-
flugvelli. Annar þeirra starfaði í
fjármálaráðuneytinu en þriðji mað-
urinn er bróðir hans.
Starfsmaðurinn hjá UPS starfaði
á tollgæslusvæðinu á Keflavíkur-
flugvelli og hafði greiðan aðgang að
sendingum til landsins, samkvæmt
upplýsingum Stöðvar 2.
Tollgæslan heyrir undir fjármála-
ráðuneytið en Baldur Guðlaugsson,
ráðuneytisstjóri þar, segir störf
mannsins ekki hafa tengst gæslunni.
Ekki sé enn tímabært að segja til
um hvort farið verði yfir verklags-
reglur í ráðuneytinu vegna málsins.
Efnin fundust við venjubundið
eftirlit Tollgæslunnar í nóvember
og er það mesta magn fíkniefna sem
fundist hefur í hraðsendingum.
Lögreglan á Suðurnesjum hefur
unnið að rannsókn málsins í náinni
samvinnu við fíkniefnadeild lög-
reglunnar á höfuðborgarsvæðinu.
Samkvæmt upplýsingum Frétta-
blaðsins er rökstuddur grunur um
að sömu menn og nú sitja í gæslu-
varðhaldi hafi komið fíkniefnasend-
ingum í pósti inn í landið áður. Rann-
sóknin er samkvæmt upplýsingum
Fréttablaðsins afar viðamikil og eru
grunsemdir um að málið teygi anga
sína víðar, meðal annars til Þýska-
lands.
Mennirnir eru allir á þrítugsaldri
og hafa þeir allir kært gæsluvarð-
haldsúrskurðinn samkvæmt upp-
lýsingum Fréttablaðsins. - kdk
Starfsmenn hraðsendingarþjónustu og fjármálaráðuneytis grunaðir um smygl:
Hafði greiðan aðgang að
hraðsendingum til landsins
FÍKNIEFNI Mennirnir eru grunaðir um að
hafa komið fíkniefnasendingum inn í
landið áður.
ENGLAND Lögreglumaður í bænum
Cosham á Englandi er snúinn aftur
til vinnu eftir sex ára launað leyfi.
Alls fékk hann yfir 25 milljónir í
laun fyrir heimasetuna.
Lögreglumaðurinn var sendur
heim í september árið 2001 vegna
gruns um aðild að spillingarmáli.
Tveimur árum og þremur
mánuðum seinna var hann
ákærður vegna málsins, en eitt ár
og fjórir mánuðir liðu þar til hann
var sýknaður. Sjö mánuðum seinna
var hann ákærður fyrir nýjar
sakir, en var aftur sýknaður. Tvö
ár liðu meðan málið var rannsakað
á ný en ljóst varð að lögreglu-
maðurinn var saklaus. - sgj
Enskur lögreglumaður:
Launað leyfi í
meira en sex ár
UTANRÍKISMÁL Ingibjörg Sólrún
Gísladóttir utanríkisráðherra
undirritaði á
laugardag
fríverslunar-
samning milli
EFTA-ríkjanna
og Kanada í
Davos í Sviss.
Samningurinn
öðlast ekki
gildi fyrr en öll
EFTA-ríkin
hafa fullgilt
hann.
Fram kemur
í tilkynningu frá utanríkisráðu-
neytinu að samningurinn feli í
sér niðurfellingu tolla á iðnaðar-
vörum og ýmsum öðrum vörum
sem Ísland framleiðir og flytur
út; til dæmis sjávar- og landbún-
aðarafurðum, útivistarfatnaði,
fiskikörum, vogum, vélum og
tækjum. Í staðin veiti Ísland
Kanada tollfrjálsan aðgang fyrir
iðnaðarvörur og ákveðnar
landbúnaðarvörur. - bj
Fríverslun við Kanada:
Undirritaði
samning EFTA
INGIBJÖRG SÓL-
RÚN GÍSLADÓTTIR
SPURNING DAGSINS