Fréttablaðið - 03.02.2008, Qupperneq 68

32 sport
Annað hvert ár fl ykkjast njósnarar allra stærstu félagsliða heims á Heimsmeistarakeppni U-17 ára landsliða til að fylgjast
með framtíðarstjörnum fótboltans. Cesc Fabregas, Giovanni Dos Santos og Anderson eru í hópi þeirra leikmanna sem
hafa verið uppgötvaðir á þessu móti undanfarin ár og hafa í framhaldinu fengið tækifæri hjá stærstu félögum heims. Sport
skoðaði þrjá bestu leikmenn mótsins sem lauk í Suður-Kóreu seint á síðasta ári.
5 mörk, 1 stoðsending
Hlaut 19% atkvæða
Fæddur: 28. ágúst 1990
Félag: Barcelona
Staða: Sóknarmaður
Krkic hefur vakið verðskuldaða athygli
með aðalliði Barcelona á þessu tímabili
og á föstudaginn var hann valinn í A-
landsliðshóp Spánar. Krkic er af mörgum
talinn efnilegasti leikmaður sem spænska
stórveldið hefur alið af sér. Hann fæddist
í Serbíu en fluttist með föður sínum til
Barcelona þegar hann gerðist útsendari fyrir liðið árið 1997. Árið
1999 hóf hann að spila fyrir akademíu Barca og átti hann eftir að
skora 960 mörk á sjö árum, allt þar til hann var færður upp í aðal-
liðið í fyrra – aðeins 16 ára gamall. Krkic er ótrúlegur markaskorari
og var fyrirliði spænska u-17 ára liðsins sem var Evrópumeistari
í vor. Krkic var auk þess markahæsti leikmaður þess móts. Krkic
var í banni í úrslitaleiknum gegn Nígeríu og kostaði fjarvera hans
Spánverja líklega titilinn. Hann er fljótur, teknískur og með einstakt
lag á að koma sér í færi sem hann nýtir gríðarlega vel.
Bojan Krkic Toni Kroos
5 mörk, 4 stoðsendingar
Hlaut 26% atkvæða
Fæddur: 4. janúar 1990
Félag: Bayern Munchen
Staða: Miðjumaður
Kroos er sagður búa yfir leiðtogahæfni Stefan Effenberg og yfirvegun
Michael Ballack og hefur verið stimplaður sem framtíðarfyrirliði og
leiðtogi þýska landsliðsins. Kroos var keyptur
til Bayern Munchen í fyrra og er þegar farinn
að spila reglulega fyrir liðið þrátt fyrir að vera
aðeins 17 ára gamall. .
Kroos, sem var fyrirliði þýska liðsins á mótinu,
átti frábært mót og var maðurinn á bak við
flest af þeim tuttugu mörkum sem Þýskaland
skoraði í mótinu. Kroos hefur þann hæfileika
að ná alltaf að búa sér til pláss á miðjunni
og hefur mikla skot- og sendingagetu. Sem
miðjumaður skoraði hann fimm mörk, lagði
upp fjögur og leiddi þannig þýska liðið til 3.
sætis í mótinu.
7 mörk, 2 stoðsendingar
Hlaut 25% atkvæða
Fæddur: 20. ágúst 1990
Félag: Abjuna (í
Nígeríu)
Staða: Sóknarmaður
Chrisantus er hlaupandi martröð fyrir þá varnarmenn sem
þurfa að gæta hans hverju sinni. Hann skoraði fimm mörk
strax í riðlakeppninni, þar af tvö mörk í leikjum gegn Japan
og Haiti, og stimplaði sig þannig
inn sem einn allra hættulegasti
sóknarmaður mótsins. Mörkin hans
voru auk þess hvert öðru mikilvæg-
ara því hann tryggði liði sínu sigur
á Argentínu í 8-liða úrslitum og
skoraði eitt mark í 3-1 sigri á Þjóð-
verjum í undanúrslitum. Nígería sigraði Spánverja í úrslitaleik
mótsins. Christantus er eldfljótur og lunkinn sóknarmaður sem
þykir minna um margt á Kanu og Emmanuel Adebayor. Hann
hafði líkamlega yfirburði á flesta andstæðinga sína í Suður-
Kóreu og þykir klára færin sem hann kemst í einstaklega vel.
Macauley Chrisantus
L E G G I Ð N Ö F N I N Á M I N N I Ð
P ato skaust fyrst upp á sjón-arsviðið árið 2006 þegar hann leiddi U-20 ára lið
Internacional til brasilíska meist-
aratitilsins með því að verða
markahæsti leikmaður tímabils-
ins. Pato var í kjölfarið valinn í U-
18 ára landslið Brasilíu til að taka
þátt í hinni árlegu unglingalands-
liðakeppni um Sendei-bikarinn
svokallaða í Japan. Pato sló þar
rækilega í gegn og áttuðu fjöl-
margir njósnarar frá helstu stór-
liðum Evrópu, sem koma ávallt
saman í Japan, að þarna væri á
ferðinni leikmaður sem hefði alla
burði til að verða stórstjarna.
