Fréttablaðið - 04.02.2008, Blaðsíða 4
4 4. febrúar 2008 MÁNUDAGUR
FJARSKIPTI Langdrægur GSM-
sendir á Steinnýjarstaðafjalli
ofan við Skagaströnd hefur valdið
byltingu í útbreiðslu GSM-
sambands á Ströndum og á
Húnaflóa segir á strandir.is
„Sendirinn dregur 100 kíló-
metra í sjónlínu, en ennþá er eftir
að fínstilla sendinguna og mæla
útbreiðsluna,“ segir á strandir.is.
„Enn sem komið er geta við-
skiptavinir Vodafone einir notað
þjónustuna, en það hlýtur að
teljast ótrúlegt og óviðunandi ef
Síminn bíður lengi með að semja
um aðgang að dreifingu Vodafone
á þeim svæðum sem þeirra kerfi
nær ekki til.“ - gar
Fjarskipti á Húnaflóa:
GSM-samband
á StröndumSVEITARSTJÓRNARMÁL Samband
íslenskra sveitarfélaga hefur
miklar efasemdir um lengingu
kennaranáms. Sambandið
gagnrýnir sérstaklega áform um
lengingu leikskólakennaranáms
og vill að menntunarkröfur til
leikskólakennara verði óbreyttar.
„Sú breyting er lítt rökstudd í
frumvarpinu,“ segir í umsögn
sambandsins til menntamála-
nefndar Alþingis.
Aðeins þriðjungur leikskóla-
starfsmanna hefur leikskólakenn-
aramenntun. Brýnna verkefni er
„að fjölga menntuðum leikskóla-
kennurum en að auka menntunar-
kröfur til þeirra sem útskrifast úr
leikskólakennaranámi“. - ghs
Sveitarfélögin:
Andvíg lengra
námi leikskóla-
kennara
STJÓRNMÁL Enginn hefur sótt um
stöðu sveitarstjóra í Borgarfjarðar-
hreppi sem auglýst hefur verið
frá 17. janúar síðastliðnum. „Það
hefur enginn áhugi verið sýndur
enda ekki slegist um þessa stöðu í
svona litlu sveitarfélagi,“ segir
Steinn Eiríksson sem nú gegnir
stöðunni. „Enda eru launin engin
sérstök gulrót í þessu sambandi
en þau erum um helmingur eða
einn þriðji af því sem óreyndur
viðskiptafræðingur myndi sætta
sig við.“
Steinn á og rekur fyrirtækið
Álfastein í Borgarfirði eystri sem
framleiðir legsteina, listmuni úr
grjóti, nytjalistarmuni og fleira.
„Þetta er hörku rekstur og það
gengur ekki til lengdar að vera
sveitarstjóri, sem reyndar kallar á
fullt starf, og líka vera á fullu í
rekstri. En sveitarstjórastaðan er
í raun mikið starf og að mörgu
leyti mun flóknara hér en í stærri
sveitarfélögum. Í stærri sveitar-
félögum eru til staðar alls konar
undirmenn sem geta leyst úr ýmsu
en hér verður sveitarstjórinn að
koma sér vel inn í öll mál og kunna
skil á öllu, hann þarf eiginlega að
vera alltmúligmann.“
Steinn segir að hann muni sitja
uns eftirmaður hans finnist. „Ég
trúi ekki öðru en að hann finnist, í
raun er þetta mjög skemmtilegt
starf og það myndi í raun henta
mjög vel fyrir einhvern vel mennt-
aðan og metnaðargjarnan mann,
jafnvel að sunnan, sem langar í
mjög svo mikilvæga reynslu.
Hann myndi fá góða reynslu af
stjórnsýslunni.“
Hann segir að sveitungar séu
ekki farnir að ræða um neinn lík-
legan eftirmann. „Ef það væri ein-
hver á svæðinu sem sýndi þessu
áhuga og hefði eitthvað í starfið að
gera þá væri hann ráðinn en hér
fór fram óhlutbundin kosning sem
þýðir að hér voru kosnir einstakl-
ingar en ekki flokkar til valda svo
pólitíkin ætti ekkert að flækja
þetta fyrir eftirmanninum.“ - jse
Staða sveitarstjóra í Borgarfjarðarhreppi er enn laus þrátt fyrir ítrekaðar auglýsingar:
Lítill áhugi á sveitarstjórastöðu fyrir austan
STEINN EIRÍKSSON Er kominn á kaf í
rekstur og lætur því sveitarstjórastólinn
af hendi.
SERBÍA, AP Forsetakosningar fóru
fram í Serbíu í gær og eru tengsl
Serbíu til vesturs eða austurs
talin velta á úrslitunum.
Núverandi forseti, Boris Tadic,
þykir hallur undir vesturveldin
meðan keppinautur hans,
Tomislav Nicolic, vill styrkja
tengslin við Rússland.