Þrátt fyrir mörg gylliboð ákvað
Pato að vera ár til viðbótar hjá
Internacional áður en hann var
keyptur til Milan í ágúst í fyrra
fyrir um 1,5 milljarða króna. Hefur
nærvera Kaka, Ronaldos og fleiri
Brasilíumanna hjá liðinu líklega
haft mikið að segja í þeirri ákvörð-
un Pato að fara til Ítalíu.
HEFUR EINSTAKA HÆFILEIKA
Gríðarlegar væntingar eru gerðar
til Pato hjá Milan. Forseti félags-
ins, Silvio Berlusconi, segir Pato
vera hæfileikaríkasta framherja
sem spilað hafi fyrir félagið frá því
að Marco van Basten var upp á sitt
besta. Knattspyrnusérfræðingar í
Brasilíu halda ekki vatni yfir sínum
manni og segja hann hafa skyn-
bragð Ronaldos fyrir marktæki-
færum, boltatækni Careca, skalla-
tækni Jardel og persónuleika
Romarios. Um er að ræða rjómann
af bestu framherjum Brasilíu
undanfarin ár og Pato þykir sam-
eina helstu kosti þeirra allra.
MEÐ BÁÐA FÆTUR Á JÖRÐINNI
Pato fékk ekki atvinnuleyfi á Ítalíu
fyrr en í upphafi þessa árs og var
hann settur í byrjunarlið AC Milan
í fyrsta leiknum sem hann var
gjaldgengur í. Pato þakkaði traust-
ið með því að skora eitt mark og
spila mjög vel í 5-2 sigri á Napoli.
Frammistaðan varð ekki til að
draga úr væntingunum sem gerðar
voru til Pato og telja stuðnings-
menn AC að Pato geti verið
maðurinn til að koma liðinu
upp töfluna í ítölsku úrvals-
deildinni, en lítið hefur
gengið hjá stórveldinu það
sem af er leiktíð. Sjálfur er
Pato hinn hógværasti og
eftir fyrsta leikinn sagðist
hann hafa fundið fyrir litlu
stressi.
„Ég naut þess bara að spila
við hlið Kaka og Ronaldos,
tveggja átrúnaðargoða
minna. Það er draumur
að geta spilað við
hliðina á Ronaldo,“
segir Pato.
Aðspurður hvort
hann geti skorað
30 mörk á sex
mánuðum, líkt og
Berlusconi hélt
fram, sagði
Pato: „Hversu
mörg mörk
get ég skor-
að? Ég ætla
að fá að sofa
á því og segja
ykkur það
seinna.“
ALEXANDRE PATO
Alexandre Pato hefur
stimplað sig rækilega inn
í lið AC Milan í þeim fáu
leikjum sem hann hefur
spilað frá áramótum.
ALEXANDRE PATO
Fæðingardagur: 2. september, 1989
Hæð: 179 cm
Þyngd: 71 kg
Staða: Framherji
U M M Æ L I U M P A T O
„Hann gerir hluti á æfingum sem ég hef aldrei orðið vitni að
áður. Allir búast við mjög miklu af honum og ég er sannfærður
um að hann sýni hvað hann getur um leið og hann fær
tækifæri með liðinu.” Marek Jankulovski, varnarmaður
AC Milan.
„Það er enginn vafi á því að Pato hefur ótrúlega
hæfileika. En hann er aðeins 18 ára og það má ekki
leggja of mikla ábyrgð á herðar hans. Fjölmiðlar
hafa sett allt of mikla pressu á hann og það getur
bitnað á frammistöðu hans inni á vellinum.”
Clarence Seedorf, miðjumaður AC Milan.
„Hann býr yfir lygilegri tækni og
getur fært boltann frá vinstri fæti
á þann hægri við allar aðstæður.
Það sem kom mér mest á óvart
er líkamlegur styrkur hans, hann
er frekar lítill og léttur en samt
haggast hann varla í návígjum.”
Paulo Maldini, fyrirliði AC Milan.
„Ég hef rætt við Carlo Ance-
lotti um hvað Pato getur gert
fyrir félagið. Hann sagði mér að
ef hann næði að sýna í leikjum það
sem hann hefur gert á æfingum, þá gæti
hann skorað 30 mörk frá janúar til júní.”
Silvio Berlusconi, forseti AC Milan.
Með tilkomu
Pato er sterkasta
framlína AC
Milan eingöngu
skipuð brasilísk-
um snillingum.
Kaka, Ronaldo og
Pato láta líklega
flesta varnarmenn
heims skjálfa á
beinunum.
SPO
RT/A
FP
BRASILÍSKA UNGSTIRNIÐ SEM ER Á ALLRA VÖRUM Í MÍLANÓ
Mikið fár hefur gripið um sig í Mílanóborg í tengslum við nýjustu
vonarstjörnu AC Milan, brasilíska ungstirnið Alexandre Pato.
Hinn 18 ára gamli framherji, þekktur undir gælunafninu „Öndin”, þykir
gríðarlegt efni og hefur náð frábærlega saman við aðra landa sína og
snillinga í framlínu AC Milan, þá Kaka og Ronaldo, frá því hann spilaði
sinn fyrsta leik í upphafi árs.
STJÖRNURNAR Á HM U-17