Margir serbneskir íbúar
Kosovo-héraðs álíta kosningarnar
stefnumarkandi fyrir framtíð
héraðsins. Albanski meirihlutinn
vill sjálfstæði héraðsins frá
Serbíu. - sdg
Tengsl til vesturs eða austurs:
Kosið í Serbíu
BORIS TADIC OG TOMISLAV NICOLIC
Báðir frambjóðendurnir hafa lýst yfir að
þeir séu andsnúnir sjálfstæði Kosovo-
héraðs. FRÉTTABLAÐIÐ/AP
DÝRALÍF Fálkinn gæfi sem gæddi
sér á fýl við höfnina í Vestmanna-
eyjum í fyrradag var umsetinn
forvitnum Eyjamönnum þegar
hann tók aftur til matar síns á
sama stað í gær.
Mikil bílaumferð var hjá
fálkanum og stoppuðu margir til
að kíkja á hann. Fólk fór í allt að
tveggja metra færi við fálkann til
að taka af honum myndir en hann
kippti sér ekki upp við það. - jse
Fálkinn gæfi í Eyjum:
Umsetinn for-
vitnum peyjum
FÁLKINN KROPPAR Í FÝL Það er lítið
ætilegt eftir af fýlnum. MYND/ÓSKAR
SLYS „Þetta er nýmóðins hjá sveit-
inni, við ákváðum að fara í vetrar-
ferð um helgina og leyfðum börn-
unum að koma með,“ segir Svanur
Sævar Lárusson, formaður
flug björgunarsveitarinnar Hellu.
„Meðal annars svo þau gætu séð
um hvað þetta snýst — af hverju
við foreldrarnir erum aldrei
heima.“
Karlmaður á sextugsaldri, sem
velti vélsleða við Landmannahelli
seint í fyrrakvöld, skreið fótbrot-
inn í klukkustund aftur í skálann
þar sem hann og ferðafélagarnir
gistu og lét vita af sér. Fyrir til-
viljun var björgunarsveitin í fjöl-
skylduferðinni í næsta nágrenni.
Flogið var með manninn á
Borgarspítalann í Reykjavík, þar
sem hann gekkst undir aðgerð.
Svanur segir manninn hafa
verið illa brotinn þegar hann kom
aftur í skálana, og hafi ekki getað
komið upp orði vegna örmögnun-
ar. Hann hafi klórað í ferðafélaga
sína til að vekja þá.
„Það vildi svo vel til að við
vorum með hjúkrunarfræðing,
sjúkraliða og allt okkar færasta
fólk í fyrstu hjálp til staðar,“ segir
Svanur, sem stýrði aðgerðinni úr
stjórnstöð. Hann segir tólf manns
hafa tekið þátt í henni á vegum
sveitarinnar.
Kallað var á þyrlu Landhelgis-
gæslunnar um klukkan hálf tvö,
en þegar hún nálgaðist Land-
mannahelli kom í ljós að hún gat
ekki lent þar vegna slæms skyggn-
is og veðurs. Því var ákveðið að
þyrlan lenti við Búrfell, og þang-
að skyldi ekið með manninn á
snjóbíl björgunarsveitarinnar.
Á meðan flutningurinn var
undirbúinn óku björgunarsveitar-
menn að þyrlunni á vélsleða, sóttu
lækni sem var um borð og fóru
með hann til mannsins. Þetta
gerðu þeir svo hægt væri að lina
sársauka hans með verkjalyfjum.
Þyrlan lagði síðan af stað til
Reykjavíkur um klukkan sjö í
gærmorgun.
Jónas Hvannberg, læknir á vakt
á bæklunardeild, segir líðan
mannsins eftir atvikum.
Þótt ótrúlegt megi virðast er
þetta ekki í fyrsta skiptið sem fjöl-
skylduferð Flugbjörgunarsveitar-
innar Hellu breytist skyndilega í
björgunaraðgerð. „Eitt sumarið
fyrir nokkrum árum vorum við í
svipaðri ferð inni á hálendinu
þegar bíll valt í næsta nágrenni.
Þá þurfti að keyra viðkomandi
með sjúkrabíl til byggða,“ segir
Svanur.
salvar@frettabladid.is
Skreið fótbrotinn fram
á flugbjörgunarsveit
Heppnin var með karlmanni sem velti vélsleða við Landmannahelli í fyrrakvöld.
Hann skreið fótbrotinn eftir hjálp og fann fyrir björgunarsveit í fjölskylduferð.
Ekki í fyrsta sinn sem fjölskylduferð breytist í björgunaraðgerð, segir formaður.
FLUGBJÖRGUNARSVEITIN Á HELLU Kom manni sem skriðið hafði særður í klukku-
stund til bjargar. Sveitin var í fjölskylduferð í næsta skála. MYND/FLUGBJÖRGUNARSVEITIN HELLU
LANDMANNAHELLIR
Slysið varð við Landmannahelli.
GENGIÐ 01.02.2008
GJALDMIÐLAR KAUP SALA
HEIMILD: Seðlabanki Íslands
126,1138
GENGISVÍSITALA KRÓNUNNAR
64,52 64,82
128,43 129,05
95,97 96,51
12,873 12,949
11,957 12,027
10,139 10,199
0,6062 0,6098
102,83 103,45
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR